ចំណេះដឹង​!​ ​តើ​អាច​ចុះបញ្ជី​មុន​ពេល​ចាប់ផ្តើម​ធ្វើអាជីវកម្ម​បាន​ឬទេ​?​

​ដោយ​ ​វុត្ថា

​ភ្នំពេញ​៖​ ​ប្រសិនបើ​លោក​/​ ​លោកស្រី​ ​មិនទាន់​បាន​ធ្វើការ​ផ្គត់ផ្គង់​ជាប់​អាករ​ ​ក្នុង​ខណៈ​ដែល​បាន​ចាប់ផ្តើម​ធ្វើអាជីវកម្ម​រួច​មក​ហើយ​ ​ហើយ​លោក​/​លោកស្រី​មានបំណង​នឹង​ធ្វើការ​ផ្គត់ផ្គង់​ជាប់​អាករ​ ​នៅពេល​ខាងមុខ​ ​ឧទាហរណ៍​ ​ដូចជា​ ​ការ​សាង​សង់​រោងចក្រ​ជាដើម​ ​លោក​/​លោកស្រី​អាច​ស្នើសុំ​ចុះបញ្ជី​ជា​សហគ្រាស​វិនិយោគ​ ​មុន​ថ្ងៃ​ចាប់ផ្តើម​ធ្វើ​ ​ការ​ផ្គត់ផ្គង់​ជាប់​អាករ​បាន​។​

​យោង​តាម​ឯកសារ​របស់​អគ្គនាយក​នៃ​អគ្គនាយក​ដ្ឋាន​ពន្ឋ​ដា​បាន​ឲ្យដឹង​ថា​ ​លោក​/​លោកស្រី​ ​ត្រូវ​បង្ហាញ​ភស្តុតាង​ច្បាស់​លាស់​ ​ជូន​អគ្គនាយក​ដ្ឋាន​ពន្ធដារ​នូវ​គោលបំណង​ ​នៃ​ក្រុមហ៊ុន​ ​របស់​លោក​/​ ​លោកស្រី​ ​ក្នុង​ការ​ផ្គត់ផ្គង់​ជាប់​អាករ​ដោយ​មធ្យោបាយ​អាជីវកម្ម​នានា​ ​ដូចជា​ ​ការសិក្សា​ពី​អាជ្ញាប័ណ្ណ​ ​វិនិយោគ​ ​កិច្ចសន្យា​ដែល​បាន​ស្នើសុំ​ព័ត៌មាន​លម្អិត​នៃ​ទំនិញ​ក្នុង​ស្តុក​ ​និង​ការទិញ​ទ្រព្យសកម្ម​នានា​ ​។​ល​។​ ​

​ប្រសិនបើ​ពាក្យ​ស្នើសុំ​ចុះបញ្ជី​របស់​លោក​/​ ​លោកស្រី​ត្រូវ​បាន​ទទួល​ ​លោក​/​លោកស្រី​អាច​ស្នើសុំ​វិញ​ជា​បណ្តោះអាសន្ន​ ​នូវ​អាករ​លើ​ធាតុ​ចូល​ ​ដែល​អាច​បែង​ចែង​បាន​ទាំងអស់​នៃ​ការ​ផ្គត់ផ្គង់​អាករ​ ​ដែល​ជាគោល​បំណង​ ​របស់​លោក​/​លោកស្រី​។​ ​