ដោយ : គង់ សូរិយា
ភ្នំពេញ : ក្រុមហ៊ុនFURI Real Eststeបានប្រកាសលក់ការិយាល័យកម្រិត A Plus នៃគំរោង The PEAK ដែលជាគំរោងអភិវឌ្ឍន៍ចម្រុះថ្មីមួយ ស្របតាមទស្សនទានអភិវឌ្ឍសម័យថ្មី។
ប្រធានផ្នែកទីផ្សារនៃក្រុមហ៊ុន FURI Real Estate កញ្ញា លឹម សុខាដាវីន បានមានប្រសាសន៍ឲ្យដឹងក្នុងពិធីបង្ហាញគំរោងការិយាល័យប្រណីត នៃគម្រោងThe PEAK កាលពីថ្ងៃទី២០ កញ្ញាកន្លងមកថា ក្រុមហ៊ុន FURI បានទិញយកផ្នែកការិយាល័យនៃគំរោងដ៏ធំនេះ ដែលចាប់ផ្តើមពីជាន់ទី១៣A ដល់ជាន់ទី២៨ នៃអាគារសណ្ឋាគារ Shangri_La។
នៅក្នុងអាគារនេះផ្នែកជាន់ខាងក្រោមជាផ្សារទំនើប ជាន់កណ្តាលជាការិយាល័យ និងជាន់ខាងលើចាប់ពីជាន់ទី២៩ដល់ជាន់ទ៥៤ជាសណ្ឋា គារកម្រិតផ្កាយ៥។ បច្ចុប្បន្នការិយាល័យក្នុងអាគារនេះលក់អស់បានជាង៧០ភាគរយហើយ។
កញ្ញាបន្តថា “អាគារការិយាល័យនេះ យើងផ្តោតលើការលក់ជូនអតិថិជន និងជួលត្រលប់ពីអតិថិជនវិញ ដោយផ្តល់ប្រាក់ចំណូលចន្លោះ១៣០០ទៅ១៥០០ដុល្លារក្នុងមួយយូនីត”។ កញ្ញាបន្តថា “ទីផ្សារការិយាល័យនៅតំបន់នេះ ជាតំបន់មានភាពទាក់ទាញបំផុត ព្រោះតំបន់កោះពេជ្រជាតំបន់ ដែលមានខុនដូរាប់ម៉ឺនយូនីតដែលបានបញ្ចប់ និងកំពុងសាងសង់នៅតំបន់នេះ។
គំរោង THe PEAK ជាគំរោងដែលមានការអភិវឌ្ឍន៍ចម្រុះ ដោយមានខុនដូចំនួន១១១៤យូនីត មានផ្សារទំនើបកម្រិតស្តង់ដាអន្តរជាតិ មានសណ្ឋាគារ ការិយាល័យ និងសេវាកម្មជាច្រើនទៀត។ គំរោងនេះបានសាងសង់ដល់ជាង២៨ហើយ ក្នុងគំរោងកំពស់៥៤ជាន់។
អ្នកនាង ជិន ម៉ាឡែន នាយិកាក្រុមហ៊ុន FURI Real Estate ដែលបានវិនិយោគទិញការិយាល័យនៃគំរោងខាងលើយកមកលក់បន្ត បានមានប្រសាសន៍ឲ្យដឹងថា ផ្នែកការិយាល័យក្នុងគំរោងនេះមានចំនួនសរុប២៥០យូនីត ដែលមានទំហំចាប់ពី៤២ដល់៤៤ម៉ែត្រការ៉េក្នុងមួយយូនីត ប៉ុន្តែអតិថិជនអាចជួលបានទំហំច្រើនជាងនេះ ដោយយើងមានជំនាញលើការងារនេះ និងអាចរៀបចំបាន ដើម្បីបំពេញតម្រូវការអតិថិជន។អ្នកនាងបន្តថា ទីផ្សារការិយាល័យមិនមានអ្វីគួរឲ្យបារម្ភនោះទេ ព្រោះក្រុមហ៊ុនណាក៏ចង់មកបើកការិយាល័យនៅក្បែរ ឬនៅជាមួយសណ្ឋាគារ Shangri_La ដែរ ព្រោះវាជួយលើកកេរ្ត៍ឈ្មោះរបស់ក្រុមហ៊ុនគាត់។
អ្នកនាងជិន ចាន់ឡែនបានបន្តថា អ្វីជាចំណុចពិសេសនោះគឺគំរោង The PEAK មានគំរោងដែលមានលក្ខណៈ One Stock Service ដែលផ្តល់ឳកាសឲ្យអ្នកវិនិយោគមានភាពងាយស្រួល អាចធ្វើការ និងស្នាក់នៅក្នុងតំបន់ដែលមានសេវាកម្មចម្រុះដូចជា ផ្សារទំនើប កន្លែងទទួលទានអាហារ សេវាកម្មកំសាន្ត ខុនដូសម្រាប់ស្នាក់នៅ និងសណ្ឋាគារកម្រិតផ្កាយ៥។
ហេតុនេះអ្នកវិនិយោគចង់ទិញដាក់ជួល ឬទិញសម្រាប់បើកក្រុមហ៊ុនរបស់ខ្លួនវាជាឳកាសល្អ និងជាការជ្រើសរើសបានត្រឹមត្រូវបំផុត ដែលអតិថិជនអាចទាក់ទងមកកាន់ក្រុមហ៊ុនតាមរយៈលេខទូរស័ព្ទ០១១ ២៩ ៩៩ ៧៥, ០១៦៤១៩៨៩៨៕