អ្នកជំនាញអន្តរជាតិមួយរូបបង្ហាញសុទិដ្ឋិនិយមចំពោះកំណើនសេដ្ឋកិច្ចរបស់កម្ពុជានៅឆ្នាំ២០២៥

December 30, 2024

ដោយ: គង់ លាងហួរ
ភ្នំពេញ: ប្រទេសកម្ពុជាបានត្រៀមខ្លួនក្លាយជាតួអង្គសេដ្ឋកិច្ចដ៏សំខាន់មួយនៅតំបន់អាស៊ាន ខណៈផលទុនជាតិសរុបរបស់កម្ពុជាត្រូវបានព្យាករណ៍ថា នឹងកើនឡើងដល់ចំនួន៣៣ពាន់លានដុល្លារក្នុងឆ្នាំ២០២៥ បើធៀបនឹងចំនួន៣០,៥ពាន់លានដុល្លារក្នុងឆ្នាំ២០២៤។

ទោះជាយ៉ាងណាក្តី ការសម្រេចបាននូវភាពជោគជ័យផ្នែកសេដ្ឋកិច្ចប្រកបដោយនិរន្តរភាព នឹងតម្រូវឱ្យមានយុទ្ធសាស្ត្រច្បាស់លាស់ កិច្ចសហការពហុវិស័យ និងការដឹកនាំប្រកបដោយចក្ខុវិស័យ។

លោកបណ្ឌិត Alexander Evengroen អ្នកយុទ្ធសាស្រ្តអាជីវកម្មអន្តរជាតិ និងជាប្រធានក្រុមហ៊ុន Evengroen Solution Group Co., Ltd. បានលើកឡើងថា វិស័យអចលនទ្រព្យជាវិស័យមួយ ដែលមានឥទ្ធិពលបំផុតនៅក្នុងកំណើនសេដ្ឋកិច្ចរបស់កម្ពុជា។

លោកបណ្ឌិតបន្តថា រដ្ឋាភិបាលកម្ពុជាបានផ្តល់អាទិភាពដល់ការធ្វើនគរូបនីយកម្ម រួមទាំងគំនិតផ្តួចផ្តើមលំនៅដ្ឋានតម្លៃសមរម្យ ដើម្បីកែលម្អជីវភាពរស់នៅរបស់គ្រួសារដែលមានប្រាក់ចំណូលទាប និងមធ្យម។កិច្ចខិតខំប្រឹងប្រែងទាំងនេះក៏បង្កើតឱកាសការងារ និងជំរុញឧស្សាហកម្មពាក់ព័ន្ធផ្សេងៗទៀតផងដែរ។

លោកបណ្ឌិតបានសង្កត់ធ្ងន់ថា ការអភិវឌ្ឍន៍ដែលមិនប៉ះពាល់ដល់បរិស្ថាន មិនត្រឹមតែទាក់ទាញបណ្តាវិនិយោគិនអន្តរជាតិប៉ុណ្ណោះទេ ប៉ុន្តែថែមទាំងដើរស្របតាមនិន្នាការនៃនិរន្តរភាពរបស់ពិភពលោកផងដែរ។

អ្នកជំនាញរូបនេះក៏បានលើកឡើងផងដែរអំពីសក្តានុពលរបស់ទីក្រុងនានា ដូចជាសៀមរាប បាត់ដំបង និងក្រុងព្រះសីហនុ សម្រាប់លំហូរវិនិយោគផ្ទាល់ពីបរទេស (FDI) នៅក្នុងសួនឧស្សាហកម្ម តំបន់ពាណិជ្ជកម្ម និងសហគមន៍លំនៅដ្ឋាន។

ដោយឡែក វិស័យកសិកម្មនៅតែជាឆ្អឹងខ្នងនៃសេដ្ឋកិច្ចរបស់កម្ពុជា ខណៈរដ្ឋាភិបាលកម្ពុជាបានផ្តល់អាទិភាពដល់ការធ្វើទំនើបកម្មវិស័យកសិកម្ម តាមរយៈការប្រើប្រាស់បច្ចេកវិទ្យាដូចជា ដ្រូន ឧបករណ៍ IoT និងបញ្ញាសិប្បនិម្មិត (AI) ដើម្បីបង្កើនផលិតភាព និងគុណភាពដំណាំ។

រីឯ វិស័យកាត់ដេរ និងផលិតកម្មជាមូលដ្ឋានគ្រឹះនៃការនាំចេញរបស់កម្ពុជា និងរួមចំណែកយ៉ាងសំខាន់ដល់កំណើន GDP របស់ប្រទេសមួយនេះ ដោយក្នុងនោះ រដ្ឋាភិបាលបានដាក់ចេញនូវគោលនយោបាយនានាដើម្បីលើកទឹកចិត្តដល់ការធ្វើពិពិធកម្មទៅរកការផលិតទំនិញដែលមានតម្លៃបន្ថែមខ្ពស់។

ចំណែក វិស័យទេសចរណ៍បានរួមចំណែកចំនួនជាង១២,១% នៃផលទុនជាតិសរុបរបស់កម្ពុជានៅក្នុងឆ្នាំ២០២៣ ហើយវិស័យនេះនៅតែជាកត្តាជំរុញដ៏សំខាន់នៃកំណើនសេដ្ឋកិច្ច។

បច្ចេកវិទ្យាជាមូលដ្ឋានគ្រឹះនៃការរីកចម្រើននាពេលអនាគតរបស់កម្ពុជា។ តួយ៉ាង រដ្ឋាភិបាលបានអនុវត្តន៍យ៉ាងសកម្មនូវក្របខ័ណ្ឌគោលនយោបាយសេដ្ឋកិច្ច និងសង្គមឌីជីថលឆ្នាំ២០២១-២០៣៥ ដើម្បីពន្លឿននវានុវត្តន៍បច្ចេកវិទ្យា។

ជាមួយគ្នានេះ កម្លាំងពលកម្មជំនាញជាកត្តាចាំបាច់ដើម្បីជំរុញកំណើនសេដ្ឋកិច្ចប្រកបដោយចីរភាព។ ក្នុងនោះ រដ្ឋាភិបាលបានផ្ដល់អាទិភាពលើការអប់រំជំនាញបច្ចេកទេស និងវិជ្ជាជីវៈ ដើម្បីបំពាក់ប្រជាជនកម្ពុជានូវជំនាញស្របតាមតម្រូវការក្នុងឧស្សាហកម្មនាពេលបច្ចុប្បន្ន។

