ដោយៈ ម៉ាណា
កំពតៈ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ លោកចាន់ ចេស្ដា បានអញ្ជើញដឹកនាំក្រុមការងារចុះពិនិត្យវឌ្ឍនភាពហេដ្ឋារចនាសម្ព័ន្ធ ដែលទទួលបានការគាំទ្រដោយគម្រោងជាមួយគណៈប្រតិភូធនាគារអភិវឌ្ឍន៍អាស៊ី នៅខេត្តកំពត។
ការចុះត្រួតពិនិត្យនេះ មានការចូលរួមពីគណៈប្រតិភូធនាគារអភិវឌ្ឍន៍អាស៊ីដឹកនាំដោយលោកស្រី Stefania Dina, Director of Agriculture, Food, Nature and Rural Development នៅសហគមន៍កសិកម្មទំនើបសែនហានចម្រើនផល ខេត្តកំពត។
ក្នុងដំណើរចុះពិនិត្យនេះ មានការចូលរួមអមដំណើរពីមន្រ្តីពាក់ព័ន្ធ។
បេសកកម្មនេះរៀបចំឡើង ក្នុងគោលបំណងចុះពិនិត្យទីតាំងជាក់ស្តែង លើហេដ្ឋារចនាសម្ព័ន្ធដែលទទួលបានគាំទ្រ ដោយគម្រោង(CFAVC)រួមមាន៖ ផ្លូវធ្វើដំណើរនៅទីជនបទ ឃ្លាំងស្ដុក ស្រះទឹក ឡជីវឧស្ម័ន និងរោងជី ដែលរួមចំណែកជួយដល់ជីវភាពរបស់សមាជិកសហគមន៍កសិកម្មទំនើប សែនហានចម្រើនផល ជាពិសេសលើកកម្ពស់ខ្សែច្រវាក់ផលិតកម្មកសិកម្ម ស្របតាមបរិបទនៃការប្រែប្រួលអាកាសធាតុ៕
