ដោយ: គង់ លាងហួរ
អន្តរជាតិ: យោងតាមទិន្នន័យបានបង្ហាញថា តម្លៃអចលនទ្រព្យលំនៅដ្ឋានជាមធ្យមនៅទីក្រុងឌូបៃរបស់ប្រទេសអេមីរ៉ាត់អារ៉ាប់រួមបានកើនឡើង៣,៣ភាគរយដល់ទំហំទឹកប្រាក់ចំនួន៥១៥,៤៥ដុល្លារក្នុងមួយហ្វីតការ៉េក្នុងខែកក្កដាបើធៀបនឹងខែមិថុនា ឬស្មើនឹង៥.៥៤៨ដុល្លារក្នុងមួយម៉ែត្រការ៉េ។
យោងតាមក្រុមហ៊ុនប្រឹក្សាអចលនទ្រព្យ Betterhomes បានរាយការណ៍ឱ្យដឹងនាពេលថ្មីៗនេះថា តម្រូវការលំនៅដ្ឋាននៅទីក្រុងឌូបៃបានកើនឡើងប្រកបដោយនិរន្តរភាព ទាំងការលក់ និងការជួលកាលពីខែកក្កដាកន្លងមក។
ការលក់លំនៅដ្ឋានសរុបបានហក់ឡើង២០,៥ភាគរយដល់ចំនួន១៨.៨១៦យូនីតកាលពីខែកក្កដាបើធៀបនឹងខែមិថុនា ដែលមានតម្លៃជាទឹកប្រាក់សរុបជិត១៤ពាន់លានដុល្លារអាមេរិក។នេះបើយោងតាមការដកស្រង់ចុះផ្សាយដោយសារព័ត៌មាន Khaleej Times។
