ដោយៈ រ៉ាណេត

ភ្នំពេញៈ មានការលើកឡើងសារជាថ្មីថា ការព្យាករណ៍នៃកំណើនសេដ្ឋកិច្ចកម្ពុជាឆ្នាំ២០២១អាចនឹងមានការប្រែប្រួល ប្រសិនបើភាពប្រឈមនឹងការរីករាលដាលជំងឺនៅក្នុងសហគមន៍ នៅតែបន្តអូសបន្លាយពេលវេលាបន្ថែមទៀត។

អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានមានប្រសាសន៍នៅថ្ងៃទី៧ ខែធ្នូ ឆ្នាំ២០២០នេះថា ប្រសិនបើស្ថានភាពនៃការរាតត្បាតជំងឺកូវីដ-19 នៅតែអូសបន្លាយ និងមិនទាន់មានវ៉ាក់សាំងការពារ សេដ្ឋកិច្ចកម្ពុជានឹងអាចងើបឡើងក្នុងល្បឿនយឺត ដោយសារផលិតកម្មនៅក្នុងស្រុក មិនទាន់បានដំណើរពេញលេញនៅឡើយ។

លោកបណ្ឌិតបន្តថា “ជុំវិញជំងឺ Covid-19 បើសិនបញ្ហានេះធូរស្រាយ ឬត្រឡប់ជាធម្មតា សេដ្ឋកិច្ចកម្ពុជា នឹងអាចងើបឡើងយ៉ាងលឿន ប៉ុន្តែបើស្ថានភាពជំងឺCovid-19 នៅតែអូសបន្លាយ និងមិនទាន់មានវ៉ាក់សាំងការពារ សេដ្ឋកិច្ចកម្ពុជានឹងអាចងើបឡើងដោយល្បឿនយឺត ព្រោះថាផលិតកម្មក្នុងស្រុកមួយចំនួន មិនបានដំណើរពេញលេញ និងមិនមានសកម្មដូចមុននោះឡើយ”។

លោកបណ្ឌិតគី សេរីវឌ្ឍន៍ បានលើកឡើងបន្តថា ជុំវិញខ្សែសង្វាក់ផលិតកម្មកម្ពុជាមានថ្លៃដើមផលិតខ្ពស់ជាងប្រទេសជិតខាង។ ដើម្បីលើកកម្ពស់ឱ្យសហគ្រាសផលិតបានកាន់តែច្រើន លុះត្រាតែធ្វើឱ្យពួកគាត់ចំណេញ ដូច្នេះក្រសួងស្ថាប័នពាក់ព័ន្ធគួរជួយជាលក្ខណៈបច្ចេកទេស ដើម្បីជំរុញឱ្យសហគ្រាសផលិតមានគុណភាព ការកាត់បន្ថយថ្លៃដើមឱ្យបានជាអតិបរមា កាត់បន្ថយថ្លៃអគ្គិសនី ថ្លៃដឹកជញ្ជូន បញ្ហាកំពង់ផែ ការចំណាយលើនគរបាលតាមដងផ្លូវ និងវិស័យពន្ធជាដើម ដែលទាំងអស់នេះសុទ្ធតែជាបញ្ហាក្នុងការប្រកួតប្រជែង នឹងធ្វើឱ្យសហគ្រាសមួយចំនួនត្រូវបិទទ្វារ ជាពិសេសការផ្តល់ឱកាសឱ្យមានលំហូរទំនិញចូលមកពីក្រៅស្រុក។

ស្ថិតក្នុងក្របខណ្ឌម៉ាក្រូសេដ្ឋកិច្ចឆ្នាំ២០២១ កម្ពុជាត្រូវបានព្យាករណ៍ថា នឹងអាចសម្រេចបានកំណើនក្នុងរង្វង់៣,៥ភាគរយ ដែលធ្វើឱ្យផលទុនជាតិសេរុប(ផ.ស.ស) ថ្លៃបច្ចុប្បន្ន ស្ថិតក្នុងរង្វង់១១៧៩៣៩ ប៊ីលានរៀល សមមូលនឹងប្រមាណ២៩,០១៣ លានដុល្លារអាមេរិក ស្របពេលដែលផ.ស.ស សម្រាប់មនុស្សម្នាក់ត្រូវបានរំពឹងថា នឹងកើនឡើងដល់១៧៧១ដុល្លារអាមេរិក បើធៀបនឹង១៦៨៣ ដុល្លារអាមេរិកក្នុងឆ្នាំ២០២០សំរាប់មនុស្សម្នាក់ក្នុងមួយឆ្នាំ។

អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង បានប្រមានសាសន៍ថា នៅត្រឹមដើមឆ្នាំ២០២១ខាងមុខនេះ កម្ពុជា ចិន នឹងចុះហត្ថលេខារួមគ្នាទៅលើការចាប់អនុវត្តកិច្ចព្រមព្រៀងពាណិជ្ជកម្មសេរីរួមគ្នា ហើយនឹងឈានសម្រេចបាននូវកិច្ចព្រមព្រៀងជាមួយបណ្តាប្រទេសក្នុងតំបន់ផ្សេងៗទៀត ដូចជា កូរ៉េ ហុងកុង ជប៉ុន និងឥណ្ឌាជាដើម ហើយក៏នឹងមានបណ្តាប្រទេសជាច្រើនទៀតធ្វើជាដៃគូ។

លោកឧកញ៉ាបានបញ្ជាក់ថា “ក្រោយពីទទួលបាននូវកិច្ចព្រមព្រៀង ពាណិជ្ជកម្មសេរីទាំងអស់បន្ថែម ពីលើការទទួលបាននូវប្រព័ន្ធអនុគ្រោះពន្ធ (GSP) ពីប្រទេសធំៗផ្សេងទៀត ការនាំចេញរបស់កម្ពុជានឹងមានកំណើនទ្វេដង ហើយក៏ជាការង្កើននូវចំណូលជីវភាពផ្ទៃក្នុងរបស់ប្រជាពលរដ្ឋ ដែលប្រកបកសិកម្ម បន្ទាប់ពីមានក្រុមហ៊ុនវិនិយោគជាច្រើននៅឈប្រមូលទិញ សម្រាប់រៀបចំកែច្នៃជាផលិតផលកសិ-ឧស្សាហកម្មសម្រេច ឬពាក់កណ្តាលសម្រេចសម្រាប់នាំចេញទៅកាន់ទីផ្សារអន្តរជាតិ”។

​លោកឧកញ៉ាបញ្ជាក់យ៉ាងខ្លីថា“សព្វថ្ងៃនេះ យើងនៅរង់ចាំតែភាពស្ងប់ស្ងាត់នៃកា​ររាតត្បាតជំងឺ Covid-19តែប៉ុណ្ណោះ នៅពេលបញ្ហានៃការរាតត្បាត ត្រូវបានបញ្ចប់ពេលណា នោះគឺជាពេលដែលកម្ពុជា ចាប់ផ្តើមពង្រីកទីផ្សារនាំចេញរបស់ខ្លួនហើយ”៕

        ដោយស៊ីវ ម៉េង

        ភ្នំពេញៈ ការវិនិយោគឬទិញអចលនទ្រព្យ មិនមែនទិញតាមតែចិត្តនឹកឃើញនោះទេ ប៉ុន្តែយើងគួរទិញទៅតាមពេលវេលា និងអាយុរបស់អ្នកផងដែរ ប្រសិនជាលទ្ឋភាពសន្សំរបស់អ្នកអាចធ្វើទៅបាន។

ជាបុគ្គលជោគជ័យមួយរូប ក្នុងទីផ្សារដីធ្លី លោកឧកញ៉ាបណ្ឌិតគីម ហ៊ាងប្រធានKW Cambodia បានមានប្រសាសន៍ឲ្យដឹងកាលពីពេលថ្មីៗនេះថា ប្រសិនជាអ្នកមានអាយុ៥០ឆ្នាំ ជាពេលដល់អាយុជិតចូល​និវត្តន៍ មិនគួរវិនិយោគលើវិស័យដីធ្លីនោះទេ គឺគួរទិញខុនដូ ទិញដីសាងសង់ផ្ទះជួល ឬទិញ​ផ្ទះល្វែងសម្រាប់ជួល ដែលអាចបានប្រាក់ភ្លាមៗត្រលប់មកវិញ។

