ដោយៈគង់ សូរិយា
ភ្នំពេញៈ តើអ្នកដឹងទេថាគំនូសសញ្ញាទោលដាច់ៗ ពណ៌លឿងតាមបណ្តោយទ្រូងផ្លូវមានន័យដូចម្តេច និងប្រើដើម្បីអ្វី?។
យោងតាមព៌តមាន ដែលបានបង្ហោះលើផេកផ្លូវការ របស់ក្រសួងសាធារណៈការ និងដឹកជញ្ជូនបាន ឲ្យដឹងថា គំនូសសញ្ញាទោលដាច់ៗ ពណ៌លឿងតាម បណ្តោយទ្រូងផ្លូវប្រើ សម្រាប់បែងចែកទ្រូងផ្លូវជាពីរ ទិសចរាចរផ្ទុយគ្នា អ្នកបើកបរអាចឆ្លងកាត់ ឬជែង បាន។
ក្រសួងសូមស្នើសុំការសហការពីបងប្អូនប្រជាពលរដ្ឋ ក្នុងការរាយការណ៍តាមរយៈកម្មវិធីថែទាំផ្លូវ ( ROAD CARE Mobile App) ករណីឃើញមានគំនូស សញ្ញាចរាចររលុប ដើម្បីអាចឱ្យមន្រ្តីជំនាញ ឬមន្ត្រីពាក់ព័ន្ធធ្វើការត្រួតពិនិត្យ និងចាត់វិធានការ ទាន់ពេលវេលា។
លើសពីនេះទៅទៀតបងប្អូនប្រជាពលរដ្ឋ ក៏អាចចូល រួមសហការរាយការណ៍ពីផ្លូវ ដែលត្រូវជួសជុលថែទាំ និងសញ្ញាចរាចរបានផងដែរ។
សូមចូលរួមថែរក្សាផ្លូវថ្នល់របស់យើង ដើម្បីធ្វើដំណើរបានងាយស្រួល និងមានសុខ សុវត្ថិភាព៕
