ដោយ: សហសេវិក
អន្តរជាតិ: ទីផ្សារអចលនទ្រព្យឧស្សាហកម្មរបស់ប្រទេសវៀតណាមត្រូវបានគេរំពឹងថានឹងបន្តរក្សាបាននិន្នាការវិជ្ជមានក្នុងរយៈពេល១ឆ្នាំទៅ២ឆ្នាំខាងមុខ ដោយមានការគាំទ្រយ៉ាងរឹងមាំពីការវិនិយោគផ្ទាល់ពីបរទេស (FDI) ការផ្លាស់ប្តូរផលិតកម្មក្នុងតំបន់ និងគម្រោងហេដ្ឋារចនាសម្ព័ន្ធសំខាន់ៗទូទាំងប្រទេស។
ក្នុងរយៈពេល៦ខែដំបូងនៃឆ្នាំនេះ វិស័យអចលនទ្រព្យឧស្សាហកម្មនៅក្នុងប្រទេសវៀតណាមសម្រេចបានកំណើនរឹងមាំដែលជំរុញដោយលំហូរនៃការវិនិយោគផ្ទាល់ពីបរទេសយ៉ាងច្រើន។
ការវិនិយោគផ្ទាល់ពីបរទេសសរុបដែលបានចុះបញ្ជីនៅក្នុងប្រទេសនេះបានហក់ឡើងដល់ចំនួន៣៤,៧ ពាន់លានដុល្លារអាមេរិកនៅក្នុងឆមាសទីមួយនៃឆ្នាំ២០២៦ ហក់ឡើង៦១ភាគរយបើធៀបនឹងរយៈពេលដូចគ្នាកាលពីឆ្នាំមុន។
ក្នុងចំណោមចំនួនសរុបនេះ វិស័យផលិតកម្ម និងកែច្នៃគ្របដណ្តប់ចំនួន៦២ភាគរយនៃការវិនិយោគផ្ទាល់ពីបរទេសដែលទើបចុះបញ្ជីថ្មី ដែលស្មើនឹងទំហំទឹកប្រាក់សរុបចំនួន១០,៨ពាន់លានដុល្លារអាមេរិក។
ទោះបីជាមានភាពមិនប្រាកដប្រជាខាងភូមិសាស្ត្រនយោបាយសកល និងការប្រែប្រួលនៃគោលនយោបាយពាណិជ្ជកម្មអន្តរជាតិ ក៏ប្រទេសវៀតណាមនៅតែជាមជ្ឈមណ្ឌលផលិតកម្ម និងភស្តុភារកម្មដ៏សំខាន់មួយនៅក្នុងតំបន់។
ការណ៍នេះគូសបញ្ជាក់ពីតម្រូវការដីឧស្សាហកម្ម រោងចក្រដែលសាងសង់រួចជាស្រេច និងមជ្ឈមណ្ឌលដឹកជញ្ជូនទំនើបៗនៅក្នុងមជ្ឈមណ្ឌលផលិតកម្មសំខាន់ៗ៕
