តម្រូវការផ្ទះថ្មីនៅប្រទេសអង់គ្លេសអាចនឹងងើបឡើងវិញដោយសន្សឹមៗនៅឆ្នាំ២០២៦ខាងមុខ

ដោយ: សហសេវិក
អន្តរជាតិ: ក្រុមអ្នកវិភាគមួយចំនួនបានបង្ហាញសុទិដ្ឋិនិយមថា តម្រូវការផ្ទះថ្មីនៅប្រទេសអង់គ្លេសអាចងើបឡើងវិញបន្តិចម្តងៗនៅឆ្នាំ២០២៦ ខណៈការបង្ហាញផែនការថវិការបស់លោកស្រីរដ្ឋមន្ត្រីហិរញ្ញវត្ថុ Rachel Reeves បានជម្រះភាពមិនប្រាកដប្រជាចំពោះទីផ្សារ។

រដ្ឋាភិបាលអង់គ្លេសនឹងមិនធ្វើការផ្លាស់ប្តូរចំពោះពន្ធប្រថាប់ត្រានោះទេ នៅពេលនរណាម្នាក់ទិញផ្ទះ។ ការណ៍នេះបានជួយជំរុញឱ្យតម្លៃមូលបត្របំណុលរបស់រដ្ឋាភិបាលអង់គ្លេសកើនឡើង។

ក្រុមអ្នកវិភាគបានលើកឡើងថា ជាធម្មតា ការសម្រេចចិត្តនេះនាំឱ្យបរិយាកាសផ្តល់ប្រាក់កម្ចីកាន់តែមានភាពអំណោយផលសម្រាប់ធនាគារ និងបន្ទាបអត្រាការប្រាក់លើកម្ចីរយៈពេលវែងសម្រាប់អ្នកខ្ចីប្រាក់។