ផ្ទុយទៅវិញប្រ​សិនជាលោក អ្នកមានអាយុចន្លោះពី៣០ទៅ៤០ឆ្នាំ គួរវិនិយោគលើវិស័យដីធ្លី ព្រោះ​ទិញដីមានផលចំណេញខ្ពស់ និងជាវ័យដែលលោក អ្នកកំពុងរកលុយបានច្រើន។

ជាមួយគ្នានេះ លោកបានលើកពីធនធានរបស់មនុស្សម្នាក់ៗជាសំណួរផងដែរ ដោយ​លោកបានមានប្រសាសន៍ថា តើលោក អ្នកមានប្រាក់ប៉ុន្មាន មានស្ថានភាពជីវិតយ៉ាងដូចម្តេច? ព្រោះការ​សម្រេចចិត្តក្នុងលក្ខខ័ណ្ឌនេះ មានសារៈសំខាន់ មុនធ្វើការវិនិយោគក្នុងវិស័យនេះ។

លោកបណ្ឌិតគីម ហ៊ាង​បានថ្លែងថា ការវិនិយោគលើវិស័យអ្វីមួយ ក៏គួរមានលក្ខខ័ណ្ឌជាក់លាក់ទាក់ទងនឹង ចំនួនទុនវិនិយោគ លក្ខខ័ណ្ឌការងារ លក្ខខ័ណ្ឌជីវិត ជាដើម ដោយលោកបានថ្លែងថា ប្រសិនជាអ្នកទើបរៀបការ ហើយសល់លុយ១០ម៉ឺនដុល្លារ គួរទិញផ្ទះសម្រាប់ស្នាក់នៅសិន ប្រសិនជាមានផ្ទះ ហើយសល់លុយគួរទិញដីទុក ហើយប្រសិនជាមានផ្ទះ​ស្នាក់នៅ និងមានដីរួចហើយ គួរទិញខុនដូ ព្រោះខុនដូជាវិស័យថ្មីមួយដែលកំពុងមានការពេញ​និយម និងបង្ហាញពីភាពស៊ីវិល័យ៕

ដោយៈ រ៉ាណេត

ភ្នំពេញៈ ខណៈពេលដែលការរាតត្បាតនៃជំងឺឆ្លងCovid-19 នៅតែបន្តការគំរាមកំហែង នៅក្នុងសហគមន៍នាពេលបច្ចុប្បន្ន សម្រាប់តែទីផ្សារនៃការជួលការិយាល័យគ្រប់កម្រិតនៅកម្ពុជា នឹងនៅតែបន្តជួបឱនភាពរហូត ដល់ពាក់កណ្តាលឆ្នាំ២០២១ខាងមុខនេះ។

នាយិកាប្រចាំប្រទេសក្រុមហ៊ុន CBRE Cambodia លោកស្រី អាន សុធីតា បានមានប្រសាសន៍ប្រាប់តាមទូរស័ព្ទនៅរសៀលថ្ងៃទី៧ ខែធ្នូ ឆ្នាំ២០២០ថា ទីផ្សារជួលអគារការិយាល័យនៅពេលបច្ចុប្បន្ននេះ កំពុងតែមានការធ្លាក់ចុះ ហើយការធ្លាក់ចុះអាចនឹងបន្តរហូតដល់ដើមឆ្នាំក្រោយ ឬពាក់កណ្តាលឆ្នាំ២០២១។

