ដោយ: គង់ លាងហួរ
អន្តរជាតិ: ក្រុមហ៊ុនផលិតសម្ភារៈកីឡាខ្នាតយក្ស Adidas បានប្រកាសឱ្យដឹងថា ខ្លួននឹងផ្លាស់ប្តូរទីតាំងការិយាល័យទៅកាន់គម្រោងអគារ Westbund Central ស្ថិតនៅតំបន់ពាណិជ្ជកម្មថ្មី“West Bund”ក្នុងទីក្រុងសៀងហៃរបស់ប្រទេសចិន។
គម្រោងខាងលើមានទំហំផ្ទៃក្រឡាសរុបចំនួន១៨,៣លានម៉ែត្រការ៉េ ដោយរួមមានទាំងការិយាល័យ និងអាផាតមុិនសម្រាប់ជួល។ គម្រោង Westbund Central មានទីតាំងស្ថិតនៅតាមបណ្តោយវិថី Xuhai Waterfront នៅទីក្រុងសៀងហៃ ដែលជាការបណ្តាក់ទុនវិនិយោគរបស់ក្រុមហ៊ុន Hongkong Land។
ក្រុមហ៊ុន Adidas គ្រោងជួលផ្តាច់មុខនូវអគារការិយាល័យកំពស់១៨ជាន់ក្នុងគម្រោង Westbund Central ។ កិច្ចសន្យាជួលអគារនេះនឹងត្រូវបានចុះហត្ថលេខាក្នុងត្រីមាសទី១ ឆ្នាំ២០២៦ ខណៈអត្រាគ្របដណ្តប់ការប្រើប្រាស់(Occupancy) នឹងសម្រេចបាន១០០ភាគរយនៅត្រីមាសទី៤ ឆ្នាំ២០២៦។
ការប្រកាសជួលអគារការិយាល័យ “Westbund Central” ស្ថិតក្នុងចំណោមកិច្ចព្រមព្រៀងជួលការិយាល័យកម្រិត A ដ៏ធំបំផុត ដែលសម្រេចបាននៅទីក្រុងសៀងហៃរាប់ចាប់តាំងពីឆ្នាំ២០២៣។នេះបើយោងតាមការដកស្រង់ចុះផ្សាយដោយសារព័ត៌មាន Edgeprop។
លោក Stuart Grant អ្នកគ្រប់គ្រងជាន់ខ្ពស់នៃគម្រោងអគារ Westbund Central បានកត់សម្គាល់ថា ទំហំការិយាល័យចំនួន៨៥០.៣៥៦ហ្វីតការ៉េនៅគម្រោង Westbund Central ត្រូវបានគេជួលក្នុងរយៈពេល១២ខែចុងក្រោយនេះ៕ប្រភព: Edgeprop៕
