ដោយ ៖ គង់ សូរិយា
ភ្នំពេញ ៖ ជាមួយនឹងភាពវិជ្ជមាននៃការនាំចេញផលិតផលសរុប នៅត្រឹមរយៈពេល6ខែនាដើមឆ្នាំ2018 នេះ កម្ពុជានៅតែរក្សាបានកំណើនដដែល ដែលស្ថិតនៅក្នុងរង្វង់ជាង5ភាគរយ បើធៀបទៅនឹងរយៈពេលដូចគ្នាកាលពីឆ្នាំ2017កន្លងទៅ ។
យោងតាមរបាយការណ៍របស់អគ្គនាយកដ្ឋានសេវានាំចេញនាំចូលនៃក្រសួងពាណិជ្ជកម្មបានបង្ហាញថា នៅត្រឹមឆមាសទី1 នៃឆ្នាំ2018 ការនាំចេញពីកម្ពុជាទៅកាន់ទីផ្សារអន្តរជាតិសរុបប្រមាណជាង 5ពាន់លានដុល្លារអាមេរិក កើនឡើងប្រមាណ 5,70 % បើធៀបនឹងរយះដូចគ្នាក្នុងឆ្នាំ2017 ដែលមានត្រឹមប្រមាណជិត 4ពាន់លានដុល្លារអាមេរិក។
ផ្អែកតាមរបាយការណ៍ដដែល ដែលទទួលបានកាលពីព្រឹកថ្ងៃទី01 ខែសីហា ឆ្នាំ2018នេះ បានឱ្យដឹងថា ការនាំចេញពីកម្ពុជាគិតជាទឹកប្រាក់សរុបប្រមាណជាង 5,2លានដុល្លារអាមេរិក ដែលក្នុងនោះរួមមានទំនិញផ្នែក វាយនភណ្ឌ សម្លៀកបំពាក់ ស្បែកជើង និងអង្ករជាដើម ឆ្ពោះទៅកាន់ទីផ្សារ សហរដ្ឋអាមេរិក សហគមអឺរ៉ុប កាណាដា និងជប៉ុន ។ល។
