ដោយៈ គង់ សូរិយា
កោះកុងៈ ប្រតិភូក្រសួងបរិស្ថាន ដឹកនាំដោយលោកបណ្ឌិត ជួប បារីស៍ រដ្ឋលេខាធិការក្រសួងបរិស្ថាន និងមន្រ្តីរដ្ឋបាលខេត្តបានចុះទស្សនកិច្ចទីវាល តំបន់រេនបូកនៃឧទ្យានជាតិភ្នំក្រវ៉ាញ។
លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានអញ្ជើញស្វាយគមន៍ដំណើរទស្សនកិច្ចនេះ។
ដំណើរទស្សនកិច្ចនេះ ធ្វើឡើងដើម្បីចូលរួម និងសម្របសម្រួលដំណើរទស្សនកិច្ច ចុះទីវាលក្នុងតំបន់រេដបូកជួរភ្នំក្រវាញ នៃឧទ្យានជាតិជួរភ្នំក្រវាញ ក្នុងភូមិសាស្រ្តស្រុកថ្មបាំង ខេត្តកោះកុង។
ឧទ្យានជាតិជួរភ្នំក្រវាញ ក្នុងភូមិសាស្រ្តស្រុកថ្មបាំង ខេត្តកោះកុង ដែលដំណើរទស្សនកិច្ចនេះរៀបចំឡើង ក្នុងគោលបំណងពិនិត្យវឌ្ឍនភាពការងារ និងស្វែងយល់បន្ថែមពីតម្រូវការ សម្រាប់ការអនុវត្តគម្រោងរេដបូក ឱ្យកាន់តែមានប្រសិទ្ធភាព និងនិរន្តភាព៕