លោកស្រីបានបន្តថា “មិនថាចំពោះតែទីផ្សារជួលការិយាល័យ ការជួលទីតាំងលក់រាយនៅតាមបណ្តាផ្សារទំនើប ឬផ្សារសហគមន៍ឬការជួលអាផាតម៉ិន សម្រាប់ស្នាក់នៅនោះទេ គឺជួបបញ្ហាឱនភាពដូចគ្នា”។ លោកស្រីបញ្ជាក់ថា “សម្រាប់តែទីផ្សារជួលការិ​យាល័យគ្រប់កម្រិត គឺនៅស្ថិតនៅក្នុងសញ្ញាអវិជ្ជមានទាំងកម្រិតA  កម្រិតB និងកម្រិតC ព្រោះតម្រូវការអគារការិយាល័យភាគច្រើន ជាក្រុមហ៊ុនមកពីក្រៅស្រុក”។

លោកស្រីធីតាបានបន្ថែមថា ស្ថិតនៅក្នុងកំឡុងពេលនេះម្ចាស់ក្រុមហ៊ុន ក៏ដូចជាដៃគូពាណិជ្ជកម្ម ដែលជាជនជាតិបរទេសទាំងនោះ មិនត្រូវបានអនុញ្ញាតឱ្យឆ្លងប្រទេសនោះទេ លើកលែងតែការគំរាមកំហែងនេះ ត្រូវបានបញ្ចប់បន្ទាប់ពីថ្នាំបង្ការត្រូវបានដាក់  ឱ្យប្រើប្រាស់ជាសាធារណៈផ្លូវការ។

អគ្គនាយកក្រុមហ៊ុនភ្នាក់ងារអចលនទ្រព្យ EASY Property Investment លោក ម៉ម សិរីបញ្ញា បានមានប្រសាសន៍ថា ការជួលអគារិយាល័យនៅក្នុងអំឡុងពេលនេះ ពិតជាមានការធ្លាក់ចុះ ប៉ុន្តែវានឹងមានភាពល្អប្រសើរឡើងវិញ ក្នុងពេលឆាប់ៗខាងមុខនេះ ព្រោះបច្ចុប្បន្នមានបណ្តាប្រទេសធំៗជាច្រើន បានប្រកាសពីការធ្វើតេស្តពីប្រសិទ្ធភាពនៃវ៉ាក់សាំងរបស់ខ្លួន ដែលនឹងត្រៀមចែកចាយជាផ្លូវការ។

លោកបានបញ្ជាក់ថា “វាមិនមែនប៉ះពាល់ត្រឹមតែទីផ្សារនៅកម្ពុជានោះទេ គ្រប់បណ្តាប្រទេសនានា នៅលើសាកលលោកសុទ្ធតែប៉ះពាល់ដូចគ្នា គ្រាន់តែតិច ឬច្រើនតែប៉ុណ្ណោះ ប៉ុន្តែវានឹងវិលត្រឡប់មករកសភាពដើមវិ ញក្នុងពេលខាងមុខនេះ”។ លោកប  ន្តា “ពេលនេះទីផ្សាររួមពិតជាប៉ះពាល់ ប៉ុន្តែសម្រាប់អ្នកអភិវឌ្ឍន៍ ដែលមានទុនគ្រប់គ្រាន់អាចឆ្លៀតឱកាសអភិវឌ្ឍន៍របស់ខ្លួន លុះពេលស្ថានភាពបានល្អប្រសើរឡើងវិញ គម្រោងទាំងមូលអាចបានបញ្ចប់ និងដាក់បញ្ចូលក្នុងទីផ្សារទាន់ពេលវេលាផងដែរ”៕

        ដោយគង់ សូរិយា

        ភ្នំពេញៈ ដីធ្លីស្ថិតនៅតាមបណ្តោយផ្លូវជាតិសំខាន់ៗ ដែលតភ្ជាប់ជាមួយរាជធានីភ្នំពេញ សុទ្ឋតែមានតម្រូវការខ្ពស់ និងតម្លៃបាននិងកំពុងបន្តហក់ឡើង ដោយសារកត្តាមួយចំនួន។

