ដោយ: សហសេវិក
អន្តរជាតិ: យោងតាម Bloomberg Intelligence (BI) តម្លៃលំនៅឋាននៅទីក្រុងហុងកុងត្រូវបានគេរំពឹងថា នឹងកើនឡើង ៥ ភាគរយបន្ថែមទៀតនៅក្នុងឆ្នាំ ២០២៧ ដោយសារការកើនឡើងយ៉ាងគំហុកនៃថ្លៃជួល និងការឡើងថ្លៃនៃរូបិយប័ណ្ណយ័ន (Renminbi) ដែលជំរុញឱ្យមានការទិញពីសំណាក់ពលរដ្ឋចិនដីគោក។
ការកើនឡើងដែលរំពឹងទុកនេះ គឺបន្តពីកំណើន ៧ ភាគរយនៃតម្លៃលំនៅឋានដែលមានស្រាប់ក្នុងរយៈពេល ៩ ខែដំបូងនៃឆ្នាំ ២០២៦ ខណៈដែលសន្ទស្សន៍ថ្លៃជួលបានកើនឡើងប្រហែល ៦ ភាគរយ។ នេះបើយោងតាមទិន្នន័យពីនាយកដ្ឋានវាយតម្លៃអចលនទ្រព្យ (Rating and Valuation Department) របស់ហុងកុង។
នៅឆ្នាំនេះ ការលក់លំនៅឋាននៅក្នុងទីក្រុងហុងកុង បានងើបឡើងវិញយ៉ាងខ្លាំង ដោយទទួលបានកម្លាំងជំរុញដ៏សំខាន់ពីអ្នកទិញមកពីចិនដីគោក បន្ទាប់ពីទីក្រុងនេះបានលុបចោលពន្ធលើការចុះបញ្ជីឯកសារ (stamp duties) កាលពីខែកុម្ភៈ ឆ្នាំ ២០២៤។
យោងតាមរបាយការណ៍របស់ Bloomberg Intelligence តម្រូវការនេះត្រូវបានគេរំពឹងថា នឹងបន្តមានភាពរឹងមាំរហូតដល់ឆ្នាំ ២០២៧ ដោយសារតែការកើនឡើងនៃតម្លៃប្រាក់យ័ន (renminbi) និងតម្រូវការជាក់ស្តែងពីសំណាក់អ្នកទិញដែលនឹងស្នាក់នៅដោយផ្ទាល់។
ស្ថានភាពនេះនៅតែបន្តកើតមាន ទោះបីជាទីក្រុងប៉េកាំងកំពុងបង្កើនកិច្ចខិតខំប្រឹងប្រែងដើម្បីទប់ស្កាត់ការហូរចេញនៃមូលធនពីចិនដីគោកយ៉ាងណាក្តី៕
