ដោយ វុត្ថា
ភ្នំពេញ៖ និយតករទូរគមនាគមន៍កម្ពុជា (TRC) បានបង្ហាញរបាយការណ៍របស់ខ្លួននៅថ្ងៃទី ៨ ខែមករាឆ្នាំ ២០១៩ នេះពីការរីកចម្រើនសេវាទទូរគមនាគមន៍កម្ពុជាដោយគិតត្រឹមខែវិច្ឆិកា ឆ្នាំ២០១៨ ។
ខាងក្រោមនេះ គឺជាស្ថិតិសេវាទូរគមនាគមន៍នៅកម្ពុជា៖
១) សេវាទូរស័ព្ទចល័ត (ប្រតិបត្តិករចំនួន ៦)៖មានចំនួន ១៩.៣០១.៥០២ ស៊ីមកាត ត្រូវនឹង ១២០,១១% មានកំណើនប្រមាណ ៣,៧៨% បើធៀបជាមួយតួលេខក្នុងខែវិច្ឆិកា ឆ្នាំ២០១៧ ដែលមានត្រឹមតែ ១៨.៥៩៧.៧៤៣ ស៊ីមកាត។
២) សេវាទូរស័ព្ទអចល័ត (ប្រតិបត្តិករចំនួន ៧)៖ មានចំនួន ៩១.៣៣១ នាក់ ត្រូវនឹង ០.៥៧% ថយចុះ -២៧.៤៦% បើធៀបជាមួយនឹងតួលេខក្នុងខែវិច្ឆិកា ឆ្នាំ២០១៧ ដែលមានរហូតដល់ ១២៥.៩០៨ នាក់។
៣) សេវាអ៊ីនធឺណិតចល័ត (ប្រតិបត្តិករចំនួន ៧)៖ មានចំនួន ១២.៩៧៤.៣១៩ ស៊ីមកាត ត្រូវនឹង ៨០.៧៤% បើធៀបជាមួយតួលេខក្នុងខែវិច្ឆិកា ឆ្នាំ២០១៧ ដែលមានកំណើនកើនឡើង ២២,៧៩% ដែលមានត្រឹមតែ ១០.៥៦៥.៨៧៥ ស៊ីមកាត។
៤) សេវាអ៊ីនធឺណិតអចល័ត (ប្រតិបត្តិករចំនួន ៣៤)៖មានចំនួន ១៤៧.៥៩៦ នាក់ ត្រូវនឹង ០,៩២% បើធៀបជាមួយតួលេខក្នុងខែវិច្ឆិកា ឆ្នាំ២០១៧ ដែលកំណើនកើនឡើង ៩.១៦% ដែលមានត្រឹមតែ ១៣៥.២០៦ នាក់។
៥) បណ្តាញសង្គមហ្វេសបុក៖ មានត្រឹមចុងខែកុម្ភះ ប្រមាណ ៦,៨ លានគណនី មានកំណើនឡើងចំនួន ២ លានគណនី បើធៀបតួលេខចុងឆ្នាំ២០១៧។ ចំពោះលេខនេះមានការកើនឡើងតែមិនដឹងប៉ុន្មាន? ដោយសារយើងមិនទទួលបានតួលេខផ្លូវការច្បាស់លាស់ពីប្រភពគួរឲ្យទុកចិត្តបាន និងក្រុមហ៊ុនបណ្តាញសង្គមហ្វេសបុក៕