យោងតាមការវិភាគពីកត្តាភូមិសាស្រ្ត នគររូបនីយកម្មបានបង្ហាញថា ដីដែលមានចម្ងាយចន្លោះពី២០ទៅ៤០គីឡូម៉ែត្រ ស្ថិតនៅតាមបណ្តោយផ្លូវវជាតិសំខាន់ៗ សុទ្ឋតែមានតម្រូវការ និងតម្លៃបន្តកើនឡើង ដោយសារការរីកចម្រើននៃទីក្រុង ពិសេសការរីកចម្រើននៃសេដ្ឋកិច្ចសង្គមកម្ពុជា។ កំនើនតម្លៃដីធ្លីនៅតាមតំបន់ទាំងនោះ ដោយសារអ្នកវិនិយោគជាតិ អន្តរជាតិបានពង្រីកការអភិវឌ្ឍរបស់ពួកគេ ដូចជា បុរី លំនៅដ្ឋាន ការ​សាង​សង់ឃ្លាំងសំរាប់ជួល រោងចក្រ សហគ្រាសនានា។

ផ្លូវជាតិលេខ១នៅរយៈពេល៥ទៅ១០ឆ្នាំខាងមុខ នឹងមានការរីកចម្រើនរោងចក្រ សហគ្រាស បុរីលំនៅដ្ឋានដល់តតំបន់អ្នកលឿង ផ្លូវជាតិលេខ២នឹងមានសកម្មភាពសេដ្ឋកិច្ចរសរវើកដល់ទីរួមខេត្តតាកែវ ផ្លូវជាតិលេខ៣ នឹងរីកចម្រើនដល់តំបន់បាយគូស ដែលជាតំបន់ផ្លូវបំបែក រវាងផ្លូវឆ្ពោះទៅកាន់ខេត្តកំពត និងខេត្តកែប ផ្លូវេះជាតិលេខ៤ សកម្ម​ភាពរីកចម្រើននឹងតភ្ជាប់ពីរាជធានីភ្នំពេញ ដល់ក្រុងព្រះសីហនុ ដោយសាររដ្ឋាភិបាលមានផែនការរៀបចំ តំបន់ជាប់ផ្លូវនេះជាតំបន់ឧស្សាហកម្ម នៅឆ្នាំ២០៣០ខាងមុខ។

ផ្លូវចាតិលេខ៥ ជាផ្លូវអាស៊ាន ដែលតភ្ជាប់របៀងភាគខាងត្បូងរវាងប្រទេសថៃ ឆ្លងកាត់កម្ពុជា និងវៀតណាម ហើយរដ្ឋាភិបាលបាន និងកំពុងរៀបចំតំបន់ជាប់ផ្លូវនេះជាតំប​ន់​សួនឧស្សាហកម្ម ដើម្បីទទួលបានផលប្រយោជន៍ ពីការដឹកទំនិញឆ្លងកាត់របស់ប្រទេ​សទាំងបីក្នុងតំបន់។ ផ្លូវជាតិលេខ៦ នឹងមានសកម្មភាពសាងសង់រោងចក្រ សហគ្រាស លំនៅដ្ឋានតភ្ជាប់ពីរាជធានីភ្នំពេញ ដល់តំបន់ផ្លូវបំបែកទៅកាន់ព្រែកក្តាមនាពេលអនាគតត។

អ្នកតាមដានការវិវត្តនៃសេដ្ឋកិច្ច និងអចលទ្រព្យនៅកម្ពុជា លោកយិន លាងគង់ដដែលជាសហស្ថាបនិក និងជាអគ្គនាយកនៃគេហទំព័រPropertyarea.asia និងគេហ​ទំព័រCambodiafinancialtimes.comបានមានប្រសាសន៍ថា ផ្លួវជាតិជាសៃឈាមនៃ​សេដ្ឋកិច្ចជាតិ នៅពេលផ្លូវសាងសង់ទៅដល់តំបន់ណា សេដ្ឋកិច្ចតំបន់នោះនឹងមានភាពរីកចម្រើន ដូចប្រសាសន៍របស់ប្រមុខរដ្ឋាភិបាលកម្ពុជា សម្តេចតេជោហ៊ុន សែនតែងតែលើកឡើងថា “មានផ្លូវ គឺមានសង្ឃឹម”។

