ដោយវុត្ថា
អាស៊ីៈ ការព្រមព្រៀងទិញ លក់លើវិស័យអចលនទ្រព្យ នៅក្នុងតំបន់អាស៊ីប៉ាស៊ី ហ្វិក នឹងមានកំណើនចន្លោះពី១៥ ទៅ២០ភាគរយ នៅក្នុងឆ្នាំ២០២១ខាងមុខនេះ ដោយនាំមុខតំបន់អាស៊ីខាងជើង ខណៈដែលក្រុមវិនិយោគិន ស្វែងរកអចលនទ្រព្យជាមួយនឹងចំណូលប្រកបដោយស្ថេរភាព។
របាយការណ៍របស់ ក្រុមហ៊ុនប្រឹក្សាយោបល់អចលនទ្រព្យ JLL ស្តីពីទស្សនវិស័យអចលនទ្រព្យតំបន់អាស៊ីប៉ាស៊ីហ្វិក ឆ្នាំ ២០២១ ចេញផ្សាយកាលពីថ្ងៃ១៨ ខែធ្នូកន្លងមកនេះបង្ហាញថា ឆ្នាំ២០២១ គឺជាការចាប់ផ្តើមនៃវដ្តថ្មី នៃកំណើនលើការវិនិយោគអចលនទ្រព្យនៅក្នុងតំបន់ ដោយសារមានការចាប់អារម្មណ៍ ពីវិនិយោគិនកើនឡើងជាពិសេសសម្រាប់ការវិនិយោគលើភស្ដុភារ និងមជ្ឈមណ្ឌលផ្ទុកទិន្នន័យ និងអគារជួលសម្រាប់គ្រួសារឬលំនៅដ្ឋាន។
របាយការណ៍ដដែលបន្តថា ការវិនិយោគលើសណ្ឋាគារ ការលក់រាយ និងអគារការិយាល័យ ក៏ត្រូវបានគេរំពឹងថានឹងកើនឡើងផងដែរ នៅពេលដែលសេដ្ឋកិច្ចងើបឡើងពីផលប៉ះពាល់នៃ Covid-19 ។
ទោះបីជាការទិញលក់អចលនទ្រព្យពាណិជ្ជកម្ម ដោយផ្ទាល់បានធ្លាក់ចុះ២៨ ភាគរយ នៅក្នុងរយៈពេល៣ត្រីមាសដំបូងនៃឆ្នាំ២០២០ក៏ដោយ ក៏ការធ្លាក់ចុះនេះបានថយចុះវិញបន្ទាប់ពីឆមាសទី១ ដែលជាសញ្ញាល្អឡើងវិញ។
ប្រតិបត្តិការទិញ លក់ ជួល លើវិស័យអចលនទ្រព្យ នៅក្នុងប្រទេសជប៉ុន ចិន និងកូរ៉េខាងត្បូងគ្របដណ្តប់់ចំនួន៣ភាគ៤ នៃសកម្មភាពនៅក្នុងតំបន់នៅឆ្នាំ២០២០ហើយ ក្រុមហ៊ុនប្រឹក្សាយោបលអចលនទ្រព្យ JLL រំពឹងថា ទីផ្សារទាំងនេះនឹងបន្តមានភាពលេចធ្លោនៅឆ្នាំ២០២១ ។
ទន្ទឹមនឹងនេះដែរ នៅពេលដែលមានការធ្វើដំណើរឡើងវិញនៅឆ្នាំ២០២១ នៅក្នុងតំបន់អាស៊ីប៉ាស៊ីហ្វិកនោះ នឹងមានលំហូរវិនិយោគទុនឆ្លងកាត់ព្រំដែន ដែលនឹងរួមចំណែកដល់ការស្តារឡើងវិញ នៅក្នុងប្រទេសអូស្ត្រាលី ចិន និងសិង្ហបុរី។
របាយការណ៍បញ្ជាក់ថា ជាមួយនឹងការត្រឡប់មកវិញ នៅក្នុងកម្រិតទាប បរិយាកាសអត្រាប្តូរប្រាក់ទាប កំណើនស្ថិតនៅក្នុងភាពមិនប្រាកដប្រជា នឹងធ្វើឱ្យអចលនទ្រព្យមានទិន្នផលខ្ពស់ និងមានភាពទាក់ទាញដល់វិស័យភស្តុភារ និងអគារការិយាល័យ។
របាយការណ៍ដដែលបន្ថែមថា ការវិនិយោគលើអចលនទ្រព្យ អាចបន្តកើនឡើងតាមរយៈការទិញភាគហ៊ុនដោយJLL រំពឹងថាឆ្នាំ ២០២១ នឹងក្លាយជាឆ្នាំកំណត់ត្រាថ្មីមួយទៀត សម្រាប់ការវិនិយោគទុនក្រៅប្រទេសពីក្រុមហ៊ុន Singapore ៕