ដោយ៖ សុធីតា
ពិភពលោក៖ បច្ចុប្បន្ន អ៊ីធើណិតមានសារៈសំខាន់ជាទីបំផុតសម្រាប់ការរស់នៅប្រចាំថ្ងៃរបស់យើង។ វាបម្រើដល់ពួកយើងទាំងអស់គ្នាក្នុងផ្នែក ដូចជាកម្សាន្ត សិក្សាស្រាវជ្រាវ បំពេញការងារ និងធ្វើទំនាក់ទំនងគ្នាឆ្ងាយៗជាដើម។
គិតត្រឹមខែកក្កដា ឆ្នាំ២០២២ តើប្រទេសណាខ្លះដែលមានល្បឿនអ៊ីនធើណិតលឿនជាងគេបង្អស់?
យោងតាមរបាយការណ៍តារាងសន្ទស្សន៍ល្បឿនអ៊ីនធើណិតជាសកល Speedtest Global Index ដែលផ្តល់ចំណាត់ថ្នាក់ ដោយផ្អែកទៅលើល្បឿនមេដ្យាននៃការទាញយក (median download speed) ដើម្បីឆ្លុះបញ្ចាំងឱ្យបានត្រឹមត្រូវបំផុត តាមតែអាចទៅរួច នូវល្បឿនអ៊ីនធើណិតជាក់ស្តែង ដែលអ្នកប្រើប្រាស់ម្នាក់ៗទទួលបាននៅតាមប្រទេសនីមួយៗ។
ប្រទេសដែលមានល្បឿនអ៊ីនធើណិតលើទូរស័ព្ទដៃលឿនបំផុត៖
១. អេមីរ៉ាត់អារ៉ាប់រួម (មានល្បឿន120,35 Mbps)។
២. កាតា (មានល្បឿន117,34 Mbps)។
៣. កូរ៉េខាងត្បូង (មានល្បឿន109,65 Mbps)។
៤. ន័រវែស (មានល្បឿន106,91 Mbps)។
៥. កូវ៉ែត (មានល្បឿន106,67 Mbps)៕
