ដោយៈ ម៉ាណា
ភ្នំពេញៈ ក្រុមមន្រ្តីបានបើកកិច្ចប្រជុំស្តីពី ការចុះពិនិត្យទីតាំង ប្រមូលទិន្នន័យ ផ្ទៀងផ្ទាត់ កែសម្រួលនិយាមកា និងបោះបង្គោលព្រំដីបន្ថែម នៅតាមបណ្តោយព្រែកជីកហ្វូណនតេជោ (កំណាត់ទី២)។
កិច្ចប្រជុំនេះ ដឹកនាំដោយលោកអៀង វ៉េងស៊ុន រដ្ឋលេខាធិការ ក្រសួងសាធារណការ និងដឹកជញ្ជូន និងលោក វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញជាសហប្រធានដឹកនាំកិច្ចប្រជុំស្តីពីការចុះពិនិត្យទីតាំង ប្រមូលទិន្នន័យ ផ្ទៀងផ្ទាត់ កែសម្រួលនិយាមកា និងបោះបង្គោលព្រំដីបន្ថែម នៅតាមបណ្តោយព្រែកជីកហ្វូណនតេជោ (កំណាត់ទី២) ដោយមានការចូលរួមពីថ្នាក់ដឹកនាំក្រសួង សមាជិកក្រុមការងារបច្ចេកទេស ទទួលបន្ទុកការចុះពិនិត្យនិយាមកា និងផ្ទៀងផ្ទាត់ផែនទី នៃគម្រោងផ្លូវនាវាចរណ៍ព្រែកជីក ហ្វូណនតេជោ តំណាងក្រុមហ៊ុន CRBC និងអាជ្ញាធរមូលដ្ឋានពាក់ព័ន្ធផងដែរ។
បន្ទាប់ពីកិច្ចប្រជុំ ថ្នាក់ដឹកនាំ និងមន្ត្រីបច្ចេកទេសបានបន្តចុះធ្វើទស្សនកិច្ចនៅការិយាល័យធំ នៃគម្រោងគ្រប់គ្រងធនធានទឹកធម្មជាតិហ្វូណនតេជោ ដែលមានទីតាំងនៅក្នុងខេត្តតាកែវ របស់ក្រុមហ៊ុន CRBC៕
