ដំណើរការងើបឡើងវិញនៃទីផ្សារអចលនទ្រព្យនៅក្នុងតំបន់អឺរ៉ុបកំពុងជួបប្រទះភាពមិនច្បាស់លាស់

ដោយ: គង់ លាងហួរ
អន្តរជាតិ: យោងតាមកាសែត Bloomberg បានរាយការណ៍ថា គោលនយោបាយដំឡើងពន្ធគយរបស់ប្រធានាធិបតីសហរដ្ឋអាមេរិក លោក ដូណាល់ ត្រាំ បានជះផលប៉ះពាល់ដល់ការងើបឡើងវិញនៃទីផ្សារអចលនទ្រព្យនៅក្នុងតំបន់អឺរ៉ុប ខណៈសេដ្ឋកិច្ចសកលស្ថិតក្នុងភាពមិនច្បាស់លាស់។

យោងតាមរបាយការណ៍ពីក្រុមហ៊ុនហិរញ្ញវត្ថុ MSCI ដែលមានមូលដ្ឋាននៅទីក្រុងញូវយ៉ករបស់សហរដ្ឋអាមេរិកបានឱ្យដឹងថា ការលក់អចលនទ្រព្យពាណិជ្ជកម្មនៅតំបន់អឺរ៉ុបបានដាំក្បាលចុះ១០ភាគរយនៅត្រីមាសទី២ និងធ្លាក់ចុះ៧ភាគរយនៅឆមាសទី១ ឆ្នាំនេះ។

ចំនួនអ្នកទិញ និងអ្នកលក់អចលនទ្រព្យដែលមានភាពសកម្ម (Active buyers & sellers) នៅតំបន់អឺរ៉ុបបានដាំក្បាលចុះដល់កម្រិតទាបបំផុតមិនធ្លាប់មានក្នុងរយៈពេលជាង១ទសវត្សរ៍ក្នុងអំឡុងខែមេសារហូតដល់ខែមិថុនា ឆ្នាំ២០២៥។