ហេតុអ្វីទីផ្សារអចលនទ្រព្យជប៉ុនទាក់ទាញចំណាប់អារម្មណ៍ខ្លាំងពីអ្នកវិនិយោគបរទេស?

ដោយ: គង់ លាងហួរ
អន្តរជាតិ: យោងតាមការស្ទង់មតិនាពេលថ្មីៗនេះរបស់ក្រុមហ៊ុនប្រឹក្សាអចលនទ្រព្យ CBRE លើទីផ្សារអចលនទ្រព្យពាណិជ្ជកម្មរបស់តំបន់អាស៊ីបានបង្ហាញថា ប្រទេសជប៉ុនបានគ្របដណ្តប់ចំណែក៣៦ភាគរយនៃបរិមាណប្រតិបត្តិការសរុបទាំងអស់នៅក្នុងត្រីមាសទីមួយនៃឆ្នាំនេះ។

ជាមួយគ្នានេះ ប្រទេសជប៉ុនជាជម្រើសកំពូលសម្រាប់អ្នកវិនិយោគបរទេស ដែលមានវិនិយោគិនបរទេសចំនួន៨៦ភាគរយបានបង្ហាញពីចំណាប់អារម្មណ៍យ៉ាងខ្លាំងចំពោះទីផ្សារអចលនទ្រព្យជប៉ុន។នេះបើយោងតាមការស្ទង់មតិរបស់ក្រុមហ៊ុនប្រឹក្សាអចលនទ្រព្យ CBRE។

ស្របពេលសហរដ្ឋអាមេរិកបច្ចុប្បន្នមិនសូវមានស្ថិរភាព ស្ថិរភាពនយោបាយរបស់ប្រទេសជប៉ុន គោលនយោបាយច្បាស់លាស់ និងទីផ្សារអចលនទ្រព្យដ៏រឹងមាំបានធ្វើឱ្យប្រទេសជប៉ុនអាចទាក់ទាញបណ្តាអ្នកវិនិយោគបរទេសបានកាន់តែច្រើន។