ដោយៈសុជាតា
ប្រទេសចិនៈ បើយោងតាមការចេញផ្សាយដោយ South China Morning Post ចេញផ្សាយថ្ងៃនេះ បានលើកឡើងថា ប្រធានាធិបតីចិនលោក ស៊ី ហ្សិនពីងបានប្រកាសផែនការបង្កើតទីផ្សារភាគហ៊ុនថ្មី នៅទីក្រុងប៉េកាំង និងតំបន់ពាណិជ្ជកម្មឌីជីថលសាកល្បង ក្រោមផែនការពង្រីកតួនាទី ប្រទេសជាតំបន់សេវាកម្មពិភពលោក។
ថ្លែងសន្ទរកថារយៈពេលខ្លី ក្នុងការបើកការតាំងពិព័រណ៍អន្តរជាតិ សម្រាប់ពាណិជ្ជកម្មនិង សេវាកម្ម កាលពីថ្ងៃព្រហស្បតិ៍លោក ស៊ី ជីនពីងបានមានប្រសាសន៍ថា បង្កើតតំបន់ពាណិជ្ជកម្មស៊េរី នៅក្នុងប្រទេសចិន នឹងជួយដល់ភាពប្រសើរឡើងវិញ នូវសេដ្ឋកិច្ចពិភពលោក។
ពាណិជ្ជសេវាកម្ម គឺផ្នែកមួយដ៏សំខាន់ សម្រាប់សហប្រតិបត្តិការពាណិជ្ជ និងសេដ្ឋកិច្ច អន្តរជាតិ ដែលដើរតួនាទីដ៏សំខាន់សម្រាប់យុទ្ធសាស្រ្តអភិវឌ្ឍថ្មី។
លោកបន្តថា “យើងនឹងធ្វើការគ្រប់ផ្នែកទាំងអស់ ផ្អែកទៅលើគោលការណ៍សហប្រតិបត្តិការ និងឈ្នះ ឈ្នះ ដើម្បីបែងចែកឱកាសពាណិជ្ជសេវាកម្ម និងជំរុញភាពប្រសើរឡើងសេដ្ឋកិច្ច”។
លោកស៊ី បាននិយាយបន្តថា ប្រទេសនឹងចាប់ផ្តើមចុះបញ្ជីឈ្មោះ នៃវិស័យនានាដែលវិនិយោគបរទេស ត្រូវបានហាមឃាត់ និងសន្យាបង្កើនការគាំទ្រ ដល់គម្រោងនានានៅក្នុងប្រទេស ដែលគាំទ្រគម្រោងផ្តួចផ្តើមខ្សែក្រវាត់មួយ ផ្លូវមួយ។
ទីផ្សារភាគហ៊ុនប៉េកាំងនេះ នឹងក្លាយទៅប្រតិបត្តិករបី បន្ទាប់ពីទីផ្សារភាគហ៊ុន នៅទីក្រុងសៀងហៃ និង ទីក្រុងស៊ិនជិន ហើយទីផ្សារនេះ នឹងប្រែក្លាយទីក្រុងប៉េកាំង ទៅជាមជ្ឍមណ្ឌល ដែលបំរើសេវាកម្ម សហគ្រាសធុនតូច និង មធ្យម។
ជាងនេះទៀត តំបន់សាកល្បងពាណិជ្ជឌីជីថលនឹងរំពឹងទុកថា បង្កើតនៅទីក្រុងផ្សេងៗគ្នាផងដែរ៕
