ដោយ វុត្ថា
ភ្នំពេញៈ គ្រប់វិស័យទាំងអស់ ស្ថិតនៅក្រោមវិស័យអចលនទ្រព្យនៅក្នុងប្រទេសហ្វីលីពីន ត្រូវបានគេមើលឃើញថានឹងបន្តកើនឡើង សមា្របឆ្នាំ២០១៩នេះ។
យោងតាមរបាយការណ៍សង្ខេបរបស់ក្រុមហ៊ុន JLL ដែលបានចេញផ្សាយកាលពីពេលថ្មីៗនេះថា ការរក្សាតម្រូវការនេះ គឺដោយសារមានការធ្វើអាជីវកម្មដំណើរការ (BPO) ការលេងហ្គេមអនឡាញ និងក្រុមហ៊ុនបច្ចេកវិទ្យាផ្សេងៗទៀត។
លោក Janlo de los Reyes នាយកផ្នែកស្រាវជ្រាវ និងការប្រឹក្សារបស់ក្រុមហ៊ុននេះបានឲ្យដឹងកាលពីកន្លងមកថា ទោះបីជាការកើនឡើងនៃតម្រូវការអចលនទ្រព្យ ពីក្រុមហ៊ុនល្បែងតាមប្រព័ន្ធអ៊ីនធឺណែតក៏ពិតមែន ក៏វិស័យនេះនៅតែមានសុខភាពល្អត្រឹម ៦% ។
ការកើនឡើងនេះ ក៏មានការរួមចំណែកផងដែរ ចំពោះតម្រូវការពីអ្នកវិនិយោគិនចិនដីគោកដែលត្រូវបានផ្សារភ្ជាប់ជាមួយ នឹងការអាជីវកម្មល្បែងនៅតាមដងឈូងសមុទ្រនៃប្រទេសហ្វីលីពីន។ ការបង្កើនមុខជំនួញរបស់ចិននៅក្នុងប្រទេស ក៏បានជំរុញឱ្យមានការិយាល័យ និងតម្រូវការលំនៅដ្ឋានផងដែរ។
លោក De Los Reyes បានប្រាប់កាសែតក្នុងស្រុកថា “យើងអាចមើលឃើញការចាប់អារម្មណ៍ពីវិនិយោគិនចិនដីគោក ដែលកំពុងស្វែងរកការវិនិយោគលើផ្ទៃដី ៣០០ហិកតានិង ៥០០ហិកតា”។
លោកបន្តថា “ពិតណាស់មានតម្រូវការដ៏ច្រើនពីប្រទេសចិន ប៉ុន្តែអ្វីដែលយើងរំពឹងថា នឹងមាននៅក្នុងប៉ុន្មានខែខាងមុខ នេះ វានឹងធ្វើពិពិធកម្មដល់ឧស្សាហកម្មដទៃទៀត។ យើងនឹងឃើញឧស្សាហកម្មជាច្រើនទៀតពីចិនដីគោក”៕