ដើម្បីសម្រេចបាននូវកំណើនសេដ្ឋកិច្ចប្រកបដោយសក្តានុពលនៅឆ្នាំ២០២៥ កម្ពុជាគួរតែដាក់ចេញនូវយុទ្ធសាស្ត្រប្រទាក់ក្រឡាដូចខាងក្រោម៖

ទី១: ភាពជាដៃគូសាធារណៈ និងឯកជន (PPPs)៖ ការចែករំលែកការទទួលខុសត្រូវផ្នែកហិរញ្ញវត្ថុ និងប្រតិបត្តិការរវាងរដ្ឋាភិបាល និងសហគ្រាសឯកជន។

ទី២: ការលើកទឹកចិត្តដល់ការវិនិយោគបរទេស៖ រដ្ឋាភិបាលត្រូវសម្រួលបទប្បញ្ញត្តិឱ្យមានភាពសាមញ្ញ និងការលើកទឹកចិត្តផ្នែកពន្ធដើម្បីទាក់ទាញបណ្តាក្រុមហ៊ុនពហុជាតិសាសន៍។

ទី៣: យុទ្ធនាការផ្សព្វផ្សាយជាសកល៖ ការលើកកម្ពស់ប្រទេសកម្ពុជាក្នុងនាមជាមជ្ឈមណ្ឌលវិនិយោគ ទេសចរណ៍ និងការបង្កើតថ្មី។

និងទី៤: ស្ថិរភាពគោលនយោបាយ៖ ធានាស្ថិរភាពនយោបាយ និងសេដ្ឋកិច្ច ដើម្បីបង្កើនទំនុកចិត្តរបស់ក្រុមវិនិយោគិន។

លោកបណ្ឌិត Alexander Evengroen ជឿជាក់យ៉ាងមុតមាំថា ក្រោមការដឹកនាំរបស់រាជរដ្ឋាភិបាលកម្ពុជាអាណត្តិទី៧នេះ កម្ពុជាកំពុងកំណត់ផ្លូវឆ្ពោះទៅរកឧត្តមភាពផ្នែកសេដ្ឋកិច្ច។

លោកបណ្ឌិតអះអាងបន្ថែមថា “កម្ពុជាមិនត្រឹមតែជាប្រទេសដ៏មានសក្តានុពលប៉ុណ្ណោះទេ តែកម្ពុជាក៏ជាប្រទេសមួយដែលមានភាពរីកចម្រើនផងដែរ។ ពិភពលោកនឹងទទួលស្គាល់ប្រទេសកម្ពុជានៅក្នុងពេលឆាប់ៗនេះថា ជាប្រទេសមានការច្នៃប្រឌិត ភាពធន់ និងឱកាស”៕ប្រភព: LinkedIn៕

ហេតុអ្វីទីផ្សារការិយាល័យនៅទីក្រុងហ្សាការតា នៅតែឈរជាគោលដៅវិនិយោគប្រកបដោយសុវត្ថិភាព?

December 30, 2024

ដោយ: គង់ លាងហួរ
អន្តរជាតិ: ទីផ្សារការិយាល័យនៅទីក្រុងហ្សាការតារបស់ប្រទេសឥណ្ឌូនេស៊ីនៅតែបន្តមានភាពលេចធ្លោជាគោលដៅវិនិយោគដ៏ទាក់ទាញ បើទោះបីជាសេដ្ឋកិច្ចរបស់ពិភពលោកបច្ចុប្បន្នកំពុងប្រឈមមុខនឹងបញ្ហាជាច្រើនយ៉ាងណាក្តី។

ទីតាំងជាយុទ្ធសាស្ត្ររបស់ទីក្រុងហ្សាការតា គួបផ្សំនឹងកំណើននៃតម្រូវការការិយាល័យបានប្រែក្លាយទីផ្សារអចលនទ្រព្យពាណិជ្ជកម្មរបស់ឥណ្ឌូនេសុីទៅជាគោលដៅសម្រាប់អ្នកវិនិយោគដែលកំពុងស្វែងរកផលចំណេញត្រឡប់មកវិញរយៈពេលវែង។

ទីក្រុងហ្សាការតាដើរតួជាមជ្ឈមណ្ឌលនយោបាយ សេដ្ឋកិច្ច និងធុរកិច្ចរបស់ឥណ្ឌូនេស៊ី ដែលជាប្រទេសមានសេដ្ឋកិច្ចធំជាងគេនៅតំបន់អាស៊ាន។ ស្របពេលកំណើនសេដ្ឋកិច្ចរបស់ប្រទេសនេះត្រូវបានព្យាករណ៍ថា នឹងបន្តមានភាពធន់ ដោយសារការប្រើប្រាស់ក្នុងស្រុក និងការវិនិយោគលើហេដ្ឋារចនាសម្ព័ន្ធ។

ជាងនេះទៅទៀត ខណៈបណ្តាក្រុមហ៊ុនចម្រុះជាតិសាសន៍កាន់តែច្រើនបោះទុនវិនិយោគទៅក្នុងទីផ្សារដ៏ធំរបស់ប្រទេសឥណ្ឌូនេស៊ី តម្រូវការការិយាល័យនៅក្នុងទីក្រុងហ្សាកាតានឹងបន្តកើនឡើង ជាពិសេសនៅក្នុងតំបន់ពាណិជ្ជកម្មកណ្តាល (CBD)។

ទីក្រុងហ្សាការតាក៏ជាឱកាសដ៏ពិសេសមួយសម្រាប់បណ្តាវិនិយោគិនអន្តរជាតិ ដែលព្យាយាមធ្វើពិពិធកម្មផលប័ត្ររបស់ខ្លួន។

បន្ថែមលើនេះ ក្រុមវិនិយោគិនបរទេសអាចជួលការិយាល័យនៅទីក្រុងហ្សាការតាក្នុងតម្លៃប្រកបដោយភាពប្រកួតប្រជែងបើធៀបនឹងទីក្រុងនៅតាមបណ្តាប្រទេសជិតខាងផ្សេងទៀត។ ដូច្នេះ អ្នកវិនិយោគអាចទទួលបានអត្ថប្រយោជន៍ពីការហក់ឡើងនៃតម្លៃការិយាល័យនាពេលអនាគត។