លោកបន្តថា“ការរីកចម្រើននៃសេដ្ឋកិច្ច នឹងធ្វើឲ្យការអភិវឌ្ឍកាន់តែរីកសាយភា​យចេញពីរាជធានី ហើយប្រជាជននៅតាមតំបន់ជនបទ នឹងទទួលបានផលប្រយោជន៍ពីការរីកចម្រើននេះ ពិសេសការវិនិយោគលើហេដ្ឋារចនាសម្ព័ន្ឋរបស់រដ្ឋាភិបាល គឺជាការចាក់បញ្ចូលមូលធនសេដ្ឋកិច្ចទៅកាន់ជនបទដោយស្ងៀមស្ងាត់”។លោកបន្តថា “នេះជាការវិភាជន៍ថវិកាជាតិ ដែលទទួលបានពីកំនើនសេដ្ឋកិច្ចរបស់រដ្ឋាភិបាល ទៅកាន់ជនបទទយ៉ាងមានប្រសិទ្ឋភាពនិងចំគោលដៅ”៕

ដោយៈ រ៉ាណេត

ភ្នំពេញៈ គម្រោងខុនដូរំដួលស៊ីធី ត្រូវបានអភិវឌ្ឍដោយក្រុមហ៊ុន Supreme Real Estate Group ដែលជាក្រុមហ៊ុនអចលនទ្រព្យ ដ៏ល្បីល្បាញមួយមកពីប្រទេសចិន នៅតាមមហាវិថីសហព័ន្ធរុស្ស៊ី កំពុងបង្ហាញពីភាពទាក់ទាញយ៉ាងខ្លាំង ក្នុងនាមជាអគារស្នាក់នៅសហកម្មសិទ្ធិ ស្រោបដោយកញ្ចក់ទាន់សម័យ ស្ថិតក្នុងខណ្ឌសែនសុខ រាជធានីភ្នំពេញ។

រំដួលស៊ីធីជាលំនៅដ្ឋានសហកម្មសិទ្ធិ ដែលរួមបញ្ចូលគ្នារវាងបែបបទ នៃជីវិតទាន់សម័យ និងភាពស្រស់បំព្រងនៃធម្មជាតិ និងត្រូវបានបំពាក់ដោយប្រព័ន្ធស្មាតហូម បន្ថែមពីលើការរចនាម៉ូដដ៏ទាក់ទាញ ស្អាតប្លែកក្នុងនាមជាសហគមន៍អេកូធម្មជាតិ ដ៏ធំមួយ ដែលជាបែបផែននៃរស់នៅថ្មីក្នុងរាជធានីភ្នំពេញ។

ទិដ្ឋភាពទូទៅនៃគម្រោង

គម្រោងអភិវឌ្ឍន៍លំនៅដ្ឋានបែបសហគមន៍ ទំនើបរំដួលស៊ីធី មានចំនួន៤អគារ កម្ពស់សរុប២១ជាន់ និងមានចំនួនសរុប១១២៩យូនីត ហ៊ុមព័ទ្ធទៅដោយតំបន់សេវាកម្មសំខាន់ៗដ៏ច្រើនដូចជា មន្ទីរពេទ្យរ៉ូយ៉ាល់ភ្នំពេញ ផ្សារទំនើបរតនាផ្លាហ្សា ផ្សារម៉ាក្រូ ផ្សារទំនើបអ៉ីអនសែនសុខ និងសាលារៀនជាអន្តរជាតិល្បីៗជាង២០ ព្រមទាំងស្ថាប័នអប់រំរបស់រដ្ឋ មន្ទីរពេទ្យ និងសហគ្រាសផ្សេងៗទៀត។

