ដោយៈ ម៉ាលីស
កែបៈ រដ្ឋបាលខេត្តកែប បានកំណត់ថ្ងៃបើកការដ្ឋានសាងសង់ផ្លូវប្របមាត់សមុទ្រ ដែលផ្លូវនេះនឹងធ្វើពីបេតុងមានប្រវែង១១គ.ម ក្រោមមូលនិធិរបស់ធនាគារអភិវឌ្ឍន៍អាស៊ី (ADB) គ្រោងនឹងចំណាយថវិកាប្រមាណ១០លានដុល្លារ។
នៅថ្ងៃទី២៤ ខែកុម្ភៈ ឆ្នាំ២០២២ នេះ លោក វ៉ៅ សុខា អភិបាលរង ខេត្ត បានអញ្ជីញដឹកនាំ កិច្ចប្រជុំជាមួយមន្រ្តីពាក់ព័ន្ឋ ដើម្បីពិភាក្សាការងារត្រៀមរៀបចំ ពិធីបើកការដ្ឋានសាងសង់ផ្លូវបេតុង ប្របមាត់សមុទ្រខេត្តកែប ដែលនឹងត្រូវបើកការដ្ឋាន សាងសង់នៅថ្ងៃទី១ ខែមីនា ឆ្នាំ២០២២ ខាងមុខនេះ។
ការសាងសង់ផ្លូវប្រមាត់សមុទ្រនេះ ជាកម្ចីរបស់ធនាគារអភិវឌ្ឍន៍អាសុី(ADB) ក្នុងគម្រោង ហេដ្ឋារចនាសម្ព័ន្ធ ទេសចរណ៍សម្រាប់ កំណើនប្រកបដោយបរិយាប័ន្ន នៃមហាអនុតំបន់មេគង្គជំហានទី២ ដែលមានប្រវែងជាង១១គីឡូម៉ែត្រ ទទឹង៩ម៉ែត្រ -១៥ម៉ែត្រ ប្រើរយៈពេលសាងសង់ចំនួន២២ខែ និងចំណាយថវិកាអស់ចំនួនជាង១០លានដុល្លារ ៕