ទីផ្សារការិយាល័យរបស់ទីក្រុងហ្សាការតាបានជួបប្រទះនូវការផ្គត់ផ្គង់លើសតម្រូវការក្នុងរយៈពេលប៉ុន្មានឆ្នាំថ្មីៗនេះ ខណៈអគារការិយាល័យថ្មីៗជាច្រើនត្រូវបានដាក់ឱ្យដំណើរការ។

ការណ៍នេះបាននាំឱ្យអ្នកជួលមានប្រៀបនៅក្នុងទីផ្សារ ហើយម្ចាស់អគារការិយាល័យអាចដាក់ចេញនូវលក្ខខណ្ឌជួល ដែលមានភាពអំណោយផលជាងមុន។ នេះជាឱកាសដ៏ល្អសម្រាប់វិនិយោគិន ដែលមានទស្សនៈវិស័យរយៈពេលវែង។

លើសពីនេះ ខណៈដែលបុគ្គលិករបស់បណ្តាក្រុមហ៊ុនជាច្រើនបានវិលត្រឡប់មកធ្វើការក្នុងការិយាល័យវិញ ការណ៍នេះបានជំរុញឱ្យមានតម្រូវការពង្រីកការិយាល័យឱ្យធំជាងមុនដើម្បីអាចផ្ទុកបុគ្គលិកបានកាន់តែច្រើន៕ប្រភព: LinkedIn៕

Lifting Cambodia’s Economy in 2025. A Vision of Prosperity and Innovation

December 30, 2024

Cambodia stands at a critical juncture, poised to solidify its position as a key economic player in Southeast Asia. With a projected GDP of $33 billion in 2025, following an estimated $30.5 billion in 2024, the Kingdom is showing steady growth despite global challenges. However, achieving sustainable economic success will require bold strategies, multi-sectoral collaboration, and visionary leadership.

Under the strong leadership of Prime Minister Hun Manet and the Cambodian government, the nation is making remarkable strides toward economic transformation. Through strategic reforms, policy stability, and a focus on key growth sectors, the government has laid the foundation for sustainable development.

To ensure a prosperous 2025, Cambodia must focus on a multi-pronged approach that revitalizes its core industries while introducing modern solutions to propel the economy forward.

Real Estate: Affordable and Sustainable Solutions.

Real estate is one of the most impactful sectors in Cambodia’s economic growth. Prime Minister Hun Manet’s government has prioritized urbanization efforts, including affordable housing initiatives to improve the living conditions of low- and middle-income families. These efforts also generate employment and stimulate related industries.

Agriculture: Modernization for Greater Yields.

Agriculture remains the backbone of Cambodia’s economy, employing nearly 30% of its population. Through Prime Minister Hun Manet’s commitment to rural development, the government has prioritized modernization, introducing technologies like drones, IoT devices, and AI to enhance productivity and crop quality.

Garment and Manufacturing: Diversification and Growth.

The garment and manufacturing sector is a cornerstone of Cambodia’s export economy, contributing significantly to GDP. Recognizing its potential, the Cambodian government, under the guidance of Prime Minister Hun Manet, has introduced policies to encourage diversification of production into higher-value goods such as sportswear, outerwear, and tech-integrated fabrics.

Tourism: Rediscovering Cambodia’s Beauty.

Tourism contributed over 12.1% of GDP in 2023 and remains a key driver of economic growth. The government’s efforts to restore and promote cultural and eco-tourism have already begun to bear fruit. Prime Minister Hun Manet has championed infrastructure upgrades to improve accessibility to iconic destinations like Angkor Wat, Preah Vihear, and the eco-tourism hubs of Mondulkiri and Ratanakiri.

Technology: Driving the Digital Economy.

Technology is a cornerstone of Cambodia’s future growth. Under the guidance of Prime Minister Hun Manet, the government has actively implemented the Digital Economy and Society Policy Framework (2021–2035) to accelerate tech-driven innovation.

Workforce Development: Equipping the Nation for Success.
A skilled workforce is essential for sustained economic growth. Prime Minister Hun Manet’s administration has prioritized technical and vocational education, equipping Cambodians with skills aligned with industry needs, such as advanced manufacturing and digital literacy.

Implementation Strategies and Policy Focus.
Realizing Cambodia’s economic potential in 2025 requires cohesive strategies:

Public-Private Partnerships (PPPs): Sharing financial and operational responsibilities between the government and private enterprises.

Foreign Investment Incentives: Simplified regulations and tax benefits to attract multinational companies.

Global Branding Campaigns: Promoting Cambodia as an investment, tourism, and innovation hub.

Policy Stability: Ensuring political and economic stability to boost investor confidence.

Source: LinkedIn

តម្លៃផ្ទះជួលនៅក្នុងប្រទេសចិនធ្លាក់ចុះដល់កម្រិតទាបបំផុតក្នុងរយៈពេល៤ឆ្នាំ

December 30, 2024

ដោយ: គង់ លាងហួរ
ប៉េកាំង: តម្លៃផ្ទះជួលជាមធ្យមនៅក្នុងទីក្រុងនានារបស់ប្រទេសចិនបានធ្លាក់ចុះដល់កម្រិតទាបបំផុតក្នុងរយៈពេល៤ឆ្នាំកាលពីខែវិច្ឆិកា ដោយសារតែការផ្គត់ផ្គង់លើសតម្រូវការ និងការធ្លាក់ចុះនៅក្នុងទីផ្សារការងារ។

តម្លៃផ្ទះជួលទំហំ១០០ម៉ែត្រការ៉េជាមធ្យមនៅក្នុងទីក្រុងធំៗចំនួន១០០ របស់ប្រទេសចិនបានធ្លាក់ចុះមកនៅត្រឹមចំនួន២.៦៣៦យ័ន (ប្រហែល៣៦១ដុល្លារ)ក្នុងខែវិច្ឆិកា ឆ្នាំ២០២៤។ តម្លៃនេះជាចំនួនទាបបំផុតចាប់តាំងពីខែវិច្ឆិកា ឆ្នាំ២០២០។

