ដោយ: សហសេវិក
អន្តរជាតិ: តម្លៃផ្ទះនៅសហរដ្ឋអាមេរិកបានកើនឡើងយ៉ាងគំហុក ដោយសារតម្រូវការមានកម្រិតលើសពីការផ្គត់ផ្គង់ ដែលជំរុញឱ្យអ្នកទិញជាច្រើនចាកចេញពីទីផ្សារ។ ចាប់ពីដើមឆ្នាំ២០២០ ដល់ត្រីមាសទី៣ ឆ្នាំ២០២៥ តម្លៃផ្ទះបានកើនឡើងជិត៥៥ភាគរយទូទាំងប្រទេស។
ក្រុមអ្នកជំនាញរំពឹងថា ការដាក់លក់ផ្ទះអាចកើនឡើងកាន់តែច្រើននៅឆ្នាំ២០២៦ ដែលអាចជួយជំរុញការផ្គត់ផ្គង់ និងទប់ស្កាត់ការកើនឡើងនៃតម្លៃផ្ទះ។ លទ្ធភាពនៃការទិញផ្ទះនៅតំបន់មួយចំនួនបានបង្ហាញភាពប្រសើរឡើង ដោយតម្លៃផ្ទះបានធ្លាក់ចុះនៅក្នុងរដ្ឋនានា ដូចជារដ្ឋ Florida រដ្ឋតិចសាស និងរដ្ឋកាលីហ្វ័រញ៉ានៅឆ្នាំ២០២៥។
ទោះជាយ៉ាងណា ក្រុមអ្នកជំនាញវាយតម្លៃថា តម្លៃផ្ទះនៅទូទាំងសហរដ្ឋអាមេរិកនឹងមិនធ្លាក់ចុះយ៉ាងគំហុកនោះទេ។ តម្លៃលំនៅឋានអាចស្ថិតក្នុងសភាពទ្រឹងនៅឆ្នាំ២០២៦ ឬអាចកើនឡើងបន្តិចបន្តួចក្នុងរង្វង់ប្រហែល០,៥ភាគរយ។
