ដោយៈ សហសេវិក
អន្តរជាតិៈ ប្រសិនជាគ្មានអ្វីប្រែប្រួលទេនោះ ប្រធានាធិបតីសហរដ្ឋអាមេរិកលោក Donald Trump និងលោកPutin នឹងមានជំនួបជាលើកដំបូង ចាប់តាំងពីលោកត្រាំ ចូលកានដំណែងនៅអាណត្តិទី៤៧នេះ។
ទីភ្នាក់ងារព័ត៌មាន Bloomberg បានដកស្រង់សម្តីមន្ត្រីអនាមិកថា ប្រធានាធិបតីរុស្ស៊ី លោកVladimir Putinនិងសមភាគីអាមេរិក លោក Donald Trumpនឹងជួបប្រជុំគ្នានៅប្រទេសអារ៉ាប៊ីសាអូឌីត នៅចុងខែនេះ។
កាសែតCologricoក៏បានផ្តល់ព័ត៌មានដូចគ្នាដែរថា មន្រ្តីជាន់ខ្ពស់អាមេរិកមួយចំនួន នឹងទៅប្រទេសអារ៉ាប់ប៊ីសាអូឌីត ដើម្បីត្រៀមសម្រាប់កិច្ចប្រជុំកំពូលនាពេលខាងមុខនេះ។
ហេតុនេះហើយ ទីប្រឹក្សាសន្តិសុខជាតិលោក Mike Walii និងលោក Marco Rubio និងប្រេសិតមជ្ឈឹមបូព៌ារបស់ប្រធានDonald Trump-Steve Witkoff នឹងទៅប្រទេសអារ៉ាប់ប៊ីសាអូឌីតនៅថ្ងៃខាងមុខ។
ជាមួយគ្នានេះ សមាជិកព្រឹទ្ធសភាអាមេរិក លោកMichaelMcccaul បានបញ្ជាក់ពីសមាសភាពនៃគណៈប្រតិភូអាមេរិក។
យោងទៅតាមទីភ្នាក់ងារព័ត៌មានBloomberg បានឲ្យដឹងថា ទោះបីជាប្រេសិតអ៊ុយក្រែន ត្រូវបានគេរំពឹងថា នឹងនៅអារ៉ាប់ប៊ីសាអូឌីតក៏ដោយ ពួកគេមិនដឹងព័ត៌មានអំពីការរៀបចំនោះទេ។
កិច្ចប្រជុំកំពូលរវាងលោកប្រធានាធិបតីពូទីន និងលោកTrumpអាចនឹងប្រព្រឹត្តទៅមុនថ្ងៃទី២៨ ខែកុម្ភៈ ដែលជាពេលវេលារបស់មូស្លីមខែរ៉ាម៉ាដាន។
ទោះជាយ៉ាងណា អ្នកនាំពាក្យលោកវិមានខ្ពង់ខ្ពស់លោកប្រធានាធិបតីPutin និងប្រធានាធិបតីសហរដ្ឋអាមេរិក លោកDonald Trump បានយល់ព្រមជួបគ្នានៅប្រទេសទី៣ហើយបន្ទាប់មកនឹងមានដំណើរទស្សនកិច្ចរបស់រដ្ឋ។
យោងទៅតាមទូរទស្សន៍RT ព័ត៌មានខាងលើត្រូវបានបង្ហាញឱ្យបានប៉ុន្មានថ្ងៃ បន្ទាប់ពីប្រធានាធិបតីរុស្ស៊ី និងអាមេរិកបានធ្វើអន្តរកម្មដោយផ្ទាល់លើកដំបូង រវាងប្រមុខប្រទេសទាំងពីរ ចាប់តាំងពីជម្លោះនៅអ៊ុយក្រែន បានកើនឡើងនៅខែកុម្ភៈ២០២២។
លោកប្រធានាធិបតីPutin បានយល់ព្រមបន្តកិច្ចពិភាក្សា និងរៀបចំការប្រជុំដោយផ្ទាល់ នៅក្នុងប្រទេសទី៣ ក៏ដូចជា ការធ្វើទស្សនកិច្ចរបស់រដ្ឋនាពេលអនាគត។
ថ្លែងប្រាប់អ្នកសារព័ត៌មានពីរបីម៉ោង បន្ទាប់ពីការជជែកតាមទូរស័ព្ទ ជាមួយប្រធានាធិបតីរុស្ស៊ី លោកDonald Trumpបានប្រកាសថា លោកអាចជួបជាមួយសមភាគីរុស្ស៊ី របស់លោកនៅអារ៉ាប់ប៊ីសាអូឌីត។អារ៉ាប៊ីសាអ៊ូឌីត នៅថ្ងៃទី១៤ខែកុម្ភៈ បានប្រកាសពីការស្វាគមន៍ របស់កិច្ចប្រជុំកំពូលរបស់រុស្ស៊ីនាពេលខាងមុខ៕
