ដោយៈ ម៉ាណា
ភ្នំពេញៈ យោងតាមគេហទំព័រផ្លូវការរបស់ អ្នកឧកញ៉ាបណ្ឌិត សំ សុខនឿន ដែលបានផុសនៅថ្ងៃទី០៤ ខែកញ្ញា ឆ្នាំ២០២៥ ដែលមានខ្លឹមសារដូចតទៅ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានផ្ញើរលិខិតជូន អ្នកឧកញ៉ាបណ្ឌិត សំ សុខនឿន អំពីលទ្ធផលនៃការបោះឆ្នោតជ្រើសតាំង សមាជិកក្រុមប្រឹក្សាភិបាល អាណត្តិទី១ ឆ្នាំ២០២២-២០២៧ កាលពីថ្ងៃទី១៤ ខែកក្កដា ឆ្នាំ២០២៥ កន្លងទៅ។
ការតែងតាំងនេះ ដោយយោងទៅតាមការបោះឆ្នោតជ្រើសតាំង អ្នកឧកញ៉ា បានជាប់ឆ្នោតជាផ្លូវការ ជាសមាជិកក្រុមប្រឹក្សាភិបាល នៃសមាគមឧកញ៉ាកម្ពុជា។
លោកអ្នកឧញ៉ា លី យ៉ុងផាត់ បានធ្វើការស្វាគមន៍ និងអបអរសាទរ ដោយស្មោះចំពោះលទ្ធផល ហើយក៏សង្ឃឹម នឹងជឿជាក់យ៉ាងមុតមាំថា អ្នកឧកញ៉ា នឹងខិតខំប្រឹងប្រែងឲ្យអស់ពីលទ្ធភាព សមត្ថភាព និងទេពកោសល្យ ដើម្បីចូលរួមថែរក្សាកិត្តិយស សីលធម៌ និងគុណតម្លៃដ៏ឧត្តុង្គឧត្តមរបស់គោរមវ័ន្ត ក៏ដូចជាការការពារផលប្រយោជន៍រួម របស់សមាគមឧកញ៉ា កម្ពុជា ស្របតាមលក្ខន្តិកៈ បទបញ្ជាផ្ទៃក្នុង និងសេចក្តីសម្រេចនានា របស់សមាគមឧកញ៉ាកម្ពុជា៕