ការធ្លាក់ចុះនេះសរបង្ហាញឱ្យឃើញពីភាពដុនដាបនៃវិស័យអចលនទ្រព្យក្នុងប្រទេសចិន និងជាបញ្ហាចាក់ឫសយ៉ាងជ្រៅនៅក្នុងប្រទេសមហាអំណាចសេដ្ឋកិច្ចធំបំផុតទីពីររបស់ពិភពលោក។

ការផ្គត់ផ្គង់លំនៅដ្ឋានលើសតម្រូវការបានជះផលប៉ះពាល់យ៉ាងខ្លាំងលើទីផ្សារអចលនទ្រព្យចិន។ ជាក់ស្ដែង មានករណីក្រុមហ៊ុនអភិវឌ្ឍន៍មួយបានសាងសង់ផ្ទះយ៉ាងច្រើនលើសលប់នៅទីក្រុង Qidong ក្នុងខេត្ត Jiangsu ចំនួនជាង៤០.០០០យូនីត។

ជាមួយគ្នានេះ ការធ្លាក់ចុះនៃសេដ្ឋកិច្ចចិនក៏បានធ្វើឱ្យទីផ្សារការងារក្នុងស្រុកជួបប្រទះនឹងបញ្ហាផងដែរ ជាពិសេសអត្រាអ្នកអត់ការងារធ្វើបានជះផលប៉ះពាល់ដល់យុវជន និងកាត់បន្ថយតម្រូវការជួល។

ចំណែក ក្រុមវិនិយោគិន ដែលបានទិញអចលនទ្រព្យសម្រាប់ទុកជាការវិនិយោគឥឡូវនេះ ពួកគេក៏កំពុងប្រឈមមុខនឹងទីផ្សារដ៏លំបាកផងដែរ។

វិនិយោគជាច្រើនបានសម្រេចចិត្តជួលផ្ទះដែលពួកគេបានទិញទៅឱ្យអ្នកដទៃក្នុងតម្លៃទាបដើម្បីទទួលបានដើមទុនត្រឡប់មកវិញ ដែលជំរុញឱ្យតម្លៃធ្លាក់ចុះ។ ដោយឡែក វិនិយោគិនមួយចំនួនទៀតបានលក់ផ្ទះចេញ ក្នុងតម្លៃខាតបង់អស់ពាក់កណ្តាលនៃតម្លៃ ដែលពួកគេបានទិញដំបូង។

ជាឧទាហរណ៍ ផ្ទះ ដែលពីមុនធ្លាប់មានតម្លៃ៤០០.០០០យ័ន(ប្រហែល៥៤.៨០១ដុល្លារ) តែពេលនេះត្រូវបានលក់ចេញក្នុងតម្លៃត្រឹមតែ២០០.០០០យ័នប៉ុណ្ណោះ(ប្រហែល២៧.៤០១ដុល្លារ)។

ដើម្បីស្តារនូវស្ថានការណ៍នេះ រដ្ឋាភិបាលចិនបានអនុវត្តន៍វិធានការផ្សេងៗដើម្បីរក្សាស្ថិរភាពទីផ្សារ។ប៉ុន្តែ ទោះជាយ៉ាងណាក្តី ប្រសិទ្ធភាពនៃការធ្វើអន្តរាគមន៍ទាំងនោះហាក់នៅមានកម្រិតនៅឡើយ។

គោលនយោបាយទាំងនេះ រួមមានការបោះទុនចំនួន៣០០ពាន់លានយ័ន (ប្រហែល៤១,១ពាន់លានដុល្លារ) ដើម្បីគាំទ្រការទិញលំនៅដ្ឋានដែលលក់មិនទាន់ដាច់ និងគោលនយោបាយលើកកម្ពស់សិទ្ធិស្មើគ្នាសម្រាប់អ្នកជួល និងម្ចាស់ផ្ទះ៕ប្រភព: Nikkei Asia៕

តម្លៃហាងឆេងមាសបានងើបឡើងថ្លៃនៅថ្ងៃច័ន្ទនេះ

December 30, 2024

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃនៅព្រឹកថ្ងៃច័ន្ទនេះ ក្រោយពីការស្ទង់មតិរបស់ក្រុមប្រឹក្សាមាសពិភពលោក(WGC) បានបង្ហាញថា ចំនួន៨១ភាគរយនៃអ្នកឆ្លើយសំណួររំពឹងថា ធនាគារកណ្តាលនានានឹងបង្កើនទុនបម្រុងមាសរបស់ខ្លួននៅក្នុងឆ្នាំ២០២៥ខាងមុខនេះ។

តួយ៉ាង តម្លៃមាស Spot Gold បានងើបឡើង០,២៦ភាគរយដល់២៦២៦,៨២ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៣ភាគរយដល់២៦៣៩,៧០ដុល្ល្លារក្នុងមួយអោនគិតត្រឹមម៉ោង១០:៣៥នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៨៨,៨ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់ឱ្យនៅថេរក្នុងកិច្ចប្រជុំកំណត់គោលនយោបាយរបស់ខ្លួននៅថ្ងៃទី២៩ ខែមករា ឆ្នាំ២០២៥ខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃបន្តិចដល់១០៨,០២ពិន្ទុនៅព្រឹកថ្ងៃច័ន្ទនេះ បន្ទាប់ពីបានបិទការជួញដូរក្នុងរង្វង់១០៨ពិន្ទុកាលពីថ្ងៃសុក្រសប្តាហ៍មុន។

ចំណែក តម្លៃលោហៈធាតុប្រាក់ Spot silver បានងើបឡើង០,០៧ភាគរយដល់២៩,៩៩ដុល្លារក្នុងមួយអោន ខណៈតម្លៃផ្លាទីនបានងើបឡើង០,២២ភាគរយដល់៩៣៧,៥ដុល្លារក្នុងមួយអោន ហើយតម្លៃ palladium បានងើបឡើង០,៣៧ភាគរយដល់៩១៥ដុល្លារក្នុងមួយអោនគិតត្រឹមម៉ោង១០:៣៧នាទីព្រឹក៕

ក្រសួងកំពុងរៀបចំផែនីបង្ហាញផ្លូវដើម្បីប្រើប្រាស់ដីនៅបឹងទន្លេសាបប្រកបដោយសក្តានុពលសេដ្ឋកិច្ច