ការពិពណ៌នាពីប្រភេទបន្ទប់

រំដួលស៊ីធី ត្រូវបានរចនាម៉ូដយ៉ាងស្រស់ស្អាតទាន់សម័យ តាមបែបប្រទេសសិង្ហបុរី ដែលជាទីតាំងតែមួយគត់ រួមបញ្ចូលគ្នាយ៉ាងល្អឥតខ្ចោះ រវាងសោភ័ណ្ឌភាពស្ថាបត្យកម្ម និងគុណតម្លៃនៃជីវិត ក្នុងការរស់នៅដោយយូនីតនីមួយៗ មានទំហំចាប់ពីជាង៤២-៨៧ម៉ែត្រការ៉េ ដែលត្រូវបានបែងចែកកម្រិតប្រណីតភាពផ្សេងគ្នា ដូចជាបន្ទប់គេង ផ្ទះបាយ និងរានហាលនៅខាងក្រៅ សម្រាប់លំហែរយកខ្យល់អាកាសផងដែរ។

ឱកាសចំណេញពីការទិញ

នៅក្នុងឱកាសនៃការបើលក់ ជាផ្លូវការណ៍នៃអគារទី១ ក្នុងចំនោមអគារទាំង៤ ដែលកំពុងសាងសង់ដល់ជាន់ទី២០ និងត្រៀមបញ្ចប់ក្នុងពេលឆាប់ៗខាងមុខនេះ ក្រុមហ៊ុនអភិវឌ្ឍន៍ ប្រកាសលក់ក្នុងតម្លៃពិសេសទាបជាងទីផ្សារ ដែលជាការផ្តលឱកាសចំណេញយ៉ាងច្រើន ចំពោះអតិថិជនដែលទិញសម្រាប់ស្នាក់នៅផ្ទាល់ ឬទិញទុកសម្រាប់វិនិយោគបន្ត ក៏ដូចជា ក្រុមហ៊ុនភ្នាក់ងារផងដែរ ជាមួយនឹងតម្លៃត្រឹមជាង១៧០០ដុល្លារក្នុងមួយម៉ែត្រការ៉េឡើងទៅ ឬជាង៧ម៉ឺនដុល្លារក្នុងមួយយូនីតតែប៉ុណ្ណោះ។

បន្ថែមពីលើកម្មវិធីបញ្ចុះតម្លៃយ៉ាងច្រើន នៅក្នុងអំឡុងចុងឆ្នាំ២០២០នេះ ក៏មានការផ្តល់ជូននូវការយ៉ាងសន្ធឹកសន្ធាប់ ដូចជា សម្ភារៈប្រើប្រាស់នៅក្នុងបន្ទប់ស្រាប់ ជាពិសេសការផ្តល់ជូននូវ លក្ខខណ្ឌបង់ប្រាក់យ៉ាងងាយស្រួល និងនៅក្នុងរយៈពេលយូរផងដែរ។

សម្រាប់ព័ត៌មានលម្អិតពីគម្រោងសូមទំនាក់ទំនង តាមរយៈទូរស័ព្ទលេខ ០៧០ ៥០ ១៨ ១៨៕

ដោយគង់ សូរិយា

        ភ្នំពេញៈ អ្នកជំនាញអះអាងថា ការទិញខុនដូទុកសំរាប់រស់នៅ និងទុកសំរាប់ជួលនាកំឡុងពេលនេះ វាជាពេលវេលាល្អបំផុតសំរាប់ការវិនិយោគ ព្រោះបច្ចុប្បន្នមានលក្ខខ័ណ្ឌពិសេសៗជាច្រើន ដែលអ្នកវិនិយោគអាចទទួលបានផលចំណេញ។

លោកAlan Neoអគ្គនាយកក្រុមហ៊ុនCSA Real Estate Groupបានមានប្រសា​សន៍ឲ្យដឹងថា ការទិញខុនដូកំឡុងពេលនេះ អ្នកវិនិយោគនឹងទទួលបានផលចំណេញច្រើនដូចជា ទី១ ទទួលបានគំរោងដែលមានគុណភាព និងភាពប្រាកដប្រជា ដែលមានន័យថា គំរោងដែលកំពុងដំណើរការគឺជាគំរោងល្អ ព្រោះពួកគេមិនជាប់គាំង ក្នុងកំឡុងវិបត្តិសេដ្ឋកិច្ច ទី២ ទទួលបានការបញ្ចុះតម្លៃពិសេស ដែលមានការបញ្ចុះតម្លៃចាប់ពី២០ទៅ៣០ភាគរយ ទី៣ ទទួលបានជម្រើសច្រើនសំរាប់គំរោងដែលកំពុងដំណើរការ មានន័យថាអតិថិជនអាចជ្រើសរើសគំរោងបានច្រើន។

