ដោយៈសុខុម
ញូវយ៉ក: ក្រុមហ៊ុនបណ្ដាញទំនាក់ទំនងសង្គម Twitter ត្រៀម នឹងយល់ព្រមលក់ឱ្យកំពូលមហាសេដ្ឋី Elon Musk ក្នុងតម្លៃប្រមាណ ៤៣ពាន់លានដុល្លារជាសាច់ប្រាក់ ជាតម្លៃដែលនាយកប្រតិបត្តិក្រុមហ៊ុន Tesla រូបនេះចាត់ទុកថាជា “តម្លៃល្អបំផុត និងតម្លៃចុងក្រោយ”។
លោក Elon Musk ដែលទស្សនាវដ្ដី Forbes ចុះផ្សាយកាលពីពេលថ្មីៗនេះថា ជាមហាសេដ្ឋីមានប្រាក់ជាងគេ បំផុតរបស់ពិភពលោក កំពុងចរចាទិញយកក្រុមហ៊ុន Twitter ដោយផ្ទាល់ ហើយក្រុមហ៊ុន Tesla របស់លោក មិនពាក់ព័ន្ធនឹងកិច្ចព្រមព្រៀងនេះទេ។ នេះបើយោងតាមសារព័ត៌មាន Reuters ចុះផ្សាយកាលពីថ្ងៃច័ន្ទ ទី២៥ ខែមេសា។