December 30, 2024

ដោយៈ គង់ សូរិយា

ភ្នំពេញៈ កាលពីសប្តាហ៍មុន លោកឧបនាយករដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់បានបើកកិច្ចប្រជុំ ពិភាក្សាអំពីការធ្វើផែនទីបង្ហាញផ្លូវ ដើម្បីគ្រប់គ្រងការប្រើប្រាស់ដីក្នុងតំបន់បឹងទន្លេសាប ប្រកបដោយសក្តានុពលសេដ្ឋកិច្ចខ្ពស់ ហើយឈានទៅអភិរក្សផ្ទៃបឹងសម្រាប់កូនចៅជំនាន់ក្រោយ។

យោងតាមព័តមានដែលបានចុះផ្សាយនៅទំព័រហ្វេសបុករបស់ក្រសួងបានឲ្យដឹងថា ដោយសារការចុះបញ្ជីតំបន់បឹងទន្លេសាបនឹងត្រូវបញ្ចប់នាពេលខាងមុខ ក្រសួងទាំងពីរ បានឯកភាពលើការពិនិត្យ ផែនទីបង្ហាញផ្លូវនេះរួមគ្នា ហើយនឹងបន្តរៀបចំផែនការប្រើប្រាស់ដីតំបន់បឹងទន្លេសាប ឱ្យបានសមស្របប្រកបដោយ ប្រសិទ្ធភាពខ្ពស់បំផុត ដើម្បីបង្កើតឱកាសការងារ សំដៅលើកកម្ពស់ជីវភាពរស់នៅរបស់ប្រជាពលរដ្ឋ និងលុបបំបាត់អាណាធិបតេយ្យភាពនៅក្នុងតំបន់។

កិច្ចប្រជុំជីវភាពនេះធ្វើឡើង រវាងក្រសួងរៀបចំដែនដី នគរូបនីយកម្ម និងសំណង់ និងក្រសួងធនធានទឹក និងឧតុនិយម៕

រដ្ឋាភិបាលសាងសង់ផ្លូវក្រវ៉ាត់ព្រំដែនប្រវែង២៥០គីឡូម៉ែត្រដើម្បីជម្រុញកំណើនសេដ្ឋកិច្ច និងការពារដែនអធិបតេយ្យជាតិ

December 30, 2024

ដោយៈ គង់ សូរិយា

ភ្នំពេញៈ

រដ្ឋាភិបាលកម្ពុជាបានអះអាងសារជាថ្មី នូវការប្តេជ្ញាចិត្តរបស់ខ្លួន ក្នុងការបញ្ចប់ការកសាងផ្លូវក្រវាតត់ព្រំដែនប្រវែង២៥០ គីឡូម៉ែត្រ ជាគម្រោងហេដ្ឋារចនាសម្ព័ន្ធយុទ្ធសាស្ត្រ ក្នុងគោលបំណងពង្រឹងបូរណភាពទឹកដី និងជំរុញការអភិវឌ្ឍន៍ក្នុងតំបន់។

គំនិតផ្តួចផ្តើមនេះ ទទួលថវិកាពីមូលនិធិកសាងហេដ្ឋារចនាសម្ព័ន្ធតាមព្រំដែន(ក.គ.ម.) ឆ្លុះបញ្ចាំងពីការយកចិត្តទុកដាក់របស់រដ្ឋាភិបាល ក្នុងការការពារអធិបតេយ្យភាពជាតិ និងបង្កើតឱកាសសម្រាប់កំណើនសេដ្ឋកិច្ច នៅក្នុងតំបន់ព្រំដែនដាច់ស្រយាល។

លោកប៉ែន បូណា អ្នកនាំពាក្យរាជរដ្ឋាភិបាល បានថ្លែងថា សម្ដេចធិបតីលោកបានបញ្ជាក់ច្បាស់ហើយថា រាជរដ្ឋាភិបាលមានឆន្ទះមុះមាត់ និងផែនការច្បាស់លាស់ក្នុងការកសាងផ្លូវក្រវាត់ព្រំដែនឱ្យបានរួចរាល់ ចប់សព្វគ្រប់បន្ដពីសម្ដេចតេជោ ហ៊ុន សែន ពីព្រោះផ្លូវក្រវាត់ព្រំដែននេះមានសារសំខាន់ណាស់។

លោកបញ្ជាក់ថា “នៅពេលយើងបោះបង្គោលព្រំដែនហើយ បើសិនយើងមិនកសាងផ្លូវទេ ប្រជាពលរដ្ឋយើងអត់បានឃើញបង្គោលព្រំដែន បន្ទាត់ព្រំដែនយើងទេ ពីព្រោះ វានៅក្នុងព្រៃជ្រៅ អត់មាននរណាទៅដល់់”។

ផ្លូវក្រវាត់ព្រំដែន គឺជារបងការពារដ៏សំខាន់មួយទៀតសម្រាប់បូរណភាពទឹកដី អធិប្បតេយ្យជាតិកម្ពុជា ដែលមិនមាននរណាអាចរំកិលបាន។ ច្បាស់ណាស់ថា ពេលណាមានផ្លូវ ទីនោះប្រាកដជាមានការអភិវឌ្ឍ។ ប្រជាពលរដ្ឋអាចទៅតាំងទីលំនៅនៅទីនោះ ដែលនឹងមានហេដ្ឋារចនាសម្ព័ន្ធផ្សេងៗទៀត ដូចជា សាលារៀន មន្ទីរពេទ្យ មណ្ឌលសុខភាព ផ្សារ។

លោកប៉ែន បូណាបានថ្លែងថា “វានឹងក្លាយជាតំបន់អភិវឌ្ឍ ពីព្រោះគោលដៅរបស់រាជរដ្ឋាភិបាល គឺកសាងខ្សែបន្ទាត់ព្រំដែនឱ្យទៅជាព្រំដែនសន្ដិភាព មិត្ដភាព សហប្រតិបត្ដិការ និងការអភិវឌ្ឍ”។ លោកបន្ថែមថា “នេះជាយុទ្ធសាស្ដ្រការពារទឹកដី របស់រាជរដ្ឋាភិបាល ដែលដាក់ចេញតាំងពីជំនាន់សម្ដេចតេជោ និងកំពុងតែអភិវឌ្ឍគោលការណ៍នេះបន្ដទៀត”។

ផ្លូវដែលលាតសន្ធឹងជាចម្បង លើខេត្តភាគឦសាននៃខេត្តមណ្ឌលគិរី និងរតនគិរី គ្រោងនឹងបញ្ចប់នៅខែមេសា ឆ្នាំ២០២៧។

