ដោយៈ ម៉ាណា
ភ្នំពេញៈ ផ្អែកលើសារព័ត៌មានSunday Timesបានបង្ហាញពីគ្រួសារ ដែលមានជាងគេបំផុតទាំង៥ នៅក្នុងទីផ្សារអចលនទ្រព្យចក្រភពអង់គ្លេស។
បុគ្គល និងគ្រួសារទាំងនេះត្រូវបានគេស្គាល់ថា ល្អបំផុតសម្រាប់ការកសាងទ្រព្យសម្បត្តិដ៏ច្រើនសន្ធឹកសន្ធាប់ តាមរយៈការកាន់កាប់អចលនទ្រព្យ ការអភិវឌ្ឍ និងការវិនិយោគ។
១. ដេវីដ និង ស៊ីម៉ូន រូប៊ែន និងក្រុមគ្រួសារ
មហាសេដ្ឋីអចលនទ្រព្យ ដែលមានជាងគេបំផុតរបស់ចក្រភពអង់គ្លេស។ គ្រួសាររបស់ពួកគេ វិនិយោគអចលនទ្រព្យដ៏មានឥទ្ធិពលបំផុតមួយនៅក្នុងចក្រភពអង់គ្លេស ដែលមានភាគហ៊ុនយ៉ាងទូលំទូលាយនៅទូទាំងការិយាល័យ លក់រាយ សណ្ឋាគារ និងអចលនទ្រព្យលំនៅដ្ឋាននៅទីក្រុងឡុងដ៍ និងអន្តរជាតិ។
ទ្រព្យសម្បត្តិសុទ្ធរួមបញ្ចូលគ្នា មានចន្លោះពី២៤.៧ទៅ២៦.៩ ពាន់លានផោន។
២. គ្រួសារឌុច អូហ្វ វេសមីនស្ទើរ និង ហ្គ្រូសវីណរ
ក្រុមគ្រួសារនេះ ជាម្ចាស់ក្រុមហ៊ុន Grosvenor Group ដែលជាក្រុមហ៊ុនអចលនទ្រព្យឯកជន ធំជាងគេបំផុតមួយរបស់ពិភពលោក ដែលគ្រប់គ្រងអចលនទ្រព្យដ៏ធំនៅ Mayfair និង Belgravia។ ទ្រព្យសម្បត្តិសុទ្ធប្រហែល១០.១ពាន់លានផោន។
៣. Barnaby និងMerlin Swire និងក្រុមគ្រួសារ
ទោះបីជាក្រុមហ៊ុន Swire Group មានភាពចម្រុះក៏ដោយ ការកាន់កាប់អចលនទ្រព្យ និងការវិនិយោគដីធ្លីរយៈពេលវែង បានរួមចំណែកយ៉ាងសំខាន់ ដល់ទ្រព្យសម្បត្តិរបស់ពួកគេ។ ពួកគេមានទ្រព្យសម្បត្តិ៩,៩៩ពាន់លានផោន។
៤. Ian និង Richard Livingstone
បងប្អូនប្រុសដែលមានផលប័ត្រ អចលនទ្រព្យសំខាន់ៗផ្តោតលើហាង សណ្ឋាគារ និងអាផាតមិនលំដាប់ខ្ពស់នៅទីក្រុងឡុងដ៍។ ទ្រព្យសម្បត្តិសុទ្ធ៦,២៩ ពាន់លានផោន។
៥. Earl Cadogan និងក្រុមគ្រួសារ
មហាសេដ្ឋីលំដាប់លេខ៥នេះ ជាម្ចាស់ក្រុមហ៊ុន Cadogan Estates ដែលជាផលប័ត្រអចលនទ្រព្យ ដីធ្លី ដ៏សំខាន់មួយរបស់ទីក្រុងឡុងដ៍ (ភាគច្រើននៅ Chelsea និង Knightsbridge)។ ទ្រព្យសម្បត្តិសុទ្ធរបស់ពួកគេមានប្រមាណ៥,៨ ពាន់លានផោន៕