ទី៤ ពួកគេអាចចចារជាមួយម្ចាស់គំរោង ជាមួយលក្ខខ័ណ្ឌបង់ប្រាក់កាន់តែពិសេ​ស ដោយសារម្ចាស់ខុនដូឬអ្នកអភិវឌ្ឍន៍និមួយៗ តែងតែផ្តល់នូវលក្ខខ័ណ្ឌបង់ប្រាក់កាន់តែមានភាពបត់បែន។

លោកAlan Neoបានបន្តថា ជាមួយនឹងជំនាញដែលយើងបាន និងកំពុងបណ្តុះបណ្តាលបុគ្គលិក និងថ្នាក់ដឹកនាំរបស់យើង យើងបាននិងកំពុងផ្តល់សេវាកម្មយ៉ាងពិសេស​ដល់អតិថិជន ជាមួយនឹងលក្ខខ័ណ្ឌពិសេស តាមរយៈការចចារបញ្ចុះតម្លៃពិសេសជូនអតិថិជន។ ហេតុនេះ អតិថិជនឬអ្នកវិនិយោគចង់បានគំរោងខុនដូល្អ មានតម្លៃសមរម្យ ផ្តល់លក្ខខ័ណ្ឌបង់ប្រាក់ពិសេស និងបញ្ចុះតម្លៃកាន់តែច្រើន សូមទាក់ទងមកកាន់ភ្នាក់ងាររបស់CSA Real Estate Group។

ជាមួយគ្នានេះទីប្រឹក្សាសមាគមអចលនទ្រព្យសកល លោកយិន លាងគង់បានថ្លែងថា វាជាជម្រើសដ៏ឆ្លាតវៃសំរាប់អតិថិជន ឬអ្នកវិនិយោគសម្រេចចិត្តទិញខុនដូនិងអចលនទ្រព្យនានានៅក្នុងកំឡុងពេលនេះ ដោយសារវិបត្តិសេដ្ឋកិច្ចបានធ្វើឲ្យគំរោងជាច្រើនបានលក់បញ្ចុះតម្លៃពិសេស ពិសេសអ្នកវិនិយោគក៏មិនប្រឈមមុខ នឹងហានិភ័យ ដោយសារពួកគេមើលឃើញថា គំរោងដែលពួកគេទិញជាគំរោងដែលមានមូលដ្ឋានហិរញ្ញវត្ថុរ៉ឹងមាំ ដោយមិនជាប់គាំងឬមានបញ្ហាកំឡុងពេលនេះ។

លោកបន្តថា“គម្រោងដែលមានហិរញ្ញវត្ថុរ៉ឹងមាំ គឺបង្ហាញក្នុងពេលមានវិបត្តតិសេដ្ឋកិច្ចបែបនេះ ព្រោះពួកគេមិនពន្យាពេលសាងសង់ឬជាប់គាំង ប៉ុន្តែគម្រោងដែលរង់ចាំលុយពីអ្នកវិនិយោគយកទៅសាងសង់ គឺនឹងមានបញ្ហានៅពេលមានវិបត្តិសេដ្ឋកិច្ចបែបនេះ”។លោកបន្តថា “អ្នកវិនិយោគនឹងទទួលបានផលចំណេញ ពីការបញ្ចុះតម្លៃក្នុងអន្តរកាលនេះ ដោយសារពេលស្ថានភាពសេដ្ឋកិច្ចល្អប្រសើរ គំរោងនានានឹងឡើងថ្លៃ ហើយ​មិនបញ្ចុះតម្លៃច្រើននោះទេ”៕