លោក គឹម ប៊ុនថាន ប្រធាន (ក.គ.ម.) បានសង្កត់ធ្ងន់លើភាពជោគជ័យដ៏គួរឱ្យកត់សម្គាល់ នៃយុទ្ធនាការរៃអង្គាសប្រាក់ដែលបានប្រមូលថវិកាចំនួនជិត២៧លានដុល្លារ ក្នុងរយៈពេលត្រឹមតែ៦៦ថ្ងៃប៉ុណ្ណោះ ដោយសារការគាំទ្រពីម្ចាស់ជំនួយចំនួនជាង៧២ម៉ឺននាក់។

លោកបានមានប្រសាសន៍ឱ្យដឹង ក្នុងពិធីសម្ពោធគម្រោងកាលពីថ្ងៃទី ១ ខែវិច្ឆិកា ឆ្នាំ២០២៤ ថា វិភាគទានសរុបមានចំនួនជិត៣៣ពាន់លានរៀល និងជិត១៨លានដុល្លារអាមេរិក បង្ហាញពីការគាំទ្រយ៉ាងទូលំទូលាយពីសហគមន៍ក្នុងស្រុក និងអន្តរជាតិ។

នៅក្នុងសេចក្តីប្រកាសព័ត៌មានកាលពីថ្ងៃទី២៧ ខែធ្នូ (ក.គ.ម.) បានគូសបញ្ជាក់ថា ក្រុមការងារចំពោះកិច្ច បានយកចិត្តទុកដាក់អនុវត្តន៍ ការងាររបស់ខ្លួន ប្រកបដោយការទទួលខុសត្រូវ ប្រសិទ្ធភាព តម្លាភាព និងសន្សំសំចៃ។

គណនីធនាគារទាំងអស់ត្រូវបានបិទ ដែលថវិកាមូលនិធិត្រូវបានរក្សាទុកក្នុងគណនីធនាគារ ប្រកបដោយសុវត្ថិភាព និងមានគណនេយ្យភាពត្រឹមត្រូវ។

យោងតាមសេចក្តីប្រកាសព័ត៌មាន របស់ក្រុមការងារចំពោះកិច្ច (ក.គ.ម.) បានឱ្យដឹងថា ប្រព័ន្ធហិរញ្ញវត្ថុដ៏រឹងមាំមួយត្រូវបានបង្កើតឡើងសំដៅ ធានាដល់ការគ្រប់គ្រងថវិកាមូលនិធិឱ្យបានត្រឹមត្រូវ ដែលជាការឆ្លើយតប នឹងសេចក្តីទុកចិត្តដ៏ខ្ពង់ខ្ពស់ពីរាជរដ្ឋាភិបាល និងសមានចិត្តប្រជាពលរដ្ឋ ដែលបានចូលរួមបរិច្ចាគនៅក្នុងមូលនិធិ។

ក្រុមការងារទំនាក់ទំនងសាធារណៈ នៃក្រុមការងារចំពោះកិច្ច (ក.គ.ម.) សហការជាក់ស្តែង នៅការដ្ឋានសាងសង់ និងមូលដ្ឋានពាក់ព័ន្ធ ដើម្បីធានាទទួលបានព័ត៌មានស្តីពីលទ្ធផល និងរូបភាព រួចធ្វើការផ្សព្វផ្សាយជូនសាធារណជនឱ្យបានជ្រាបជាប់ជាប្រចាំ។

ផ្ទៃដីសរុបចំនួនជិត១,៥ម៉ែត្រការ៉េ ត្រូវបានបោសសម្អាតពាក់ព័ន្ធនឹងមីន និងយុទ្ធភណ្ឌមិនទាន់ផ្ទុះ។ ចំនួននេះ រួមមាន ១,២២៥,០០០ ម៉ែត្រការ៉េនៅខេត្តមណ្ឌលគិរី និង ២៣៧,៥០០ ម៉ែត្រការ៉េនៅរតនគិរី ដោយបានរកឃើញអាវុធចំនួន ២៣ ប្រភេទ រួមទាំងគ្រាប់បែកចង្កោមចំនួន៦។

ការឈូសឆាយបើកមុខទទឹង៥ម៉ែត្រ សម្រាប់រកផ្លូវខ្សែដំបូង សម្រេចបានប្រវែង ៥៨,៥គីឡូម៉ែត្រ ធ្វើប្រឡាយ ប្រវែង៣០,២០គីឡូម៉ែត្រ កសាងតួផ្លូវ និងចិតជញ្ជាំងភ្នំ សម្រេចបានប្រវែង២៥គីឡូម៉ែត្រ ក៏ដូចជា ក្រាលល្បាយកម្ទេចថ្មស្ថាពរ សម្រេចបានប្រវែង ១០,២០គីឡូម៉ែត្រ(ខេត្តមណ្ឌលគីរី)។

សេចក្តីប្រកាសព័ត៌មានបានបង្ហាញថា ក្រុមការងារចំពោះ និងកងវិស្វកម្ម ដែលពាក់ព័ន្ធនឹងការស្ថាបនា ផ្លូវក្រវាត់ព្រំដែនមានការប្តេជ្ញាចិត្តយ៉ាងពេញលេញ ក្នុងការផ្តល់នូវគម្រោងជាប្រវត្តិសាស្ត្រនេះ ជាមួយនឹងការទទួលខុសត្រូវ និងការយកចិត្តទុកដាក់ខ្ពស់។

គម្រោងនេះកើតឡើងក្នុងពេលវេលាសំខាន់ សម្រាប់ប្រទេសកម្ពុជា បន្ទាប់ពីការដកខ្លួនចេញ ពីតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV-DTA) នៅខែកញ្ញា ឆ្នាំ ២០២៤។

ការសម្រេចចិត្តនេះ បានបន្សាបការព្រួយបារម្ភជាសាធារណៈលើអធិបតេយ្យភាពជាតិ បានពង្រឹងការយកចិត្តទុកដាក់ របស់រដ្ឋាភិបាលលើការពង្រឹងព្រំដែនរបស់ខ្លួន។

