ដោយ: គង់ លាងហួរ
ភ្នំពេញ: ទីផ្សារអចលនទ្រព្យជួលនៅប្រទេសកម្ពុជាមានស្ថានភាពប្រសើរឡើង ខណៈអត្រាផលចំណេញពីការជួលអាផាតមុិន(Rental Yield)នៅកម្ពុជាមានកម្រិតខ្ពស់ ដែលជាចំណុចទាក់ទាញសម្រាប់់អ្នកវិនិយោគ។
នៅក្នុងត្រីមាសទី១ ឆ្នាំ២០២៥ អត្រាផលចំណេញពីការជួលអាផាតមុិននៅរាជធានីភ្នំពេញមានអត្រាចាប់ពី៥,០១ភាគរយដល់៨,៥ភាគរយ។នេះបើយោងតាមការសិក្សាថ្មីៗនេះដែលធ្វើឡើងដោយក្រុមហ៊ុន Global Property Guide។
ស្របពេលជាមួយគ្នានេះ អត្រាផលចំណេញពីការជួលអាផាតមុិននៅខេត្តកែប និងកំពតមានអត្រាចាប់ពី៦,៦ភាគរយដល់៨,៧៩ភាគរយ។ ចំណែក អត្រាផលចំណេញពីការជួលអាផាតមុិននៅកោះរ៉ុងនៃខេត្តព្រះសីហនុមានអត្រាចាប់ពី៥,៧៤ភាគរយដល់៧,៨២ភាគរយ។
-->
វេបសាយ Invest Asian បានកត់សម្គាល់ថា អត្រាផលចំណេញពីការជួលអាផាតមុិនក្នុងទីក្រុងភ្នំពេញ មានកម្រិតខ្ពស់ជាងគេបំផុតលំដាប់ទី២ នៅក្នុងតំបន់អាស៊ី បន្ទាប់ពីទីក្រុងហ្សាការតារបស់ប្រទេសឥណ្ឌូនេសុី ដែលមានអត្រាផលចំណេញលើសពី៦ភាគរយ។
កំណើនសេដ្ឋកិច្ចរបស់កម្ពុជាមានអត្រាស្មើគ្នានឹងអត្រាផលចំណេញពីការជួលអចលនទ្រព្យ។ លើសពីនេះ កម្ពុជាបានជៀសផុតវិបត្តិពពុះទីផ្សារភាគហ៊ុនបច្ចេកវិទ្យានៅទសវត្សរ៍ឆ្នាំ២០០០ រួមជាមួយនឹងវិបត្តិហិរញ្ញវត្ថុឆ្នាំ២០០៨។
មូលនិធិរូបិយវត្ថុអន្តរជាតិ (IMF) រំពឹងថាសេដ្ឋកិច្ចកម្ពុជានឹងកើនឡើង៥,៨ភាគរយនៅឆ្នាំ២០២៥នេះ។ ជាមួយគ្នានេះ ក្រសួងសេដ្ឋកិច្ច និងហិរញ្ញវត្ថុកម្ពុជា និងធនាគារអភិវឌ្ឍន៍អាស៊ី (ADB) មានសុទិដ្ឋិនិយមខ្ពស់ជាងនេះ ដោយបានព្យាករណ៍ពីអត្រាកំណើន GDP របស់កម្ពុជាចំនួន៦,៣ភាគរយ និង៦ភាគរយរៀងគ្នា៕ប្រភព: Global Property Guide៕
នៅកម្ពុជាមានកម្រិតខ្ពស់ ដែលជាចំណុចទាក់ទាញសម្រាប់់អ្នកវិនិយោគ។){kind=link}