ត្រឹមតែ៧ខែ វិស័យឧស្សាហកម្មរបស់អារ៉ាប៊ីសាអូឌីត ទាក់ទាញការវិនិយោគបានរហូតដល់១៨,៧ពាន់លានដុល្លារ

ដោយ សុខុម

ក្រុងរីយ៉ាដ: វិស័យឧស្សាហកម្មនៃប្រទេសអារ៉ាប៊ីសាអូឌីត ទាក់ទាញការវិនិយោគគិតជាទឹកប្រាក់បានរហូតដល់ទៅ១៨.៧ពាន់លានដុល្លារអាមេរិក ចាប់ពីដើមឆ្នាំ២០២១ រហូតដល់ដំណាច់ខែកក្កដា។ នេះបើយោងតាមសារព័ត៌មាន Arab News ចុះផ្សាយកាលពីថ្ងៃទី២៥ សីហា។

លោក Bandar Alkhorayef រដ្ឋមន្រ្តីក្រសួងឧស្សាហកម្ម និងធនធានរ៉ែ បានលើកឡើងតាមបណ្ដាញទំនាក់ទំនងសង្គម Twitter ថា “កំណើននៃការវិនិយោគនេះសរបង្ហាញពីការគាំទ្រចំពោះថ្នាក់ដឹកនាំដ៏ឆ្លៀសវៃ និងការវិវឌ្ឍផ្នែកឧស្សាហកម្មនៅក្នុងព្រះរាជាណាចក្រមួយនេះ។ វាជាយុគសម័យមាសសម្រាប់ឧស្សាហកម្ម និងជាសូចនាករដ៏សំខាន់ដែលឆ្លុះបញ្ចាំងពីភាពទាក់ទាញនៃវិស័យនេះ និងសមត្ថភាពរបស់វានៅក្នុងការទាក់ទាញទុនវិនិយោគ”។