លោកប៉ែន បូណា បានឱ្យដឹងថា ការបិទបញ្ចប់ដំណើរទស្សនកិច្ចកាលពីសប្ដាហ៍មុន ក៏ជាផ្នែកមួយទៀតដែលរដ្ឋាភិបាលចង់ឱ្យប្រជាពលរដ្ឋខ្មែរទៅឃើញជាក់ស្ដែង ជាសាក្សីនៃកិច្ចខិតខំប្រឹងប្រែងការពារអធិប្បតេយ្យភាពជាតិ និងបូរណភាពកម្ពុជា។

យោងតាមសេចក្តីប្រកាសព័ត៌មានរបស់ក្រសួងព័ត៌មាន ដំណើរទស្សនកិច្ចទិសឦសាន ត្រូវបានបិទបញ្ចប់ដោយមានសាធារណជន រួមមានព្រះសង្ឃ មន្ត្រីរាជការ និស្សិត បញ្ញវន្ត និងពលរដ្ឋទូទៅ ២៤០០ អង្គ/នាក់បានទៅទស្សនាតំបន់ព្រំដែន ជាមួយដំណើរចំនួន ១១ លើក លើតម្រាយផ្លូវចំនួន៣ ខ្សែក្នុងទិសដៅខេត្ត ត្បូងឃ្មុំ ក្រចេះ ស្ទឹងត្រែង រតនគិរី និងមណ្ឌលគិរី។

ទស្សនកិច្ចដោយឥតគិតថ្លៃ ដែលអនុញ្ញាតឱ្យប្រជាពលរដ្ឋខ្មែរបានឃើញផ្ទាល់ភ្នែក នូវការអភិវឌ្ឍជាក់ស្តែងនៅតាមបណ្តោយព្រំដែន ការកសាងហេដ្ឋារចនាសម្ព័ន្ធតាមព្រំដែន បានចាប់ផ្តើម ពីថ្ងៃទី៧ ខែកញ្ញា ឆ្នាំ២០២៤ បានបិទបញ្ចប់ ប្រកបដោយជោគជ័យនៅថ្ងៃទី ២២ ខែធ្នូ ឆ្នាំ២០២៤។

សេចក្តីប្រកាសព័ត៌មានបានបង្ហាញថា “សាធារណជនពីគ្រប់មជ្ឈដ្ឋានបានអស់មន្ទិលសង្ស័យ និងអស់នូវការព្រួយបារម្ភលើបញ្ហាបូរណភាពដែនដី និងអធិបតេយ្យភាពជាតិ ក្រោយបានចូលរួមក្នុងដំណើរទស្សនកិច្ចទិសឦសាន”៕

លោកឧកញ៉ាបណ្ឌិតគីម ហ៊ាងប្រាប់អ្នកចង់ប្រឡូកអភិវឌ្ឍន៍លំនៅដ្ឋានថ្មីៗគួរគិតឲ្យបាន២០ដងសិនមុនសម្រេចចិត្ត

December 30, 2024

ដោយៈ ស៊ីវ ម៉េង

ភ្នំពេញៈ លោកឧកញ៉ាបណ្ឌិតគីម ហ៊ាង ដែលបានចាប់ផ្តើមពីភ្នាក់ងារអចលនទ្រព្យធម្មតា រហូតក្លាយជាអ្នកអភិវឌ្ឈន៍លេចធ្លោមួយរូបបានលើកឡើងថា សម្រាប់អ្នកចង់ប្រឡូកសាងសង់បុរីសំរាប់លក់ថ្មីៗ ដែលគ្មានបទពិសោធន៍សោះ សូមគិតឲ្យបានពី១០ទៅ២០ដងសិន មុនសម្រេចចិត្ត។

លោកឧកញ៉ាបានមានប្រសាសន៍ឲ្យដឹង កាលពីសប្តាហ៍មុនថា សម្រាប់ឆ្នាំ២០២៥ វាជាពេលដែលអ្នកអភិវឌ្ឈន៍បុរីធំៗ អាចចាប់ផ្តើមសាងសង់ឬបន្តសាងសង់ គំរោងរបស់ពួកគេជាប់គាំងកន្លងមក ហេតុនេះអ្នកមិនទាន់មានបទពិសោធន៍សូមកុំសម្រេចចិត្តធ្វើអី។

លោកបន្តថា “ការនិយាយបែបនេះ មិនមែនជាការបន្ទុចបង្អាក់នោះទេ តែជាការលើកឡោះងសម្រាប់ពិចារណា ព្រោះទីផ្សារនេះត្រូវការអ្នកមានបទពិសោធន៍”។ លោកបន្ថែមថា “បើសិនជាអ្នកចង់ប្រឡូកថ្មី ចង់ធ្វើបុរីឬខុនដូលក់ សូមសិក្សាពីការកាត់ចំណែកទីផ្សារ និងសិក្សាឲ្យបានលំអិតថា តើមានអតិថិជនគោលដៅនៅក្នុងដៃហើយឬនៅ?”។

យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់បានឲ្យដឹងថា វិបត្តិជំងឺកូវីដ១៩ និងវិបត្តិសេដ្ឋកិច្ចកន្លងមកនេះ មានគំរោងបុរី ដីឡូត៍ ផ្ទះល្វែង ផ្សារ ចំនួនជាង១០០គំរោងដែលបានជាប់គាំង ហើយក្រសួងកំពុងដោះស្រាយបញ្ហានេះ ជាមួយអ្នកអភិវឌ្ឍន៍ និងអតិថិជន។

លោកឧកញ៉ាបណ្ឌិតគីម ហ៊ាងបានបន្តថា ទីផ្សារនេះមិនកើបប្រាក់ចំណេញខ្ពស់នោះទេ ហេតុនេះអ្នកចង់ប្រឡូកក្នុងទីផ្សារនេះថ្មីៗ គួរគិតពិចារណាឲ្យបានគ្រប់ជ្រុងជ្រោយ មុនសម្រេចចិត្តអភិវឌ្ឍន៍គំរោងរបស់ខ្លួន។

