ដោយៈ គង់ សូរិយា
អន្តរជាតិៈ វិស័យអចលនទ្រព្យនៅកម្ពុជា ក៏ដូចជាបណ្តាប្រទេសនានានៅលើពិភពលោក កំពុងរងផលប៉ះពាល់ដោយសង្គ្រាមពាណិជ្ជកម្មដែលផ្តួចផ្តើម ដោយលោក Donald Trump ទោះបីជាផលប៉ះពាល់ប្រែប្រួលតាមផ្នែកផ្សេងៗគ្នាក៏ដោយ។
ចំណុចទាំងអស់នេះ ជាផលប៉ះពាល់សំខាន់ៗមួយចំនួន ដែលអ្នកនៅក្នុងវិស័យនេះគួរសិក្សាស្វែងយល់។
១ តម្លៃសំណង់ខ្ពស់ជាងមុន
ការដាក់ពន្ឋលើលើដែក អាលុយមីញ៉ូម និងសម្ភារៈសំណង់ផ្សេងទៀត (ជាពិសេសពីប្រទេសចិន) បានបង្កើនតម្លៃសំណង់សម្រាប់លំនៅដ្ឋាន ពាណិជ្ជកម្ម និងឧស្សាហកម្ម។ កត្តានេះនាំឱ្យតម្លៃអចលនទ្រព្យឡើងថ្លៃ និងធ្វើឱ្យគម្រោងអភិវឌ្ឍន៍មួយចំនួនធ្លាក់ចុះ។
២ការរំខាននៃខ្សែសង្វាក់ផ្គត់ផ្គង់
សង្រ្គាមពាណិជ្ជកម្មដ៏អាក្រក់នេះ បានរំខានដល់ខ្សែសង្វាក់ផ្គត់ផ្គង់សកល ដែលធ្វើឱ្យវាកាន់តែពិបាក សម្រាប់អ្នកអភិវឌ្ឍន៍ក្នុងការស្វែងរកសម្ភារៈ ដែលមានតម្លៃសមរម្យ។ ជាពិសេស ប៉ះពាល់ដល់គម្រោងពាណិជ្ជកម្ម និងហេដ្ឋារចនាសម្ព័ន្ធខ្នាតធំ។
៣ ភាពមិនច្បាស់លាស់នៃការវិនិយោគ
ការវិនិយោគបរទេស នៅក្នុងអចលនទ្រព្យរបស់សហរដ្ឋអាមេរិក ជាពិសេសពីប្រទេសចិនបានថយចុះ ដោយសារតែភាពតានតឹងរវាងប្រទេសទាំងពីរ។ វាបាននិងកំពូងបង្កផលប៉ះពាល់ ដល់ទីផ្សារលំនៅដ្ឋានបែបពាណិជ្ជកម្ម និងប្រណីតនៅក្នុងទីក្រុងដូចជា ញូវយ៉ក ឡូសអេនជឺលេស និងសាន់ហ្វ្រាន់ស៊ីស្កូ។
៤ ភាពមិនប្រាកដប្រជាសេដ្ឋកិច្ច
ភាពមិនប្រាកដប្រជាសេដ្ឋកិច្ចទាំងមូល ដែលបណ្តាលមកពីសង្គ្រាមពាណិជ្ជកម្ម បាននាំឱ្យអាជីវកម្មមួយចំនួនពន្យារពេលផែនការពង្រីក ដែលប៉ះពាល់ដល់តម្រូវការការិយាល័យ និងកន្លែងឧស្សាហកម្ម។
៥ ដីស្រែចំការ និងអចលនទ្រព្យកសិកម្ម
ពន្ធលើការនាំចេញកសិផលរបស់អាមេរិក ប៉ះពាល់ដល់កសិករ ដែលនាំឱ្យតម្លៃដីទាបនៅតំបន់ជនបទមួយចំនួន។
ទោះជាយ៉ាងណាក៏ដោយ វិស័យមួយចំនួន ដូចជា ភស្តុភារ និងឃ្លាំងផ្ទុក ឃើញថាមានតម្រូវការកើនឡើង នៅពេលដែលក្រុមហ៊ុនស្វែងរកការកែសម្រួល ខ្សែសង្វាក់ផ្គត់ផ្គង់របស់ពួកគេ ដោយសារតែពន្ធគយ៕
