ដោយ វុត្ថា
ហ្វីលីពីន៖ ប្រទេសហ្វីលីពីនបាននិងកំពុងសាងសង់ព្រលាន យន្តហោះថ្មីមួយទៀតតម្លៃ៩.៣៦ពាន់លាន Peso ដែលស្មើនឹង ១៨០លានដុល្លារអាមេរិក ហើយគ្រោងដាក់ឲ្យដំណើរការជាផ្លូវការនៅក្នុងឆ្នាំ ២០២០នាពេលខាងមុខនេះ។
លោក Manuel Antonio Tamayo អនុរដ្ឋលេខាធិការក្រសួងដឹកជញ្ជូនផ្នែកអាកាសចរណ៍បានឲ្យដឹងកាលពីកន្លងកមនេះថា ការសាងសង់ស្ថានីយ៍យន្តហោះថ្មីសម្រាប់អ្នកដំណើរ នៃអាកាសយានដ្ឋានអន្តរជាតិ Clark បានឹងកំពុងដំណើរការយ៉ាងរលូន ហើយរំពឹងថា នឹងដាក់ឲ្យដំណើរការជាផ្លូវការ នៅក្នុងឆ្នាំ២០២០ខាងមុខដ៏ខ្លីនេះ។
-->
លោកន្តថា អាកាសយានដ្ឋានអន្ដរជាតិ Clark ជាច្រកទ្វារធំទី2 នៅក្នុងប្រទេសហើយស្ថានីយថ្មីដែលមានទំហំ១00,000 ម៉ែត្រការ៉េនឹងបង្កើនសមត្ថភាពទ្វេដងដល់អ្នកដំណើរប្រមាណ៨លាននាក់ក្នុងមួយឆ្នាំ ដើម្បីបង្កើនសមត្ថភាពដឹកជញ្ជូនផ្លូវអាកាសនៅតំបន់ Greater Manila។
លោកបន្ថែមថា គម្រោងនេះ នឹងត្រូវបានកាត់បន្ថយសំពាធ លើព្រលានយន្តហោះ Ninoy Aquinoបច្ចុប្បន្នដែលកំពុងមានការកកកុញ នៃអ្នកធ្វើដំណើរ និងជួយបង្កើតការងារ និងបង្កើនការអភិវឌ្ឍនៅក្នុងមជ្ឈមណ្ឌល Luzon ដែលជាមជ្ឈមណ្ឌលសេដ្ឋកិច្ចរីកលូតលាស់មួយនៅក្នុងប្រទេហ្វីលីពីន។
លោកបន្តថា “អាកាសយានដ្ឋានអន្ដរជាតិ Clark ជាច្រកចេញដ៏សំខាន់ទៅកាន់ប្រទេសនៅក្នុងតំបន់អាស៊ីដែលបច្ចុប្បន្ននេះ មានសមត្ថភាពផ្ទុកអ្នកដំណើរបាន៤លាននាក់”។
ក្រុមហ៊ុនអាកាសចរណ៍ដែលបាន និងកំពុងដំណើរការនៅអាកាសយានដ្ឋានអន្តរជាតិ Clark រួមមានក្រុមហ៊ុន Qatar Airways ក្រុមហ៊ុន Cebu Pacific ក្រុមហ៊ុន Tiger Air ក្រុមហ៊ុនអាកាសចរណ៍ Jin Air ក្រុមហ៊ុន Asiana ក្រុមហ៊ុនអាកាសចរណ៍ Dragon Air ក្រុមហ៊ុន AirAsia Berhad ក្រុមហ៊ុនអាកាសចរណ៍ហ្វីលីពីនអ៊ែរឡាញ និង ក្រុមហ៊ុនអាកាសចរណ៍ Emirates Airlines ។

ក្រុមហ៊ុនអាកាសចរណ៍ទាំងនេះ នឹងហោះហើរទៅកាន់ទីក្រុងហុងកុង ទីក្រុងសិង្ហបុរី ទីក្រុងបាងកក ទីក្រុងម៉ាកាវ ទីក្រុង Pudong អាកាសយានដ្ឋាន Incheon ទីក្រុង Doha ទីក្រុង Dubai ទីក្រុង Davao ទីក្រុង Cebu និងទីក្រុង Kalibo៕