ដោយ ប៊ី
ភ្នំពេញ៖ គេហទំព័រ Propertyarea.asia ដែលគេហទំព័រព័ត៌មានអចលនទ្រព្យ និងសេដ្ឋកិច្ចឈានមុខគេនៅកម្ពុជា បានសហការជាមួយគេហទំព័រ realestate.com.kh ក្នុងការដាក់លក់អចលនទ្រព្យតាមប្រព័ន្ឋអនឡាញ ដែលវាជាផ្នែកដ៏សំខាន់នៃការពង្រីកការធ្វើអាជីវកម្មតាមប្រព័ន្ឋឌីជីថល។
ការធ្វើពាណិជ្ជកម្មតាមប្រព័ន្ឋបច្ចេកវិទ្យា បានក្លាយជាម៉ូដែលថ្មីមួយនៃបដិវត្តន៍ឧស្សាហកម្មទី៤ ដែលកំពុងពង្រីកការគ្របដណ្តប់ទូទាំងសាកលលោក។ អតិថិជនចាប់អារម្មណ៍ទិញ ជួល លក់អចលនទ្រព្យអាចចូលមើល តាមរយៈវេបសាយ Propertyarea.asia បានជារៀងរាល់ថ្ងៃ។
លោកយិន លាងគង់ស្ថាបនិកនិងជាអគ្គនាយកគេហទំព័រ Propertyarea.asia និងលោក Tom Osullivanអគ្គនាយកនៃគេហទំព័រ Realestate.com.kh បានសម្តែងនូវក្តីសាទរចំពោះកិច្ចសហការនេះ ដែលធ្វើឡើងក្នុងរូបភាពឈ្នះ ឈ្នះទាំងអស់គ្នា។
លោកយិន លាងគង់បានបន្តថា “បច្ចេកវិទ្យាជាផ្នែកមួយយ៉ាងសំខាន់នៅតាមបណ្តាប្រទេសរីកចម្រើននានា ក្នុងការផ្តល់សេវាកម្មទិញលក់ ជួលអចលនទ្រព្យ ពិសេសការបង្ហាញពីគម្រោងនានា”។ លោកបន្តថា “ការទាន់សម័យកាលស៊ីវិល័យនៃប្រព័ន្ឋបច្ចេកវិទ្យា នឹងជួយឲ្យក្រុមហ៊ុនឬភ្នាក់ងារអចលនទ្រព្យនានា ទទួលបានជោគជ័យលើសេវាកម្មរបស់ខ្លួន”។
លោក Tom Osullivanអគ្គនាយកនៃគេហទំព័រ Realestate.com.kh បានថ្លែងថា ក្នុងឆ្នាំ គេហទំព័រ Realestate.com.kh ត្រូវបង្កើតឡើងនៅ ២០០៩ ហើយ២០១៥ ក្រុមហ៊ន DCG Digital នៅអូស្រ្តាលីបានវិនិយោគក្នុងអាជីវកម្មនេះ។
លោកបានបន្តថា ”នាំយកបច្ចេកវិទ្យារបស់យើង និងនាំមកនូវយុទ្ធសាស្ត្ររកប្រាក់របស់យើងដែលយើងបានបង្កើនចរាចរណ៍គេហទំព័រពី ២០០ ទៅ ៣០០ ភាគរយក្នុងមួយឆ្នាំ។ យើងចាប់ផ្តើមរកប្រាក់ចាប់ផ្តើមនៅឆ្នាំ ២០១៦”។
លោកបានឱ្យដឹងទៀតថា “ស្នូលនៃអាជីវកម្ម គឺវេទិកាគេហទំព័រនេះផ្ទាល់តែម្តង។ យើងក៏ផ្តល់ជូននូវការសរសេរមាតិកា ការផ្សាយពាណិជ្ជកម្មបដា ការចូលប្រើទិន្នន័យអ្នកទិញរបស់យើង និងមគ្គុទេសក៍វិនិយោគិនកម្ពុជា”។
