ដោយៈ គង់ សូរិយា
ភ្នំពេញៈ រដ្ឋាភិបាលតាមរយៈក្រុមការងារជំរុញការវិនិយោគ ក្នុងខេត្តព្រះសីហនុ សម្រេចជាគោលការណ៍ ផ្តល់ការលើកទឹកចិត្តពិសេស គម្រោងវិនិយោគចំនួន១៨គម្រោង មានទុនវិនិយោគសរុប២០៥លានដុល្លារអាមេរិកបន្ថែមទៀត។
គំរោងដែលបានផ្តល់ការលើកទឹកចិត្តពិសេស រួមមានគម្រោងពាក់ព័ន្ធនឹងអគារជាប់គាំងចំនួន៥គម្រោង និងគម្រោងថ្មីចំនួន១៣គម្រោង និងអាចបង្កើតការងារប្រមាណ២ ៩១៦កន្លែង ជាអាទិ៍ រោងចក្រស្ល និងកែច្នៃលោហៈធាតុ រោងចក្រកែច្នៃកាកសំណល់ រោងចក្រផលិតផលិតផលធ្វើពីក្រដាស អគារការិយាល័យ អគារស្នាក់នៅរួម សណ្ឋាគារ និងស្ថានីយទូរទស្សន៍។
