ដោយ៖សុផារី
ភ្នំពេញ៖ ក្រុមហ៊ុន PropertyGuru Group ដែលជាក្រុមហ៊ុនបច្ចេកវិទ្យាអចលនទ្រព្យឈានមុខគេនៅអាស៊ីអាគ្នេយ៍បានបង្ហាញបញ្ជីឈ្មោះបេក្ខជនដែលនឹងឈានទៅកាន់ពានរង្វាន់អចលនទ្រព្យប្រចាំឆ្នាំលើកទី ៦ ដែលជាពានរង្វាន់កិត្តិយសក្នុងវិស័យអចលនទ្រព្យ និងដែលត្រូវបានគេគោរពនិងឱ្យតម្លៃយ៉ាងខ្លាំង។ ព្រឹត្តិការណ៍នេះគឺជាផ្នែកមួយនៃកម្មវិធីពានរង្វាន់ PropertyGuru Asia Property Awards ប្រចាំតំបន់ដែលត្រូវបានបង្កើតឡើងក្នុងឆ្នាំ ២០០៥ ដោយមានដំណើរការវិនិច្ឆ័យនិងត្រួតពិនិត្យប្រកបដោយវិជ្ជាជីវៈ។
ក្នុងឆ្នាំ ២០២១ នេះ អ្នកអភិវឌ្ឍន៍ល្អបំផុតរបស់ប្រទេសកម្ពុជានឹងត្រូវបានផ្តល់កិត្តិយសនៅក្នុងការប្រកាសពានរង្វាន់ PropertyGuru Cambodia Property Awards ដើម្បីអបអរសាទរដល់គម្រោងការរចនានិងការច្នៃប្រឌិតអចលនទ្រព្យថ្មីៗ នៅក្នុងវិស័យនេះ ក្នុងរយៈពេលពេញមួយឆ្នាំចុងក្រោយ។
បើតាមវេបសាយរបស់ Asia Property Awards បានឱ្យដឹងថា ក្រុមហ៊ុនអចលនទ្រព្យកម្ពុជា ដែលត្រូវបានជ្រើសរើសក្នុងបញ្ជីសម្រាំងសម្រាប់ពានរង្វាន់ PropertyGuru Cambodia Property Awards លើកទី ៦ មានដូចតទៅ៖
1. ក្រុមហ៊ុន Blissful Capital Co., Ltd
2. Hua Jun Property Development Co., Ltd
3. Mekong Land Development Co., Ltd
4. Prince Real Estate (Cambodia) Group Co., Ltd
5. Sophea Suites Co., Ltd
6. The Peninsula Capital Co., Ltd
7. Urbanland
ជាលទ្ធផល សម្រាប់ប្រភេទពានរង្វាន់ការអភិវឌ្ឍ
• ការអភិវឌ្ឍខុនដូល្អបំផុត មាន Prince Happiness Plaza របស់ក្រុមហ៊ុន PRINCE REAL ESTATE (CAMBODIA) GROUP CO., LTD និង Vue Aston របស់ក្រុមហ៊ុន The Peninsula Capital Co., Ltd
• ការអភិវឌ្ឍលំនៅដ្ឋានល្អបំផុត មាន Chankiri Palm Creek របស់ក្រុមហ៊ុន Urbanlan និង MEKONG CITY របស់ក្រុមហ៊ុន MEKONG LAND DEVELOPMENT CO., LTD
សម្រាប់ប្រភេទពានរង្វាន់ការរចនា
• ការរចនាស្ថាបត្យកម្មខុនដូល្អបំផុត មាន City View Residence របស់ក្រុមហ៊ុន HUA JUN PROPERTY DEVELOPMENT CO., LTD និង Vue Aston របស់ក្រុមហ៊ុន The Peninsula Capital Co., Ltd
• ការរចនាស្ថាបត្យកម្មលំនៅដ្ឋានល្អបំផុត មាន Chankiri Palm Creek របស់ក្រុមហ៊ុន Urbanland និង MEKONG CITY របស់ក្រុមហ៊ុន MEKONG LAND DEVELOPMENT CO., LTD
• ការរចនាស្ថាបត្យកម្មទេសភាពគេហដ្ឋានល្អបំផុត មាន Chankiri Palm Creek របស់ក្រុមហ៊ុន Urbanland និង MEKONG CITY របស់ក្រុមហ៊ុន MEKONG LAND DEVELOPMENT CO., LTD
ពិធីប្រកាសនិងប្រគល់ពានរង្វាន់នឹងត្រូវបានប្រកាសជាផ្លូវការ នៅថ្ងៃសុក្រទី ១២ ខែវិច្ឆិកា ឆ្នាំ ២០២១ ខាងមុខនេះតាមរយៈបណ្តាញសង្គមនិងវេបសាយរបស់ Asia Property Awards៕
