ដោយ វុត្ថា
ឥណ្ឌូនេស៊ីៈ ប្រទេសឥណ្ឌូណេស៊ីគ្រោងនឹងរៀបចំការវិនិយោគលើវិស័យជាច្រើនផ្សេងទៀតជូនដល់វិនិយោគិនបរទេស និងកែសម្រួលលើច្បាប់ការងាររបស់ខ្លួនឱ្យកាន់តែរឹងមុំា ដើម្បីក្លាយជាប្រទេសមហាអំណាចផលិតកម្មក្នុងតំបន់ ដែលអាចកប្រកួតប្រជែងជាមួយប្រទសអាល្លឺម៉ង់ និងកូរ៉េខាងត្បូង។
លោក Airlangga Hartarto រដ្ឋមន្ត្រីក្រសួងឧស្សាហកម្មនៃប្រទេសឥណ្ឌូនេស៊ី បានថ្លែងឲ្យដឹងកាលពីពេលថ្មីៗនេះថា រដ្ឋាភិបាលរបស់លោកប្រធានាធិបតី Joko Widodo នឹងពឹងផ្អែកលើវិស័យឧស្សាហកម្មគ្រឿង ឧស្សាហកម្មសារធាតុគីមី និងឧស្សាហកម្មអេឡិចត្រូនិច ដើម្បីជំរុញការរួមចំណែកនៃវិស័យផលិតកម្ម ឲ្យបាន២៥ភាគរយនៃសេដ្ឋកិច្ចជាតិនៅត្រឹមឆ្នាំ២០២០ ដែលបច្ចុប្បន្នមាន20ភាគរយ។
-->
លោកបានបន្ថែមថា “វិធានការនេះ អាចជួយបង្កើនការនាំចេញពីសេដ្ឋកិច្ចធំបំផុតរបស់អាស៊ីអាគ្នេយ៍ និងដោះស្រាយឱនភាពគណនីចរន្តរបស់ខ្លួន”។
លោក Hartarto បានបន្តថា គោលដៅរបស់យើង គឺចង់ប្រែក្លាយប្រទេសទៅជាមជ្ឈមណ្ឌលផលិតកម្មរបស់អាស៊ាន ជាមួយគ្នាននោះប្រទេសឥណ្ឌូនេស៊ី នឹងខិតខំប្រឹងប្រែងធ្វើឱ្យលើសលប់ជាងប្រទេសអាល្លឺម៉ង់ និងកូរ៉េខាងត្បូង ងើបឡើងស្របតាមប្រទេសចិនដែលជាមូលដ្ឋាន សម្រាប់ផលិតអ្វីគ្រប់យ៉ាងពីរថយន្តអគ្គីសនី ទៅជាផលិតផលគីមីឥន្ធនៈ។
លោក Widodo ដែលកំពុងត្រៀមខ្លួនឡើងកាន់ជាប្រធានាធិបតីនៃប្រទេសឥណ្ឌូនេស៊ីសម្រាប់អាណត្តិរយៈពេល៥ឆ្នាំជាលើកទី២ បាននឹងកំពុងសម្លឹងមើលការធ្វើឱ្យវិស័យផលិតកម្មដែលកំពុងជួបការលំបាក ដើម្បីជំរុញកំណើនសេដ្ឋកិច្ចជួយទប់ស្កាត់ឱនភាពគណនីចរន្ត និងបង្កើតការងាររាប់លាន។
;សេដ្ឋកិច្ចរបស់ប្រទេសឥណ្ឌូនេស៊ី បានកើនឡើងប្រហែល៥ភាគរយក្នុងមួយឆ្នាំពោលគឺតិចជាងការដាក់ទិសដៅ៧ភាគរយ របស់លោកប្រធានាធិបតីដែលត្រូវបានពឹងផ្អែកលើការនាំចេញវត្ថុធាតុដើម។
គំនិតផ្តួចផ្តើមរបស់រដ្ឋាភិបាលឥណ្ឌូនេស៊ី ដើម្បីជំរុញការផលិតបានរួមបញ្ចូលទាំងការបន្ធូរបន្ថយបញ្ជីវិនិយោគអវិជ្ជមាន ដែលកំណត់កម្រិតនៃភាពជាម្ចាស់របស់បរទេសនៅទូទាំងគ្រប់វិស័យជាច្រើន សម្រួលដល់ការបង់ពន្ធសម្រាប់ក្រុមហ៊ុន ក្នុងស្រុកនិងបរទេស និងកំណែទម្រង់ច្បាប់ការងារ៕
