អ្នកឧកញ៉ាលី ហួរៈក្រុមហ៊ុនបុរីធំៗនៅតែបន្តដំណើរការទៅមុខ ខណៈក្រុមហ៊ុនតូចៗប្រឈមមុខនឹងការលំបាក

កាលពីម្សិលម៉ិញនេះ អភិបាលរាជធានីភ្នំពេញបានជួបប្រជុំជាមួយថ្នាក់ដឹកនាំសមាគមអ្នកអភិវឌ្ឍន៍លំនៅដ្ឋានកម្ពុជា និងសមាគមអ្នកសាងសង់កម្ពុជា ដើម្បីដាក់ចេញវិធានការណ៍រួមចំណែកដល់ការទប់ស្កាត់ជំងឺនេះ នៅតាមការដ្ឋានសំណង់ និងអ្នករស់នៅតាមបុរីនានា។

អ្នកឧកញ៉ាលី ហួរបានមានប្រសាសន៍ថា សមាគមកំពុងយកចិត្តទុកដាក់លើការងារនេះ រួមទាំាំងកក្រុមហ៊ុនរបស់លោកផង ដែលយើងបានធ្វើតេស្តរហ័សជាមួយបុគ្គ
លិកទាំងអស់ ប្រសិនជាមានរកឃើញអ្នកឆ្លងជំងឺនេះ យើងឲ្យពួកគាត់និងអ្នកពាក់ព័ន្ឋសំរាកមួយរយៈ ដើម្បីព្យាបាលនិងធ្វើចត្តាឡីស័ក។

អភិបាលរាជធានីភ្នំពេញ លោកឃួង ស្រេង មានប្រសាសន៍ថា ជំងឺកូវីដ-១៩ បានរីករាលដាលយ៉ាងខ្លាំង នៅក្នុងព្រឹត្តិការណ៍សហគមន៍២០កុម្ភៈ រហូតដល់រាជធានីភ្នំពេញត្រូវបានបិទខ្ទប់ ដើម្បីកាត់ផ្ដាច់ការរីករាលដាលនៃជំងឺនេះ។ នៅដំណាក់កាលចុងក្រោយនេះ គឺបានរីករាលដាលដល់បងប្អូនកម្មករសំណង់ កម្មករ កម្មការិនីរោងចក្រ តែដោយការខិតខំប្រឹងប្រែងរបស់អាជ្ញាធរ សហការជាមួយនិងវិស័យឯកជន អាជ្ញាធរបានទប់ស្កាត់នូវការរីករាលដាលជំងឺនេះមិនឲ្យរីករាលដាលកាន់តែធំបានយ៉ាងល្អ។

លោកបន្តថា ការបង្កើតឲ្យមានកិច្ចប្រជុំនាពេលនេះ មានគោលបំណងតែមួយគត់ នោះគឺចង់ឲ្យវិស័យឯកជន ចូលរួមសហការជាមួយអាជ្ញាធររាជធានីភ្នំពេញ បន្ថែមទៀត ដើម្បីទប់ស្កាត់ជំងឺដ៏កាចសាហាវនេះឲ្យបាន។ មានន័យថា បើទោះបី ជំងឺកូវីដ-១៩នៅតែកើតមាន តែសកម្មភាពការងារនានាលើវិស័យសំណង់ មិនត្រូវបានផ្អាកដំណើរការនោះទេ។

លោកបន្តថា ក្រោមការដឹកនាំរបស់សម្ដេចតេជោហ៊ុន សែន សម្ដេចបានខិតខំរកអស់គ្រប់មធ្យោបាយ ដើម្បីកៀងគរធ្វើយ៉ាងណារកវ៉ាក់សាំង មកចាក់ជូនបងប្អូនប្រជាពលរដ្ឋកម្ពុជាឲ្យបានគ្រប់គ្នា ជាមួយនឹងការរក្សានូវវិធាន របស់ក្រសួងសុខាភិបាល ពិសេសការអនុវត្ត៣កុំ និង៣ការពាររបស់សម្ដេចតេជោ ហ៊ុន សែន ធ្វើឲ្យការរីករាលដាលជម្ងឺកូវីដ-១៩ អាចទប់ស្កាត់បាន៕