ឧកញ៉ាធំៗប្រាប់​ពី​និយមន័យ​នៃ​ភាពជា «អ្នកមាន» ក្នុងសង្គម​ខ្មែរ

0

ដោយ គង់ សូរិយា

ភ្នំពេញ៖ តើ​ភាពជា​អ្នកមាន​ក្នុងសង្គម​ខ្មែរ ត្រូវគេ​កំណត់សំគាល់​ដោយ​កត្តា​អ្វីខ្លះ ខណៈដែល​សង្គម​មួយ​នេះ​មិនទាន់​សម្រេច​ថា អ្នកមាន​ត្រូវមាន​សាច់ប្រាក់​ប៉ុន្មាន​នៅឡើយ។

លោក​ឧកញ៉ា លី ហួរ អគ្គនាយក​ក្រុមហ៊ុន លី ហួរ គ្រុប ដែលមាន​ក្រុមហ៊ុន​ជា​បុត្រ​ស​ម្ព័​ន្ឋ​យ៉ាងច្រើន​ដូចជា បុរី​វិមាន​ភ្នំពេញ ហាង​ប្តូរប្រាក់ និង​វេ​លុយ​លី ហួរ និង​ក្រុមហ៊ុន​មួយចំនួនទៀត បាន​ថ្លែង​ឲ្យ​ដឹង​កាលពីពេលថ្មីៗនេះ​ថា ភាពជា​អ្នកមាន មានការ​និយាយ​ច្រើនខុសៗគ្នា ប៉ុន្តែ​សម្រាប់​ការគិត​របស់លោក ភាពជា​អ្នកមាន​គឺ​អ្នក​ដែល​មានផ្ទះ​ស្នាក់នៅ មាន​រថយន្ត​សម្រាប់​ជិះ និង​មាន​អាហារ​ទទួលទាន​គ្រប់គ្រាន់ គឺជា​អ្នកមាន​ហើយ មិនចាំបាច់​មាន​ប្រាក់​រាប់រយ​លាន​នោះទេ។

លោក​បន្តថា “អ្នកមាន​ប្រាក់​ច្រើន មិនមែន​ស្រួល​ទេ​ណា ខ្ញុំ​តស៊ូ​រហូតដល់​អាយុ​ជាង៦០ឆ្នាំ​ហើយ ទើប​ខ្ញុំ​មាន​ថ្ងៃនេះ។លោក​ឧកញ៉ា​បន្តថា “អ្នកមាន​ប្រាក់ មិន​ងាយស្រួល​នោះទេ ព្រោះ​ធ្វើការ​គ្មាន​ថ្ងៃ​សៅរ៍ និង​ថ្ងៃអាទិត្យ​នោះទេ ខណៈ​បុគ្គលិក​មាន​ថ្ងៃ​សម្រាក​ចុង​សប្តាហ៍ ប៉ុន្តែ​យើង​ត្រូវធ្វើ​ការមិន​គុត​ថ្ងៃ​សៅរ៍ ឬ​អាទិ ត្យ ដើម្បី​រកប្រាក់​បើកប្រាក់​ខែ​ឲ្យ​បុគ្គលិក។

លោក​ឧកញ៉ា លឹម ហេង អនុប្រធាន​សភា​ពាណិជ​កម្ម​កម្ពុជា​បាន​ថ្លែង​ឲ្យ​ដឹងផង​ដែរ​ថា នៅក្នុង​ភាសា​អង់គ្លេស​គេ​ហៅ​អ្នកមាន​ថា Millionaires មានន័យថា​អ្នកមាន​ប្រាក់១លាន​ដុល្លារ​ឡើង ប៉ុន្តែ​សម្រាប់​ស្ថានភាព​ស្រុក​យើង អ្នកមាន​ប្រាក់១០ម៉ឺន​ដុល្លារ​ឡើងទៅ​អា​ចរាប់ថា ជា​អ្នកមាន​ហើយ តែ​ជា​អ្នកមាន​កម្រិត​មធ្យម ព្រោះ​អ្នកមាន​អាច​រាប់​ប​ញ្ចួ​ល​ជា​អ្នកមាន​មធ្យម និង​អ្នកមាន​ខ្លាំង។

លោក​ឧកញ៉ា​បាន​បន្តថា “នៅ​កម្ពុជា​អ្នក​ដែលមាន​ងា​ជា​ឧកញ៉ា គឺ​គេ​សម្គាល់​ជា​អ្នកមាន​ហើយ ឬ​ពីមុនមក​គេ​ហៅ​ជា​សេដ្ឋី។

ជាមួយគ្នានេះ លោក គីម ហ៊ាង ប្រធាន​សមាគម​អ្នកវាយតម្លៃ​និង​ជា​ភ្នាក់ងា​ត​អចលនវត្ថុ​កម្ពុជា និង​ជា​អគ្គនាយក​ក្រុមហ៊ុន Khmer Real Estate បាន​ឲ្យ​ដឹងផង​ដែរ​ថា សម្រាប់​ទស្សន​របស់លោក អ្នក​ដែលមាន​ប្រាក់១លាន​ដុល្លារ​ឡើង ដោយ​មិន​រាប់បញ្ចូល​ទ្រព្យសម្បត្តិ​ដូចជា​លំនៅដ្ឋាន និង​រថយន្ត​អាច​រាប់​ជា​អ្នកមាន​ប្រាក់​ហើយ។

ស្រដៀង​គ្នា​នេះដែរ លោក ជែក ម៉ា (Jack Ma) អគ្គនាយក​ក្រុមហ៊ុន អា​លី​បា​បា ជា​ក្រុមហ៊ុន​លក់ទំនិញ​តាម​អន​ឡាញ និង​កំពុង​ក្លាយជា​សេដ្ឋី​ជាប់​លេខ១នៅ​ប្រទេស​ចិន​បាន​ថ្លែងថា ជីវិត​របស់លោក​ពេលនេះ មិនមាន​ក្តី​សុខ​ដូច​ពេល​លោក​កំពុងស្ថិត​ក្នុងស្ថានភាព​ក្រីក្រ​នោះទេ លោក​គ្មាន​ពេល​ឈប់សម្រាក​ឡើយ ព្រោះ​បើ​លោក​បរាជ័យ បុគ្គលិក​លោក​រាប់ម៉ឺន​នាក់​នឹង​ក្លាយជា​អ្នករងគ្រោះ​ផងដែរ៕

LEAVE A REPLY

Please enter your comment!
Please enter your name here