ដោយ: សហសេវិក
អន្តរជាតិ: យោងតាមក្រុមហ៊ុន Colliers បានឱ្យដឹងថា ការវិនិយោគលើអចលនទ្រព្យនៅក្នុងតំបន់អាស៊ីប៉ាស៊ីហ្វិក (Apac) នឹងងើបឡើងវិញយ៉ាងខ្លាំងនៅឆ្នាំ២០២៦ ដោយសារស្ថានភាពទីផ្សារមានស្ថិរភាព និងទំនុកចិត្តរបស់វិនិយោគិនកម្រើកឡើងវិញ។
នៅក្នុងរបាយការណ៍ប្រចាំខែមីនា ក្រុមហ៊ុនប្រឹក្សាអចលនទ្រព្យខាងលើបានលើកឡើងថា ប្រតិបត្តិការកំពុងកើនឡើង ដោយសារអត្រាការប្រាក់ និងអតិផរណាមានស្ថិរភាពដោយផ្តល់ឱ្យវិនិយោគិននូវទំនុកចិត្តកាន់តែប្រសើរ។
លោក Theo Novak នាយកគ្រប់គ្រងទីផ្សារមូលធននៅក្រុមហ៊ុន Colliers ប្រចាំតំបន់ Apac បានអះអាងថា វិនិយោគិនកំពុងផ្លាស់ប្តូរពីវិធីសាស្រ្តប្រុងប្រយ័ត្នទៅជាការផ្តោតលើឱកាសច្បាស់លាស់ ទ្រព្យសកម្មដែលមានគុណភាពខ្ពស់ និងទីផ្សារដែលមានដើមទុនរឹងមាំ។
សម្រាប់ឆ្នាំ ២០២៦ ក្រុមហ៊ុនរំពឹងថាវិនិយោគិននៅតំបន់អាស៊ីប៉ាស៊ីហ្វិកនឹងមានភាពសកម្មជាងមុន ដោយមានការគាំទ្រផ្នែកហិរញ្ញប្បទានកាន់តែប្រសើរឡើង និងការកើនឡើងនៃការកៀរគរទុនវិនិយោគសកល។
ខណៈលំហូរដើមទុនក្នុងស្រុកនឹងនៅតែជាកត្តាជំរុញចម្បងនៃការវិនិយោគ ការវិនិយោគឆ្លងដែនក៏ត្រូវបានគេរំពឹងថា នឹងកើនឡើងផងដែរ ស្របពេលដែលទំនុកចិត្តរបស់បណ្តាវិនិយោគិនកើនឡើងជាលំដាប់៕ប្រភព: Edgeprop៕
 នឹងងើបឡើងវិញយ៉ាងខ្លាំងនៅឆ្នាំ២០២៦ ដោយសារស្ថានភាពទីផ្សារមានស្ថិរភាព និងទំនុកចិត្តរបស់វិនិយោគិនកម្រើកឡើងវិញ។){kind=link}