ដោយៈ គង់ ម៉ាលីនណា
ភ្នំពេញៈ លោកស្រី ZHONG Jie ទីប្រឹក្សានៃស្ថានទូតចិនប្រចាំកម្ពុជាបានឲ្យដឹងថា ភាគីចិន និងកម្ពុជាបានចុះហត្ថលេខា លើពិធីសារស្ដីពី ការនាំចេញដូងរបស់កម្ពុជា ទៅកាន់ប្រទេសចិន និងកំពុងពន្លឿនការងារនាំចេញ ផលិតផលកសិកម្ម ដែលមានគុណភាពខ្ពស់ផ្សេងទៀត ដូចជាសំបុកត្រជៀកកាំ ផលិតផលសាច់ចម្អិនឆ្អិន និងក្រពើទៅកាន់ទីផ្សារចិន។
លោកស្រី ZHONG Jieថ្លែងថា ក្រោមការដឹកនាំជាយុទ្ធសាស្ត្ររបស់ថ្នាក់ដឹកនាំ នៃប្រទេសទាំងពីរ នៅឆ្នាំ២០២៣ កិច្ចសហប្រតិបត្តិការសេដ្ឋកិច្ចនិងពាណិជ្ជកម្មចិន-កម្ពុជា ត្រូវបានធ្វើឱ្យប្រសើរឡើងបន្ថែមទៀត និងសម្រេចបានលទ្ធផលជាផ្លែផ្កាយ៉ាងច្រើន។
លោកស្រីបានបញ្ជាក់ថា ទំហំពាណិជ្ជកម្មទ្វេរភាគី បន្តពង្រីកបន្ថែមទៀត។ កិច្ចព្រមព្រៀងភាពជាដៃគូសេដ្ឋកិច្ច គ្រប់ជ្រុងជ្រោយតំបន់(RCEP) និងកិច្ចព្រមព្រៀងពាណិជ្ជកម្មសេរី ចិន-កម្ពុជា (CCFTA) បន្តបញ្ចេញភាគលាភ ហើយប្រទេសចិននៅតែជាដៃគូពាណិជ្ជកម្ម ធំបំផុតរបស់កម្ពុជារយៈពេល១២ឆ្នាំជាប់ៗគ្នា។
យោងតាមស្ថិតិរបស់ចិនបានបង្ហាញថា ចាប់ពីខែមករា ដល់ ខែវិច្ឆិកា ឆ្នាំ២០២៣ ទំហំពាណិជ្ជកម្មទ្វេភាគីរវាងចិន-កម្ពុជា មានចំនួន ១៣,៤២ពាន់លានដុល្លារ ក្នុងនោះចិនបានការនាំចូលទំនិញពីកម្ពុជាមានទឹកប្រាក់ចំនួន១.៨៥ ពាន់លានដុល្លារ បានកើនឡើង១១,៣% បើធៀបនឹងរយៈពេលដូចគ្នានៅឆ្នាំ២០២២។
លោកស្រីបន្តថា ការនាំចេញកសិផលកម្ពុជា ទៅប្រទេសចិនបានចុចនូវ “ប៊ូតុងបន្ថែមល្បឿន”។ នៅឆ្នាំ ២០២៣ ម្រេចកម្ពុជា សត្វក្នុងទឹកដែលអាចបរិភោគបាន ផលិតផលវ៉ារីវប្បកម្មសត្វព្រៃត្រូវបាននាំចេញទៅកាន់ប្រទេសចិនផងដែរ ។
ភាគីទាំងពីរបានចុះហត្ថលេខា លើពិធីសារស្ដីពីការនាំចេញដូងរបស់កម្ពុជាទៅកាន់ប្រទេសចិន និងកំពុងពន្លឿនការងារនាំចេញផលិតផលកសិកម្ម ដែលមានគុណភាពខ្ពស់ផ្សេងទៀត ដូចជាសំបុកត្រជៀកកាំ ផលិតផលសាច់ចម្អិនឆ្អិន និងក្រពើទៅកាន់ទីផ្សារចិន។
យោងតាមស្ថិតិរបស់កម្ពុជា ចិនគឺជាគោលដៅធំជាងគេរបស់កម្ពុជាដែលនាំចេញអង្ករ ចេក ផ្លែមៀននិងតាងែន។ បច្ចុប្បន្ននេះ ៣០% នៃប្រមាណអង្ករកម្ពុជា ហើយផ្លែចេក ផ្លែមៀននិងតាងែនភាគច្រើនត្រូវបាននាំចេញទៅកាន់ទីផ្សារចិន៕
