ស្ថាប័នអន្តរជាតិធំមួយវាយតម្លៃថា ទីផ្សារលំនៅដ្ឋានហុងកុងនឹងស្ទុះងើបឡើងវិញក្នុងពេលឆាប់ៗខាងមុខ

ដោយ: គង់ លាងហួរ
អន្តរជាតិ: ធនាគារវិនិយោគខ្នាតយក្ស Morgan Stanley របស់សហរដ្ឋអាមេរិក បានព្យាករណ៍ថា ទីផ្សារលំនៅដ្ឋានរបស់ទីក្រុងហុងកុងនៃប្រទេសចិននឹងស្ទុះងើបឡើងវិញក្នុងពេលឆាប់ៗនេះ ខណៈតម្លៃផ្ទះនឹងចាប់ផ្តើមងើបឡើងវិញនៅក្នុងឆមាសទី២ ឆ្នាំ២០២៥។

ធនាគារវិនិយោគអាមេរិកបានបន្តថា តម្លៃផ្ទះនៅទីក្រុងហុងកុងនឹងធ្លាក់ចុះ២ភាគរយក្នុងឆមាសទី១ ឆ្នាំនេះបើធៀបនឹងឆ្នាំមុន ខណៈតម្លៃផ្ទះនៅក្នុងឆមាសទី២ នឹងងើបឡើងវិញចំនួន២ភាគរយបើធៀបនឹងរយៈពេលដូចគ្នាកាលពីឆ្នាំ២០២៤។

លោក Praveen Choudhary ប្រធានផ្នែកស្រាវជ្រាវលើទីផ្សារអចលនទ្រព្យហុងកុងនៅធនាគារ Morgan Stanley បានអះអាងថា “ការស្ទុះងើបឡើងវិញនៃទីផ្សារលំនៅដ្ឋានហុងកុងនឹងមានរយៈពេលចំនួន៥ឆ្នាំ ដោយចាប់ផ្តើមពីឆមាសទី២ ឆ្នាំនេះ”។