អាកាសយានដ្ឋានអន្តរជាតិតេជោបង្ហាញសម្រស់និងកាន់តែទាក់ទាញ ខណៈការបើកដំណើរការបញ្ជាក់ពីពេលវេលាជាក់លាក់

ដោយៈ គង់ សូរិយា

    ភ្នំពេញៈ អាកាសយានដ្ឋានតម្លៃ១៥០០លានដុល្លារអាមេរិក ដែ​លស្ថិតនៅក្នុងក្របខ័ណ្ឌ4F និងអាចឲ្យយន្តហោះលំដាប់យក្សចុះ​ចត​បាន​ បាននិងកំពុងបង្ហាញសម្រស់កាន់តែទាក់ទាញ។

អាកាសយានដ្ឋានអន្តរជាតិតេជោ (TIA) ដែលជាអាកាសយានដ្ឋានថ្មីសម្រាប់រាជធានីភ្នំពេញ រាជធានីនៃប្រទេសកម្ពុជា បានត្រៀមដំណើរការជាផ្លូវការនៅថ្ងៃទី9 ខែកញ្ញា បន្ទាប់ពីការសាងសង់បានរួចរាល់ 100% នេះបើតាមការលើកឡើង របស់ប្រធានអាកាសចរណ៍ស៊ីវិលកាលពីថ្ងៃច័ន្ទ។