ដោយ: សហសេវិក
អន្តរជាតិ: យោងតាមការស្រាវជ្រាវរបស់ក្រុមហ៊ុន CBRE បានឱ្យដឹងថា តម្លៃជួលការិយាល័យនៅសិង្ហបុរីបានបន្តកើនឡើងរយៈពេល៦ត្រីមាសជាប់ៗគ្នា ទោះបីជាមានភាពមិនប្រាកដប្រជាផ្នែកសេដ្ឋកិច្ច និងភាពតានតឹងផ្នែកភូមិសាស្ត្រនយោបាយ។
តម្លៃជួលការិយាល័យកម្រិត A នៅតំបន់ CBD បានកើនឡើង០,៨ភាគរយក្នុងត្រីមាសទី២ ឆ្នាំ២០២៦ បើធៀបនឹងត្រីមាសទី១ ដោយឈានដល់១២,៥ដុល្លារក្នុងមួយម៉ែត្រការ៉េក្នុងមួយខែ។
លោកស្រី Tricia Song ប្រធានផ្នែកស្រាវជ្រាវនៅក្រុមហ៊ុន CBRE បានអះអាងថា អត្រាការិយាល័យទំនេរនៅក្នុងតំបន់ CBD បានធ្លាក់ចុះមកត្រឹម៣,៣ភាគរយក្នុងអំឡុងត្រីមាសទី២ ដោយសារការផ្គត់ផ្គង់នៅមានកំណត់។
ក្រុមហ៊ុន CBRE ព្យាករណ៍ថា តម្លៃជួលការិយាល័យកម្រិត A នៅក្នុងតំបន់ CBD នឹងកើនឡើងប្រហែល៥ភាគរយនៅឆ្នាំ២០២៦នេះ។ ទោះបីជាមានភាពមិនប្រាកដប្រជាខាងភូមិសាស្ត្រនយោបាយ ក្រុមហ៊ុនជឿជាក់ថា សញ្ញាណាមួយនៃដំណោះស្រាយរយៈពេលខ្លីក៏អាចជំរុញទំនុកចិត្តជួល និងតម្លៃជួលផងដែរ។
លោកស្រី Song បានបន្ថែមថា «ប្រសិនបើពុំមានការផ្គត់ផ្គង់ថ្មី បូករួមទាំងការថយចុះនៃតម្លៃប្រេង អាចជួយជំរុញកំណើននៃទំនុកចិត្តលើការជួលការិយាល័យនៅក្នុងឆមាសទី២ ឆ្នាំ២០២៦»៕ប្រភព: Edgeprop៕
