រដ្ឋាភិបាលតម្រូវការដ្ឋានសំណង់ទាំងអស់ត្រូវមានការត្រួតពិនិត្យនិងបញ្ជាក់សំណង់ដោយក្រុមការងារជំនាញនិងអ្នកវិជ្ជាជីវៈ

ដោយៈ សុផារី

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់បានសេចសេចក្តីសម្រេច ដោយចាប់ពីថ្ងៃទី១ ខែមករា ឆ្នាំ២០២២ មុនផ្តល់លិខិតអនុញ្ញាតសាងសង់ លិខិតអនុញ្ញាតបើកការដ្ឋានសំណង់ និងវិញ្ញាបនបត្រប្រើប្រាស់សំណង់ ត្រូវមានការត្រួតពិនិត្យ និងបញ្ជាក់សំណង់ ដោយក្រុមការងារជំនាញ ដែលទទួលបានអាជ្ញាបណ្ណ ពីក្រសួងរៀបចំដែនដី នគរូបនីយកម្ម និងសំណង់ជាមុនសិន។

នេះបើតាមលទ្ធផលការងារ ប្រចាំឆ្នាំ២០២១ និងលើកទិសដៅកា​រងារ​សម្រាប់ឆ្នាំ២០២២ របស់ក្រសួងរៀបចំដែនដី នគរូបនីយកម្ម និងសំណង់ នាថ្ងៃទី៣០ ខែធ្នូ ឆ្នាំ២០២១។