តោះ​ទៅ​មើល​ចំណុច​ពិ​សេស​ៗ​ចំនួន៨​ ​នៃ​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​

​ដោយ​ ​គង់​ ​សូ​រិយា​

​ភ្នំពេញ​៖​ ​ខណៈ​ថ្ងៃ​បើក​ការដ្ឋាន​កាន់តែ​ខិត​ជិត​មកដល់​ ​និង​ការ​ទន្ទឹង​របស់​ប្រជាពលរដ្ឋ​កាន់តែ​មាន​សង្ឃឹម​ពី​ការសាងសង់​ផ្លូវ​ល្បឿន​លឿន​ភ្នំពេញ​ ​ក្រុង​ព្រះសីហនុ​ ​ប្រជាពលរដ្ឋ​ពិតជា​ចង់​ដឹង​ថា​ផ្លូវ​នេះ​មាន​ចំណុច​អ្វី​ពិសេស​ខ្លះ​មិនខាន​។​

​លោក​ ​វ៉ា​ស៊ី​ម​ ​សូ​រិយា​ ​អ្នកនាំពាក្យ​ក្រសួង​សាធារណៈ​ការ​ ​និង​ដឹកជញ្ជូន​បាន​មានប្រសាសន៍​ឱ្យ​ដឹង​តាម​ទូរស័ព្ទ​កាលពី​ថ្ងៃទី៤​ ​មីនា​កន្លងមក​ថា​ ​ផ្លូវ​នេះ​ពិតជា​មាន​ចំណុច​ពិសេស​មួយចំនួន​ ​ខុសពី​ផ្លូវ​ធម្មតា​ ​ដូចជា​ ​ទី១​ ​ផ្លូវ​នេះ​មាន​ចំណត​ឈប់​សំរាក​ចំនួន​ ​៣កន្លែង​ ​ទី២​ ​មាន​ស្ពាន​តូច​ ​៥កន្លែង​ ​និង​ស្ពាន​ធំ​ចំនួន​ ​៨០កន្លែង​ ​មាន​ប្រវែង​សរុប​ ​៦០១៥ម៉ែត្រ​ ​ទី៣​ ​មាន​ស្ពាន​អាកាស​ដែល​មាន​សណ្ឋាន​ ​ដូច​ស្ពាន​អាកាស​ស្ទឹងមានជ័យ​ ​៦កន្លែង​ ​និង​សា​គួរ​ ​១កន្លែង​ ​ទី៤​ ​ការសាងសង់​ផ្លូវ​នេះ​នឹង​ធ្វើ​របង​បិទ​ជិត​ ​មិន​ឱ្យ​សត្វពាហនៈ​ ​ម៉ូតូ​ ​និង​រ៉ឺម៉កម៉ូតូ​ឆ្លងកាត់​បាន​នោះ​ទេ​។​