ដោយ៖ សុផារី
ភ្នំពេញ៖ ក្នុងពិធីសម្ភោធអគារទីស្តីការក្រសួងរៀបចំដែនដី នគរូបនីយកម្ម និងសំណង់នៅថ្ងៃទី០៨ ខែវិច្ឆិកា ឆ្នាំ២០២១នេះ សម្តេចតេជោ ហ៊ុន សែន បានផ្តាំផ្ញើការងារចំនួន៣ ជូនទៅក្រសួងរៀបចំដែនដី នគរូបនីយកម្ម និងសំណង់ ឱ្យខិតខំបំពេញបន្ថែម។
ការងារទាំង៣នោះរួមមាន៖
ការងារទី១ បន្តខិតខំដោះស្រាយការចេញបណ្ណកម្មសិទ្ធជូនប្រជាពលរដ្ឋ ខិតខំដោះស្រាយជម្លោះដីធ្លីដែលនៅសេសសល់ ឬទើបកើត ដោយប្រើយន្តការសម្របសម្រួល ក្រៅប្រព័ន្ធតុលាការ។
ការងារទី២ ខិតខំដោះស្រាយការចេញបណ្ណកម្មសិទ្ធប្រកបដោយសុចរិតភាពលើការដោះស្រាយ។ ប្រសិនបើមានការដោះស្រាយ ប្រកបដោយសុចរិតភាព បញ្ហាប្រកដជាដោះស្រាយបាន។
ការងារទី៣ ខិតខំដោះស្រាយបញ្ហាដីសង្គមកិច្ច។
សម្តេចបានថ្លែងថា “ការខិតខំដោះស្រាយបញ្ហាដីសង្គមកិច្ច ជាកិច្ចការអាទិភាពមួយក្នុងចំណោមកិច្ចការអាទិភាពផ្សេងទៀត របស់រាជរដ្ឋាភិបាលដែលត្រូវធ្វើ។ កន្លងមក យើងបានធ្វើផ្ទះជូនពូកគាត់ ដូច្នេះដីធ្លីក៏ត្រូវរៀបចំជូនសម្រាប់អ្នកខ្វះដីផងដែរ”៕
