ក្រុមហ៊ុនបរទេសធំៗ៤គ្រោងបោះទុនរាប់រយលានដុល្លារនៅភូមិភាគពាយ័ព្យ

2

ដោយ : គង់ សូរិយា

ភ្នំពេញ : ក្រុមហ៊ុនធំៗចំនួន៤បានរួមសហការគ្នា មកចុះអនុស្សរណៈយោគយល់គ្នា ជាមួយក្រុមហ៊ុន ខ្មែរនៅក្នុងខេត្តបន្ទាយមានជ័យ ដើម្បីវិនិយោគលើវិស័យធនាគារ និងទេសចរណ៍ជាដើម។

ក្នុងពិធីចុះអនុស្សរណៈយោគយល់គ្នា (MOU) រវាងក្រុមហ៊ុនខ្មែរនៅខេត្តបន្ទាយ​មាន​ជ័យ និងក្រុមហ៊ុន​បរទេស​ធំៗ​ចំនួន៣ មានក្រុមហ៊ុនមកពីប្រទេសម៉ាឡេស៊ីជាដើម នៅពីចង់សប្ដាហ៍នេះ លោក អោម ចន្ថា អភិបាលរងខេត្តបន្ទាយមានជ័យថ្លែងថា រដ្ឋបាលខេត្តស្វាគមន៍ និងត្រៀមលក្ខណៈរួចហើយក្នុងការលើក​ទឹកចិត្ត គាំទ្រ សម្រប​សម្រួល និងការពារផ្លូវច្បាប់នូវផលប្រយោជន៍របស់ក្រុមហ៊ុនទាំងអស់ដែល​បានមក​វិនិយោគនៅលើទឹកដីខេត្តបន្ទាយមានជ័យ។

-->

លោកបន្តថា “ក្នុងខេត្តបន្ទាយមានជ័យ មានសក្តានុពលសំខាន់ៗជាច្រើនលើវិស័យ​ទេស​ចរណ៍ កសិកម្ម​ ជាដើម ដែលអ្នកវិនិយោគអាចបោះទុនបានតាមតម្រូវការ ហើយ​សង្ឃឹមថា ការចាប់ដៃគូវិនិយោគជាមួយក្រុមហ៊ុនលី អ៊ុតនីនីហរណ៍ អាហរ័ណ​ជាមួយក្រុមហ៊ុនបរទេស នឹងទទួលបានជោគជ័យ”។

អ្នកស្រី គ្រីស្ទីណា ទីប្រឹក្សា លោក ដាតុ ស្រីទីង  អគ្គនាយកក្រុមហ៊ុនហ្គ្រែន ហ្វត្រេស អ៊ិនវេសមិន ម៉ាឡេស៊ីបានមានប្រសាសន៍ឲ្យដឹងថា បណ្តាក្រុមហ៊ុនដែលមកកាន់​កម្ពុជានាពេលនេះនេះ នឹងទាក់ទាញក្រុមហ៊ុន៥០ផ្សេងទៀត ដែលមានទឹកប្រាក់​៥កោដិដុល្លារអាមេរិកមកវិនិយោគលើវិស័យធនាគារ ហិរញ្ញវត្ថុ សំណង់ហេដ្ឋា​រចនាសម្ព័ន្ធ សេវាកម្ម សណ្ខាគារ ភោជនីដ្ឋាន និងអភិវឌ្ឍន៍ធនធានមនុស្ស ជាដើម​នៅខេត្តបន្ទាយមានជ័យ  និងនៅខេត្ត រាជធានីដទៃទៀត ក្នុងប្រទេសកម្ពុជា។

អគ្គនាយកក្រុមហ៊ុន QMIS Financial Group, Hong Kong លោក Dato Sri Chin ថ្លែងថា ក្រុមហ៊ុននេះមានក្រុមហ៊ុនជាដៃគូនិងបុត្រសម្ព័ន្ធ៩ក្រុមហ៊ុនទៀត ហើយនឹង​បណ្តាក់ទុននៅលើដីរបស់ខេត្តបន្ទាយមានជ័យក្នុងទឺកប្រាក់ប្រមាណពី២០០ ទៅ៨០០លានដុល្លាសរអាលើវិស័យដូចខាងលើ។

ក្រុមបរទេសធំៗ ដែលមកចុះអនុស្សរណៈយោគយល់គ្នា (MoU) ដើម្បីវិនិយោគ នៅខេត្តបន្ទាយ​មានជ័យ ​ទាំងនោះរួមមាន ទី១ ក្រុមហ៊ុនGrand Fortress Investment Ltd , Malaysia) ទី២- ក្រុមហ៊ុន QMIS Financial Group, HongKong។ ទី៣ JOWIN Martketing SDN BHD ,Malaysia និងទី៤ក្រុមហ៊ុនហ្គូសេង អាយអិនស៊ី  ហុងកុង ចិន ( GUSHEN ,INC ) ជាដើម៕