ស្របពេលនេះ ការធ្វើទំនើបកម្មបច្ចេកវិទ្យាឌីជីថល នៃដំណើរការផ្ទេរអចលនទ្រព្យនៅកម្ពុជា នឹងធ្វើឲ្យមានការផ្លាស់ប្តូរថ្មីមួយ ដល់វិស័យអចលនទ្រព្យដែលធ្វើឲ្យមានដំណើរការដោយមានសុវត្ថិ ភាពតម្លាភាព និងលឿនជាងមុន ដើម្បីលើកទឹកចិត្តការវិនិយោគអចលនទ្រព្យនៅក្នុងប្រទេសកម្ពុជា។
តាមរយៈការបង្កើតវេទិកាផ្ទេរកម្មសិទ្ធិតាមអនឡាញ រាជរដ្ឋាភិបាលកម្ពុជានឹងនាំមកនូវភាពច្បាស់លាស់ ដែលត្រូវការចាំបាច់ដល់ដំណើរការរដ្ឋបាល ដែលមានសារៈសំខាន់ ដល់ប្រជាពលរដ្ឋកម្ពុជាទាំងអស់ និងការវិនិយោគអចលនទ្រព្យ ខណៈដែលអ្នកទិញអចលនៈទ្រព្យនឹងមានលទ្ធភាពថវិកា និងរៀបចំផែនការរលួន។ នេះបើតាមរបាយការណ៍របស់ EuroCham ចេញផ្សាយនៅសប្តាហ៍នេះ។
ការធ្វើទំនើបកម្មប្រព័ន្ធឌីជីថល ក៏នឹងអនុញ្ញាតឲ្យរដ្ឋាភិបាល ប្រមូលថ្លៃសេវា និងពន្ធពីវិស័យអចលនទ្រព្យប្រកបដោយប្រសិទ្ធភាព។
របាយការណ៍នេះបានបន្ថែមថា “ការប្រមូលថ្លៃសេវា និងពន្ធតាមបែបអេឡិចត្រូនិចនឹងមានការសម្រួលដល់ការងារបានច្រើន ហើយនឹងមិនមានរំលោភបំពានណាមួយកើតឡើងឡើយ ខណៈវាអាចលុបបំបាត់ការផ្តល់សេវា ដោយភ្នាក់ងារណាមួយ ដើម្បីសម្របសម្រួលដំណើរការទាំងស្រុង”។
រសួងរៀបចំដែនដី នគរូបនីយកម្ម និងសំណង់បានចាត់វិធានការសំខាន់ៗក្នុងការបញ្ចូលបច្ចេកវិទ្យាអនឡាញ ទៅក្នុងវិស័យអចលនទ្រព្យ។ ក្រសួងបានដាក់ចេញកម្មវិធីជាច្រើន ដើម្បីធ្វើបច្ចុប្បន្នភាពដល់កម្មសិទ្ធិដីធ្លីតាម Internet ដោយប្រើ QR Code ហើយក៏បានចាប់ផ្តើមកម្មវិធីទូរស័ព្ទចល័ត ជាក់ស្តែងលើគម្រោងសាងសង់ ដែលបានអនុម័ត ហើយផ្គត់ផ្គង់ឯកសាររូបភាពរបស់រដ្ឋាភិបាល ដើម្បីធានានូវតម្លាភាពនៅថ្នាក់រដ្ឋបាល។
ការធ្វើទំនើបកម្មឌីជីថល នៃដំណើរការផ្ទេរកម្មសិទ្ធិ នឹងផ្លាស់ប្តូរវិស័យអចលនទ្រព្យ និងបង្កើនទំនុកចិត្តដល់ អ្នកវិនិយោគ និងមានដំណើរការលឿន។
របាយការណ៍របស់ EuroCham បានឲ្យដឹងថា “ការធ្វើទំនើបកម្មឌីជីថល នឹងអនុញ្ញាតឲ្យភាគីពាក់ព័ន្ធ ក្នុងការផ្ទេរកម្មសិទ្ធិ ដើម្បីទទួលបានព័ត៌មានចាំបាច់ទាំងអស់តាមInternet ហើយបញ្ជូន និងតាមដានការដាក់ស្នើរកម្មសិទ្ធិបស់ពួកគេ ជាមួយនឹងការិយាល័យសុរិយោដី ដែលអាចដើរតួជាច្រកតែមួយ សម្រាប់ការផ្ទេរកម្មសិទ្ធិអចលនទ្រព្យ”៕
