ដោយ ដន
ភ្នំពេញ: ប្រទេសកម្ពុជាគឺមួយប្រទេសស្ថិតក្នុងចំណោមប្រទេសដែលមានខុនដូតម្លៃសមរម្យ មានតម្លៃខ្ពស់បំផុតនៅក្នុងតំបន់ដោយសារតែតម្លៃដីធ្លីកើនឡើងយ៉ាងឆាប់រហ័ស។
យោងតាមរបាយការណ៍ដែលចេញផ្សាយដោយ CBRE នៅថ្ងៃនេះបានឱ្យដឹងថា ទីផ្សារខុនដូដែលមានតម្លៃសមរម្យមានតម្លៃដល់ ១,៤៧៣ ដុល្លារអាមេរិចក្នុងមួយម៉ែត្រការ៉េ ពោលគឺជិត ៧៣ ភាគរយខ្ពស់ជាងទីក្រុងហូជីមិញ។
ទីផ្សារខុនដូដែលមានតម្លៃសមរម្យត្រូវភាគច្រើនត្រូវបានវិនិយោគ និងគ្របដណ្តប់ដោយអ្នកអភិវឌ្ឍន៍ក្នុងស្រុកក្នុការផ្គត់ផ្គង់ដល់ប្រជាពលរដ្ឋក្នុងស្រុក ដូចជានៅតំបន់ ខណ្ឌសែនសុខ ទួលគោក និងជ្រោយចង្វារ។
លោក Jame Hodge អនុប្រធានក្រុមហ៊ុន CBRE Cambodia “យើងឃើញគម្រោងខុនដូជាច្រើនដែលមានតម្លៃសមរម្យបាននិងកំពុងចាក់បញ្ចូលទៅក្នុងទីផ្សារ។ នេះគឺជាសញ្ញាជំរុញមួយដែលអ្នកអភិវឌ្ឍន៍បានទទួលស្គាល់នូវអត្ថប្រយោជន៍នៃការចាប់យកទីផ្សារមួយនេះក្នុងប្រទេសកម្ពុជាបន្ថែមពីលើការបន្តស្វែងរកអ្នកទិញនៅក្រៅប្រទេស”។
ខុនដូដែលមានតម្លៃសមរម្យមានតម្លៃពី ៨៦២ ដុល្លារក្នុងមួយម៉ែត្រការ៉េនិង តម្លៃខ្ពស់បំផុតដល់ ១,៥០២ ដុល្លារក្នុងមួយម៉ែត្រការ៉េ។ ទីផ្សារខុនដែលមានតម្លៃសមរម្យមានតម្លៃជិតស្មើ ឫដូចគ្នានឹងខុនដូដែលមានតំលៃសមរម្យនៅក្នុងទីក្រុងយ៉ាងហ្គោនប្រទេសមីយ៉ាន់ម៉ា។
លោក Jame Hodge បន្តថា “ការចាប់យកវិស័យខុនដូដែលមានតម្លៃសមរម្យបានលើកទឹកចិត្តដល់អ្នកអភិវឌ្ឍដទៃទៀតឱ្យចូលមកវិនិយោគក្នុងវិស័យនេះដែលផ្តល់ទំនុកចិត្តដល់អ្នកអភិវឌ្ឍ ហើយជាលទ្ធផលអ្នកអភិវឌ្ឍ មួយចំនួនបានជ្រើសរើសចូលទៅក្នុងទីផ្សារដោយជំរុញឱ្យតម្លៃមធ្យមនៃខុនដូដែលមានតម្លៃសមរម្យកើនឡើង”។ អគារខុនដូគិតមធ្យមមានតម្លៃ ២,៥៥៩ ដុល្លារក្នុងមួយម៉ែត្រការ៉េ ខណៈខុនដូប្រណីតមានតម្លៃជាង ៣,២៧២ ដុល្លារក្នុងមួយម៉ែត្រការ៉េ៕
[…] ប្រភព៖ Property area […]