ក្រុមហ៊ុនវិនិយោគផ្នែកបដិសណ្ឋារកិច្ចធំមួយគ្រោងបើកសណ្ឋាគារកម្ពុជានៅដើមត្រីមាសទី៣

ដោយៈគង់ សូរិយា

ភ្នំពេញៈ ក្រុមហ៊ុនវិនិយោគលើបណ្ដាញបដិសណ្ឋារកិច្ច លំដាប់អន្តរជាតិ Accor គ្រោងបើកដំណើរការសណ្ឋាគារតម្លៃមធ្យមប្រេន Ibis Budget នៅកម្ពុជាជាលើកដំបូងបង្អស់ នៅអំឡុងខែកក្កដាឆ្នាំ ២០២២ខាងមុខនេះ។

សណ្ឋាគារថ្មីមួយនេះ មានឈ្មោះថា Ibis Budget Phnom Penh Riverside ដែលមានសរុប៣២២បន្ទប់ និងរួមបញ្ចូលគំនិតដោយការរចនាបែបសហសម័យ។

សណ្ឋាគារនេះ មានទីតាំងនៅក្នុងខណ្ឌចំការមន ដែលទីតាំងសក្ដានុពល តំបន់ពាណិជ្ជកម្ម និងកម្សាន្តក៏ធំរបស់រាជធានីភ្នំពេញ។

ស្រដៀងគ្នា សាខាផ្សេងទៀតជុំវិញពិភពលោក Ibis Budget Phnom Penh Riverside នឹងក្លាយជាសណ្ឋាគារតម្លៃសមរម្យស្ដង់ដាអន្តរជាតិ ដ៏ល្អឥតខ្ចោះសម្រាប់ធ្វើដំណើរ ដែលចង់បានបន្ទប់ឆ្លាតវៃ ផាសុខភាព និងការរចនាប្រកបដោយភាពច្នៃប្រឌិត៕