ដោយៈគង់ សូរិយា
ភ្នំពេញៈ រដ្ឋបាលខេត្តកោះកុង នឹងរៀបចំការប្រឡងប្រណាំង “សួនច្បារស្អាត” ដែលរៀបចំតុបតែង និងថែទាំដោយទីចាត់ការ អង្គភាព និងផ្នែកនីមួយៗចំណុះសាលាខេត្ត និងត្រូវបានបង្ហោះក្នុងគេហទំព័រហ្វេសប៊ុកផ្លូវការរបស់រដ្ឋបាលខេត្តកោះកុង។
ការប្រលងប្រណាំងនេះ ធ្វើឡើងក្នុងគោលបំណងបំផុស ឱ្យមានការចូលរួមរៀបចំ បង្កើតនូវសួនបៃតង និងការស្រឡាញ់បរិស្ថាន ព្រមទាំងធនធានធម្មជាតិ ដែលមានស្រាប់នៅ ក្នុងបរិវេណសាលាខេត្តកោះកុង តាមរយៈការរៀបចំ តុបតែលម្អរ និងដាំនូវពូជផ្កា រុក្ខជាតិផ្សេងៗដើម្បីឱ្យមានសោភ័ណភាពស្រស់ស្អាត។
ការផុសទទួលការ Like ចាប់ពីថ្ងៃទី២ រហូតដល់ថ្ងៃទី២០ ខែធ្នូ ឆ្នាំ២០២១ នឹងបិទការទទួល Like នៅថ្ងៃទី២០ ធ្នូ ២០២១ វេលាម៉ោង ១៨ : ០០ នាទីរសៀល។
ចំពោះរូបថតសួនច្បារ ដែលមានការចូលចិត្តច្រើន ” Like” នឹងទទួលបានរង្វាន់លើកទឹកចិត្ត ពីលោកជំទាវអភិបាល នៃគណៈអភិបាលខេត្តកោះកុង។
អាស្រ័យហេតុនេះ សូមសាធារណជន ដែលចូលចិត្ត និងគាំទ្ររូបភាពរបស់ទីចាត់ការ អង្គភាព និងផ្នែកណាមួយនៃរូបភាពខាងលើ សូមមេត្តាចុច Like៕
