ដោយៈសុជាតា
ប្រទេសថៃៈ ការសិក្សាថ្មីមួយ ដែលមានឈ្មោះថា Holidu បានចាត់បញ្ចូលចំណាត់ថ្នាក់ទីក្រុងធំៗទាំង១៥០ នៅលើពិភពលោក ផ្អែកទៅលើការចំណាយរស់នៅ និង សកម្មភាពលំហែកាយ។
បើយោងតាមវាយតម្លៃនេះ បានបង្ហាញថា ទីក្រុងបាងកក បានចាត់ចូលជាទីក្រុងប្រសើរជាងគេ សម្រាប់ការងារ ខណៈដែលកោះភូកេតបានជាប់ចំណាត់ថ្នាក់ទី១០។
ទីក្រុងល្បីល្បាញទាំងពីររបស់ប្រទេសថៃ បានចាត់បញ្ចូលទីក្រុងធំ នៅពិភពលោក ដែលប្រជាជនអាចធ្វើការ និងលំហែកាយនៅក្នុងជីវិតស៊ីវីល័យ។
អាជ្ញាធរទេសចរណ៍ប្រទេសថៃ បានប្រកាសពីការសិក្សាថ្មីនេះ ដោយរួមបញ្ចូលទីក្រុងប្រមាណ១៥០ទីតាំង ដោយផ្អែកទៅលើការវាយតម្លៃផ្សេងៗគ្នា។
ផ្អែកលើការសិក្សាដដែលបានបង្ហាញថា ទីក្រុងបាងកក ឈរនៅលំដាប់លេខមួយដោយសារតែសកម្មភាពទាក់ទាញ ប្រកបដោយគុណភាពខ្ពស់ ការរស់នៅសមរម្យ អ្នកនិយាយភាសាងអង់គ្លេសគ្រប់គ្រាន់ និងបង្កើតការិយាល័យពហុជាតិសាសន៍ ច្រើនផងដែរ។
គេហទំហ័រ Holidu បានលើកឡើងពីសារៈសំខាន់ហិរញ្ញវត្ថុ និងវប្បធម៌នៅក្នុងប្រទេសថៃ ដោយទទួលស្គាល់ទីក្រុងបាងកក និងភូកេត សម្រាប់សមតុល្យដ៏អស្ចារ្យ រវាងគុណភាពជីវិត និងតម្លៃរស់នៅសមរម្យ។
ទេសាភិបាល អាជ្ញាធរទេសចរណ៍ប្រទេសថៃ បានថ្លែងនៅក្នុងការប្រគល់រង្វាន់ថា ការចុះបញ្ជីនេះ វាតំណាងអោយសារៈប្រយោជន៍របស់ប្រជាជន ដែលធ្វើការក្រៅប្រទេសនៅទីតាំងជាក់លាក់ណាមួយ។
ការមានទីក្រុងធំពីរនេះ នៅក្នុងបញ្ចីពិភពលោកនេះ គឺជាការចង្អុលបង្ហាញពីទីកន្លែងការងារពេញចិត្តរបស់ពួកគេ ក្រៅពីភូមិឋានរបស់ពួកគេ៕