រាជរដ្ឋាភិបាល តាមរយៈឧបនាយករដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បានធ្វើការជាមួយអន្តរក្រសួងស្ថាប័ន ជាមួយសមាគមអ្នអភិវឌ្ឍន៍លំនៅដ្ឋាន សមាគមអ្នកសាងសង់ ពិសេសជាមួយធនាគារ ដោយធនាគារពាណិជ្ជនានានឹងបញ្ចុះអត្រាការប្រាក់មកនៅត្រឹម៨ភាគរយ សម្រាប់វិស័យអចលនទ្រព្យ និងបន្ឋូរបន្ថយក្នុងការផ្តល់លក្ខខ័ណ្ឌ សម្រាប់ឥណទានដល់អតិថិជន និងអ្នកអភិវឌ្ឍន៍លំនៅដ្ឋាននានា៕

ដំណឹងល្អៈ កម្ពុជាចិនចាប់ផ្តើមជើងហោះហើរត្រង់ឡើងវិញ ពីទីក្រុងស៊ីអាន

December 30, 2024

ដោយៈ គង់ សូរិយា

ភ្នំពេញៈ កម្ពុជា -ចិន បានចាប់ផ្ដើមបើកជើងហោះហើរឡើងវិញ ពីទីក្រុងស៊ីអាន មកកាន់ទីក្រុងភ្នំពេញ ដោយក្រុមហ៊ុនអាកាសចរណ៍ Spring Airlines នៅថ្ងៃទី២៩ ខែធ្នូ ឆ្នាំ២០២៤នេះ នៅអាកាសយានដ្ឋានអន្ដរជាតិភ្នំពេញ។

ពិធីទទួលស្វាគមន៍ ជើងហោះហើរត្រង់ទី១ នេះ មានការចូលរួម ពីលោកបណ្ឌិតម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល លោក ហួត ហាក់ រដ្ឋមន្រ្តីក្រសួងទេសចរណ៍ និងលោក Wang Wenbin ឯកអគ្គរដ្ឋទូតចិនប្រចាំកម្ពុជា។

លោកបណ្ឌិត ម៉ៅ ហាវណ្ណាល់ បានសម្លឹងឃើញថា ទំនាក់ទំនង កម្ពុជា-ចិន ជាពិសេសភ្ញៀវទេសចរចិន ជាការពិតឃើញថា មានការកើនឡើង ដោយសារអ្នកធ្វើដំណើរជើងហោះហើរ និងក្រុមហ៊ុនអាកាសចរណ៍ចិន បានពង្រីកជើងហោះហើរ។

ទន្ទឹមគ្នានេះ លោកបណ្ឌិត ម៉ៅ ហាវណ្ណាល់ បានឲ្យដឹងថា សម្រាប់អ្នកធ្វើដំណើរ តាមជើងហោះហើរ គឹតត្រឹមឆ្នាំ២០២៤ មានប្រមាណ៥.៦លាននាក់ ហើយរំពឹងថានៅឆ្នាំ២០២៥ ចំនួនអ្នកធ្វើដំណើរតាមជើងហោះហើរ មានការកើនឡើងលើស៧លាននាក់ នៅក្នុងមួយឆ្នាំ។

លោកបណ្ឌិត ម៉ៅ ហាវណ្ណាល់ បានលើកឡើងថា វិស័យអាកាសចរណ៍ស៊ីវិល ត្រូវរៀបចំហេដ្ឋារចនាសម្ព័ន្ធ ឲ្យស្របទៅនឹងគោលការណ៍ច្បាប់ របស់អាកាសចរណ៍ស៊ីវិល និងស្របទៅតាមគោលការណ៍ណែនាំ របស់អង្គការអាកាសចរណ៍ស៊ីវិលអន្ដរជាតិ ដើម្បីត្រៀមលក្ខណៈទទួលយន្ដហោះ ពីបណ្ដាប្រទេសផ្សេងៗ លើពិភពលោក។

ចំណែកលោក Wang Wenbin បានថ្លែងថា ខ្ញុំពិតជាសប្បាយរីករាយ ដែលបានសហការ ជាមួយរដ្ឋលេខាធិការដ្ឋានអាកាសចរណ៍ស៊ីវិល និងក្រសួងទេសចរណ៍ ក្នុងការទទួលភ្ញៀវទេសចរចិន ដែលបានបង្កើនជើងយន្ដហោះ ពីទីក្រុងស៊ីអាន មកកាន់ទីក្រុងភ្នំពេញ។

លោកបានបញ្ជាក់ថា “វិស័យទេសចរណ៍ គឺជាសសរស្ដម្ភសេដ្ឋកិច្ច របស់ប្រទេសកម្ពុជា ក៏ជាស្បៀងសំខាន់ សម្រាប់ការតភ្ជាប់រវាងប្រជាជន និងប្រជាជន”។

កាលពីឆ្នាំ២០១៩ ក្រុមហ៊ុនអាកាសចរណ៍ Spring Airlines ធ្លាប់បានហោះហើរ ចេញ-ចូលប្រទេសកម្ពុជា បានចំនួន៦២ជើង ក្នុងមួយសប្ដាហ៍។

បច្ចុប្បន្ន ក្រុមហ៊ុនអាកាសចរណ៍ Spring Airlines បានចាប់ផ្តើមហោះហើរឡើងវិញ នៅក្នុងប្រទេសកម្ពុជា ចាប់ពីថ្ងៃទី៣១ ខែធ្នូ ជើងហោះហើរ នឹងដំណើរការ៣លើកក្នុងមួយសប្តាហ៍ នៅថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍៕

Hong Kong developer weighs stake sale in London office skyscraper project

December 28, 2024

Hong Kong developer Lai Sun Development is considering options for a planned office tower in the City of London, including a potential sale of a stake in the project.

The group has appointed Eastdil Secured and DBS Group Holdings to advise on finding a partner for the 100 Leadenhall Street project, according to people with knowledge of the appointments. The financial advisers are currently undertaking due diligence on the project and could seek a funding partner later in the year or in early 2025, the people said, asking not to be identified as the process is private.

The process is at an early stage and there is no certainty that Lai Sun will ultimately pursue a sale of part or all of the project.

A representative for Lai Sun declined to comment. The company said in its interim report that it is “currently considering options and timing for the redevelopment.”

The City of London was approved in 2018 and the plan is for the 56-story building to be located next to the Gherkin skyscraper. The proposals include about 1.1 million square feet of office space that would be built on a site currently occupied by buildings at 100, 106 and 107 Leadenhall Street.

Soaring construction costs and falling valuations have upended developers’ appraisals of new projects, forcing some to reconsider.

Source: Bloomberg

1...315316317...3,234 Page 316 of 3,234